RÒMƐŊ 8:2 - Bafia Nouveau Testament

² Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

RÒMƐŊ 8:2 ပူးပေါင်းရင်းမြစ်များ

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 6:63

Ǹghay wɛɛ̀ fafa cɛɓ, mɛ̀mùù mɛ yin ɗi gɛɓsɛ̀n. Fɔɔnnɛ ɓìɓan ɓi màa kpaa mìni ɓi ri ɓìɓan ɓi Nghay, rì ɓi cɛɓ.

ZYAŊ 8:32

Ɓì rì ɓiì yiì saaɗ, saaɗ ànɛ̀n à ghaasì mìni ɓɛ̀kan.

ZYAŊ 8:36

Fɔɔnnɛ i Man yɛɛ ghaasii mìni ɓɛ̀kan, ɓì ɓa ɓɛ̀kɔɔ̀kɔɔ̀ ɓɛ ɓɛ̀kan.

RÒMƐŊ 16:3

Ɓì tɔkì mɛ̀ Piriska ɓɛɛ̀ Akilas ɓɛ ɓɛ ri ɓɛ̀reŋkàŋ ɓɛm ɓɛ ɓi kìsay ki Yeesus Kiris.

RÒMƐŊ 3:27

Nni kìɓan aɗi kɛɛ̀ki ŋwaà rì lɛ à saàsànɛ̀n miì? Kìɓan ki saasanɛ̀n miì ki yin. Ɓisuucɛ? Ɓisuulɛ ɓɛ yii rìɓèŋ ɗi ɓiɗɔ̀gsɛna? Èe èe, lɔŋ ɓisuu righerɛ̀n.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

RÒMƐŊ 6:14

Kìɓe kaa làmi ɓi mini, ɓisuulɛ àa ɓìdɔ̀gsɛna ɓyɛɛ̀ làlami mìni, lɔŋ geesɛ̀n ì Bɛ̀ll.

RÒMƐŊ 6:18

Yɛ̀ɛ Bɛ̀ll à pisìghà mìni ɓi rìkpàn ɗi kiɓe, ɓì mɛ ghay ɓɛkpàn ɓɛ saaɗ.

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

RÒMƐŊ 7:21

Nni màànɛ nkɔ̀nkɔn lɛ nki kìrɔɔ, ǹghɛɛ min lɛ: Kìɓe kɛ̀ɛ ri mɛ̀ nunùg.

RÒMƐŊ 7:23

Kìɓan kifog kìdɔ̀gsɛna kidɛŋ ki ri mɛ̀ ɓi ɓìkàɓ, kɛɛ ɗùùɗuu ri ɓìdɔ̀gsɛna ɓi nɗem wɛ̀m wɛɛ̀ sɛsɛ̀g; kɔ yɛɛ ghaasii mɛ̀ ǹkpàn a kìsyɔ̀ɔ̀ ki ki komi kìɓe ki ki ri mɛ̀ ɓi ɓìkàɓ.

RÒMƐŊ 7:4

Ɓɛ̀geni ɓɛ̀m, ki ri girig fɔlɔɔ ɓisu win ɓi san ànɛ a ɓìdɔ̀gsɛna, ɓì rì ɓiloŋ lɛ nyoo ì Kiris, lɛ ɓi ɓa ɓumɓɛ ɓɛ wooghrɛɛ rì ŋwaàdɛŋ; ɓigomìnɛ, ɓì wooghrɛɛ rì roànɛ à ghèmɓɛ̀ngày a ɓìloŋ lɛ di ti ki ɓìɓan ɓi syeesyee ɓisuu Bɛ̀ll.

RÒMƐŊ 8:1

Nni ɓigomìnɛ, ɓumɓɛ ɓɛ ri ɓi Yeesus Kiris ɓi ɗùm, ɓɛ yiìɗi ri bɛ̀lɛn nsoò lɛsàg, ɓɛ yiìdi ɓiì ghɛghɛɓi yɛ̀ɛ mɛ̀mùù mɛɛ̀ titini ɓɔ lɛ ɓɛɛ ghɛɓ, ɓɛɛ̀ nɔ̀ɔnɔɔ̀tì lɔŋ cɛɓ ki Nghay à Bɛ̀ll a rèresi ɓɔ.

1 KƆ̀RƐ̀ŊTYƐŊ 15:45

Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

2 KƆ̀RƐ̀ŊTYƐŊ 3:17

Kɔm̀ lɛ Kan à rì Ǹghay; ni jàŋ inɛ Ǹghay à Kan à rì yɛɛ̀nɛ ɓum ɓɛ ti ɓɛ ɓalàg ɓɛ̀kan wɔ̀ɔ̀.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

GÀLAT 2:19

Ɓi san ànɛ a ɓìdɔ̀gsɛna, mɛ̀ ǹtighà kìloŋ lɛ ɓìdɔ̀gsɛna, lɛ di nghɛɓ ɓisuu Bɛ̀ll.

GÀLAT 5:1

Kiris à kwèɗkà ɓìsi lɛ ti ɓa ɓɛ̀kan; nni kɛ̀ ɓi foŋɗɛn ti mìniìɓɔmiɗ ɓi kìɓèg lɛ ɓi sugti ɓi rìkpàn.

GÀLAT 6:2

Gheeghèŋzɛɛna rìtɛ̀g ɗi mɛtɛ̀g mɛ ɓì rì rì mɔ, di fɔɔnnɛ ɓi roòzi kìdɔ̀gsɛna ki Kiris.

ZYAG 1:25

Kìɓan kifog, i mum à sìŋii ɓìdɔ̀gsɛna ɓi ɓi rɔɔtɛɛ lɛ kɔɔ̀kɔɔ̀, ɓi ɓyɛɛ̀ foŋfoŋ mum ɓi-kɔ̀ɔ̀ wu rikan, à ki sììrɛn, àa ɓi rìwowòg ɗi lɛ i à woogh, à ɗimzɛ̀n, lɔŋ ɓi rìkìkì ɗi ɓiɓan ɓi miì rì ìtèɗ, ŋwaànɛ̀n yɛɛ ri ɓiì woògh kìrɔɔ ɓi rìkì ɗii ɗiǹ.

ÀPÒKÀLIƁSƐ̀ 11:11

Ajɛ̀m ì mɛ̀ru mɛ kiraa rì kìden mɛ̀n, ǹghay àdɛŋ ànɛ à rì nghay à cɛɓ à pɛ̀sɛ̀ngày yɛ̀ɛ Bɛ̀ll, à ɗiŋì ɓi ɓɔ, ɓɛ ki pɛ̀sɛn aɗyoo, ɓɛ rɛlì mɛ̀rɛy, fɔɔnnɛ coo iris wu ɓangà ɓumɓɛ ɓɛ seesèèghà ɓɔ.

ÀPÒKÀLIƁSƐ̀ 22:1

Fɔɔnnɛ ŋwaà-fìtom a rèsìghà mɛ̀ rìɓày à mɛ̀nig mɛ cɛɓ, ànɛ à ɓaghà lɛ saŋì-saŋì yɛ̀ɛ kìpɛsà ki ŋwii; rìɓày ànɛn à kpaŋkpàŋgày ɓi-kɔ̀ɔ̀ wu rilàmì wu Bɛ̀ll rì wu Man à jɔ̀ɔ̀.