RÒMƐŊ 8:17 - Bafia Nouveau Testament

¹⁷ I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

RÒMƐŊ 8:17 ပူးပေါင်းရင်းမြစ်များ

MATYOO 16:24

Fɔɔnnɛ Yeesus à kpaaghà ɓɛ̀yilàg ɓii lɛ: I ki kɔ̀ni mum lɛ a nɔɔ̀ti mɛ̀, à ghɛ̀ɛ̀sɛɛ kì roòzɛɛ nyimiɗ, à tɛ̀g kɔrɔs wìì, à ki nɔ̀ɔ̀ti mɛ.

MATYOO 25:21

Masà wìì a kpaaghà nyi lɛ: Ki rɔɔtɛɛ; ù rì syeesyee à ǹkìì-kìsay, wɔ̀ tì ǹkìì-kìsay a ǹtyweeyi. Yɛ̀ɛ ù rèsii mɛ̀ lɛ, ù rì ŋwaà-ǹtyweeyi ɓi ɓyom ɓisàg, ǹɗì wɔ̀ ɓiì rɛsii ǹlàmì ɓi ɓyom ɓigwey; ɗiŋi ɓi kìnyàà ki masà wɔ̀ɔ̀.

LUKAS 12:32

Maa kìtuu à jɔ̀ɔ̀ ànɛ, kɔ̀ɔ risi com, lɛ ki kɔngà Tààta wìn lɛ, a fa mìni kìlɔ̀ŋ kii.

LUKAS 24:26

ɓì yii ɓi lɛ Kiris à ghɛ̀ɛ̀sɛ̀ngà kì woògh mɛ̀tɔɓ fɔlɔɔ ɓi ɗi lɛ a ɗiŋi ɓi rìkem ɗii?

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

RÒMƐŊ 5:17

I rìnàn ɗi kibog ki mum ɗi kighà lɛ rìwu ɗyɛɛ̀ ragɛn, lɛ kìbog ki mum kìn, bɔ̀ɓ yaŋ ri ɓumɓɛ ɓɛɛ̀ teki lɛ rì geesɛ̀n yìì inɛ ì tèghɛɛ, rì rìɓòò ɗi ɓi rìren ɗii ɗi ɓiɓan, ɓɛ ri kì lɛ, ɓɛ ghɛɓ, ɓɛ ki làmi lɛ m̀bobog à mum ànɛ lɛ Yeesus Kiris.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

1 KƆ̀RƐ̀ŊTYƐŊ 2:9

Fɛlɛ yɛ̀ɛ ki ri kìkànɛn lɛ: Com ki ɗis ɗi ghɛngà ɓi, com ki ìreè wu wokà ɓi, ki ǹɗem wu mum wu fekà ɓi, Bɛ̀ll à pègsɛ̀ngà kɔ ɓisuu ɓumɓɛ ɓɛ keesii nyi.

2 KƆ̀RƐ̀ŊTYƐŊ 1:5

Ɓisuulɛ, fɛlɛ yɛ̀ɛ mɛ̀tɔɓ mɛ Kiris mɛ ti mɛ ghenàg a lɔ̀ŋkis lɛɛ̀gwey, fɔlɔɔ nnɛ rìfɔɔsì ɗi mɛrem mis ɗi ti ɗi ɓalàg girig lɛɛ̀gwey lɛ Kiris.

2 KƆ̀RƐ̀ŊTYƐŊ 1:7

Fɔɔnnɛ dyàɓɛn inɛ tì rì rì yɔ̀ ɓi ɓɛg ànɛ a lɔ̀ŋkin, ì rì ǹtèèsɛn ɓisuulɛ, tì yii lɛ, yɛ̀ɛ ɓì ti ɓì tekì gàɓ ɓi mɛ̀tɔɓ mis, ɓì rì girig rì gàɓ ɓi rìfɔɔsì ɗi mɛrem mis.

GÀLAT 3:29

Nni mìni ɓɛ ɓì rì ɓum ɓɛ Kiris, yiina min lɛ, ɓì rì boo ì mum yì Abiraham, ìnɛ ì rì rì gàɓ ɓi ɓyom ɓi Bɛ̀ll à kàkà.

GÀLAT 4:7

Fɔɔnnɛ ù yiìdi ǹkpàn, ù ti lɔŋ man à Bɛ̀ll; nni yɛ̀ɛ ù ti man wiì, ù rì girig rì gàɓ ɓi ɓyom ɓii lɛ geesɛ̀n yìì.

EFÈZYƐŊ 3:6

Ɓumɓɛ ɓɛ yin Ɓɛ̀yudɛ̀n ɓɛ ti girig ɗì gàɓ ɓi ɓyom ɓi Bɛ̀ll à nyamgà ɓisuu ɓum ɓii, ɓɛ ɓa ɓìkàɓ ɓi nyoo bog, ɓɛ ki ɓa girig ɓumɓɛ ɓɛ ri ɓi nkàg wu Bɛ̀ll à faghà ɓi Yeesus Kiris lɛ Syeesyee à Ɓɔlɛ,

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

FÌLÌPYƐŊ 3:10

Com ki nkɔ̀nkɔ̀n ki ri lɛ: n-yi Kiris, ǹ-yi ìtèɗ wu rìghèmɓɛ̀n ɗii, ɗi a ɓìloŋ, ǹteɗ gàɓ ɓi mɛ̀tɔɓ mii, ǹki pisɛn nyi ɓi rìwu ɗi à wughà

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

Kaàtà ànɛ Pol à kàngà TIT 3:7

lɛ di ti ɓa rì gàɓ ɓi dyàɓɛn i cɛɓ ki fiɗyàɓ fikɔ̀ɔ̀, yɛ̀ɛ geesɛ̀n yìì i mɛ kì lɛ ti ɓa lɛ saaɗ ɓi mis miì.

EBIREEGH 1:14

Ɓum ɓɛ titom ɓɛ̀cèm ɓɛ yin nya mɛ̀ghay mɛ mɛɛ̀ kìki Bɛ̀ll kìsay? Mɛ ki ɓa lɛ, nyi yɛɛ romi mɔ lɛ mɛɛ kɛǹ kì ghɛɓsii ɓum ɓɛ̀cèm ɓɛ ɓɛ ghɛɛ̀sɛɛ kì terì gàɓ ɓi gòri ì Bɛ̀ll?

EBIREEGH 1:2

nni ɓi mɛ̀ru mɛ siitòn mɛ, àa ntòòghrɛɛ rì ɓìsi ɓi ŋwɔm wu Man wiì, man ànɛ̀n innɛ à rɛsìghà lɛ a teɗ ɓìɓan ɓicèm; rì nyi nnɛ Bɛ̀ll à kìghà lɛ rì ɗyoo rì zi.

EBIREEGH 6:17

Yɛ̀ɛ Bɛ̀ll à kɔ̀ngà lɛ a konag kì rèsii ɓumɓɛ à faghà mɛ̀kàg lɛ nyaa lɔ̀gtiigɛ ɓi rikalì ɗii, fɔɔnnɛ à kànɛ̀ngà bɛ̀ɗ.

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

1 PYƐƐRI 1:4

ɓisuu mɛwus mɛ mɛ yin lɛ mɛ ɓwɛy, mɛ̀ kɛɛ̀ teɗ tifin nsoò lɛ mɛ womdàg; mɛ̀wus mɛǹ mɛɛ ri mɛ̀ nyamɛn aɗyoo ɓisu wìn,

1 PYƐƐRI 4:13

Ɓì ghɛ̀ɛ̀sɛɛ lɔŋ lɛ ɓì nyààrɛ̀n lɛ ɓi teteɗ gàɓ ì mɛ̀tɔɓ mɛ Kiris, di fɔɔnnɛ ɓi ɓiì rongii girig rì kìnyàà yɛ̀ɛ rìkem ɗii ɗi ri ɓiì ghɛnɛɛ.

ÀPÒKÀLIƁSƐ̀ 21:7

Ŋwaànɛ à rì ɓiì yagsaagh nnyɛɛ ri ɓiì fɔ̀ni mɛwus mɛǹ, ǹɗì ɓiì ɓaà Bɛ̀ll wìì, nyii ɓa mɛ̀ man.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.