RÒMƐŊ 8:16 - Bafia Nouveau Testament

¹⁶ Ǹghay à Bɛ̀ll nyimiɗ a ti à sììràg kì rèsii ǹghay wìs lɛ, tì rì ɓɔn ɓɛ Bɛ̀ll.

RÒMƐŊ 8:16 ပူးပေါင်းရင်းမြစ်များ

MATYOO 5:9

Mààgh rì ɓumɓɛ ɓɛɛ̀ kìki lɛ, fyòoog a ɓa ɓi nyìinyìm à ɓum, lɛ ɓɛ ri reŋi ɓɔ lɛ ɓɔn ɓɛ Bɛ̀ll.

LUKAS 20:36

ɓɛ̀ kɛɛ̀ ki wu ti, lɛ ɓɛ ri ɓaa gɛ yɛ̀ɛ ɓum ɓɛ titom, ɓɛ ki ɓa ɓɔn ɓɛ Bɛ̀ll lɛ, ɓɛ mɛ ghèmɓɛn yi a ɓìloŋ.

ZYAŊ 1:12

wɔ̀lɛ ì faghà ɓum ɓɛ̀cèm ɓɛ ɓɛ ghaɓkà kɔ, ɓɛ gherɛ̀n ɗii ɗi yɔ̀, ìtèɗ wulɛ ɓɛɛ ɓa ɓɔn ɓɛ Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 5:32

Tì rì ɓɛ̀wusìnɛ̀ɗ ɓɛ ɓi ɓìɓan ɓiǹ lɛ, rì ɓìsi, rì Kìtɛntɛ̀ɛ̀n ki Nghay ki Bɛ̀ll àa ǹɗomiì ɓumɓɛ ɓɛɛ̀ kìki nyi mɛ̀wog.

RÒMƐŊ 8:14

Ɓum ɓɛ̀cèm ɓɛ Nghay à Bɛ̀ll a kɛ̀ɛkɛɛ̀sì, ɓɛɛ ri ɓɔn ɓɛ Bɛ̀ll.

RÒMƐŊ 8:19

Zi bimiɗ ì rì nɗem aɗyoo ì ɓoŋɓòŋ cààmɛ̀n ki Bɛ̀ll à ɓiì rèsii ɓumɓɛ ɓɛ ri ɓɔn ɓii.

RÒMƐŊ 8:23

Àa foo nyi rì nyi, ɓìsi girig ɓɛ tì mɛ teɗ Ǹghay à Bɛ̀ll ɓi sìg à kìrɔɔ ki ǹtonto ki ɓi ɓìrɔɔ ɓi Bɛ̀ll à rì ɓiì kìi ɓisi, ti ɓemɓem girig ɓi mɛ̀rem ɓi ɗùm, tì ɓoŋɓòŋ lɛ Bɛ̀ll a ghaàsi ɓìsi ɓɔn ɓii à ki kwèɗ nyoo yìs.

RÒMƐŊ 8:26

Fɔlɔɔ nnɛ Ǹghay à Bɛ̀ll à ti à yùlàg girig ɓìsi kì ghɛɓsii ɓi rìɓa ɗi tì rì rì ìɓwɛɗ tì yii ɓi com ki tì ghɛ̀ɛ̀sɛɛ kì tɔɔ̀gh ɓi bɔ̀ŋzɛ̀ɛn yis; kìɓan kifog Ǹghay nyimiɗ a ɓɔ̀ɔɓɔŋ̀zì Bɛ̀ll ɓisu wis, rì bemeg yi mum à yin lɛ à yi rìkpaa.

RÒMƐŊ 9:26

Fɔɔnnɛ jàŋ yɔ̀miɗ inɛ ɓɛ kpaakpààghà ɓɔ lɛ: Ɓì yin ɓum ɓɛm, wɔɔ nnɛ ɓɛ ɓiì reŋii ɓɔ lɛ: Ɓɔn ɓɛ Bɛ̀ll ànɛ à rì cem.

RÒMƐŊ 9:8

Yɛɛ lɔɔ lɛ àa ɓɔn ɓɛ ɓɛ yalɛɛ yɛ̀ɛ ɓɔn ɓɛ ti ɓɛ yalàg ɓɛɛ ri ɓɔn ɓɛ Bɛ̀ll, lɔŋ ɓɔn ɓɛ ɓɛ yalɛɛ fɛlɛ yɛ̀ɛ ǹkàg wu Bɛ̀ll wu ri, ɓɛɛ ri ɓɛ̀ɓàlɛn lɛ dòò.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

2 KƆ̀RƐ̀ŊTYƐŊ 1:22

À rèmzìghà girig ɓìsi rì sìtam̀ wìì, à foŋ ɓìsi ɓìɗùn ɓi Nghay ɓi mɛ̀rem, ɓi ɓi resii lɛ, tì ɓiì terì ɓìrɔɔ ɓi à nyamgà ɓisu wis.

2 KƆ̀RƐ̀ŊTYƐŊ 5:5

Bɛ̀ll nyimiɗ yɛɛ pegsɛ̀ngà lɛ ɓìsii ri ɓiì lɔ̀ɔ̀ghrɛɛ ɓi rìkuu ɗi rilɔ̀ɔ̀ghrɛ̀n ɗiǹ, fɔlɔɔ nnɛ à faghà ɓìsi Ǹghay wìì ɓi sìg à kìrèmzɛnà ki kɛɛ resi lɛ, à ɓèŋɓeŋi ɓìrɔɔ ɓidɛŋ ɓisu wis.

2 KƆ̀RƐ̀ŊTYƐŊ 6:18

M̀ɓaa gɛ Seŋi wìn, mìnii ɓa mɛ̀ ɓɔn ɓɛ ɓɛ baŋì rì ɓɛ ɓɛ̀yiɓ, fɔɔnnɛ Kan à ìtèɗ wucèm a kpaaghì.

GÀLAT 3:26

ɓisuulɛ mìniìcèm ɓì rì ɓɔn ɓɛ Bɛ̀ll ɓi rìgherɛ̀n ɗi ɓì gherɛɛ Yeesus Kiris.

GÀLAT 4:6

Com ki ki resii lɛ ɓì ti ɓɔn ɓɛ Bɛ̀ll ki ri lɛ: Bɛ̀ll à romgày Ǹghay à Man wiì ɓi mɛ̀rem mis, Ǹghay ànɛ̀n yɛɛ̀ làalamɓɛ̀n jɛ̀ɛ̀ aɗyoo lɛ: Aba, yɛɛlɔɔ lɛ Tààta.

EFÈZYƐŊ 1:13

Ɓi Kiris, mìni girig ɓì kìghà lɛ, yɛ̀ɛ ɓì wokà jɛ̀ɛ̀ ìnɛ ì rì saaɗ, yɛ̀ɛ ri Syeesyee à Ɓɔlɛ ànɛ à ɓaghày rì gòri yìn, nni ɓì gherɛ̀ngà Kiris, Bɛ̀ll à foŋ min kirèmzɛnà kii ɓi mìni, yɛ̀ɛ à faghà mìni Kìtɛntɛ̀ɛ̀n ki Nghay ki à kàkà.

EFÈZYƐŊ 4:30

Kɛ̀ ɓi kì lɛ Kìtɛntɛ̀ɛ̀n ki Nghay ki Bɛ̀ll à rèmzàkà mìni rì kɔ ɓisuu ŋwos anɛ gòri yìì ì ri ɓa, kɛ̀ɛ wog bim.

1 ZYAŊ 3:1

Ghɛɛna rìkuu ɗi nkɔ̀nɛ̀n ɗi Tààta à rèsìghà ɓìsi ɓi lèg ànɛ lɛ ɓɛɛ̀ rereŋi ɓìsi lɛ ɓɔn ɓɛ Bɛ̀ll! Tì ki rì ɓɔn ɓii a tààkaà. Kìɓan ki ziinɛ ì yii ɓi ɓisi miì ki ri lɛ: Ì yighà ɓi Bɛ̀ll.

1 ZYAŊ 3:10

Kìɓan ki ki ghasii lɛ rì ɓɔn ɓɛ Bɛ̀ll rì ɓɔn ɓɛ Satàn ki ri lɛ: Mum ǹcèm ànɛ à kìi ɓi ɓiɓan ɓi saaɗ, nsoò roànɛ à keesii ɓi geni à yin man à Bɛ̀ll.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

1 ZYAŊ 4:13

Com ki tì ti tì yilàg miì lɛ, tì rì ɓɛ̀ràrɛn ɗi nyi, nyi ǹɗàrɛn ri ɓìsi ki ri lɛ; à faghà ɓìsi Ǹghay wìì,

1 ZYAŊ 5:10

Ŋwaànɛ à gherɛɛ Man à Bɛ̀ll à rì ɗì rìrèsì ɗiǹ ɓi nyimiɗ, wɔ̀lɛ ŋwaànɛ à gherɛɛ ɓi Bɛ̀ll, à teri Bɛ̀ll yɛ̀ɛ pwààpwaà ɓisuulɛ, à gherɛɛ ɓi saaɗ ànɛ Bɛ̀ll à rèsìghà ɓi kìɓan ki Man wiì.

ÀPÒKÀLIƁSƐ̀ 21:7

Ŋwaànɛ à rì ɓiì yagsaagh nnyɛɛ ri ɓiì fɔ̀ni mɛwus mɛǹ, ǹɗì ɓiì ɓaà Bɛ̀ll wìì, nyii ɓa mɛ̀ man.