RÒMƐŊ 8:10 - Bafia Nouveau Testament

¹⁰ I Kiris à rì ɓi mìni, nsoò yɛ̀ɛ nyoo yin yi ri ɓiì wiì lɛ kìɓe, Ǹghay à rì cɛɓ ɓi mìni ɓisuulɛ Bɛ̀ll à mɛ kì lɛ ɓi ɓa lɛ saaɗ ɓi mis mìì.

RÒMƐŊ 8:10 ပူးပေါင်းရင်းမြစ်များ

ZYAŊ 14:23

Yeesus à ɓàg nyi lɛ: I mum à keesii mɛ̀, à ɓiì ɓèŋi jɛ̀ɛ̀ yɛ̀m, Seŋi wɛ̀m à rì nyi ɓiì keesi; tì ɓiì yùu a lɔ̀ŋkii, tì pègsɛ̀n ìkɔ̀ɔ̀ wis a lɔ̀ŋkii.

ZYAŊ 15:5

Mɛ̀ ǹɗì ǹɗyèm, mìnii ri myaɓ. Nni ŋwaànɛ à rì ǹɗàrɛn ri mɛ̀ yɛ̀ɛ mɛ̀ ǹɗì ǹɗàrɛn ri nyi, à ɓiì wumì ɓìɗùn lɛɛ̀gwey; lɛ ɓì yin lɛ ɓì kì com kɛ̀ɛ̀ mɛ̀.

ZYAŊ 17:23

Mɛ̀ ɓi ɓɔ, wɔ̀ ɓi mɛ̀, lɛ di ɓɛɛ ɓa ɓɛ̀ràrɛn lɛ kɔɔ̀kɔɔ̀ kìbyɔg kìfog, ziinɛ ì ki yi lɛ wɔ̀ yɛɛ romgày mɛ̀, nni ǹkeesìghà ɓɔ yɛ̀ɛ wɔ̀ɔ̀ keesìghà mɛ̀.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 6:54

Ŋwaànɛ à ɗii nyoo yɛ̀m, à ki nɔ bwaɓ yɛm̀, à rì rì cɛɓ ki fiɗyàɓ fikɔ̀ɔ̀, ǹɗì ɓiì ki ghèmzii nyi ɓi siitòn a ŋwos.

ZYAŊ 6:56

Ŋwaànɛ à ɗii nyoo yɛ̀m, à nɔ bwaɓ yɛm̀, à rì ǹɗàrɛn ɗi mɛ̀, mɛ̀ girig ǹɗàrɛn ɗi nyi.

RÒMƐŊ 5:12

Kìɓan kiǹ kɛɛ̀ki yɛ̀ɛ kìɓan ki mum bog à kìghà ki ɗiŋzìghày kìɓe ɓi ziinɛ, rìwu ɗi ki ɗiŋiì lɛ kìɓe, rìwu ɗìn ɗi ki ràm ɓum ɓɛ̀cèm ɓisuulɛ ɓɛ̀sɛ̀ɛ̀ ɓɛ̀cèm ɓɛ kighà kìɓe;

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

RÒMƐŊ 8:11

Ǹghay à roànɛ à ghèmzìghày Yeesus a ɓìloŋ a rì ɓi mìni; roànɛ à ghèmzìghày Yeesus Kiris a ɓìloŋ anɛ̀n à ɓiì faa girig nyoo yin yi yi ti yi wulàg cɛɓ, rì Nghay wìì anɛ à rì ɓi mìni.

1 KƆ̀RƐ̀ŊTYƐŊ 15:45

Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

2 KƆ̀RƐ̀ŊTYƐŊ 13:5

Fiɓɓɛɛna mìniìɓɔmiɗ ɓi ghɛn nkòo ɓì rì ɓi rìgherɛ̀n ɓiɗùm. Ɓì gherɛɛ ɓi nya lɛ Yeesus Kiris à rì ɓi mìni? Fèèghrɛɛna mìniìɓɔmiɗ. Di yɛ̀ɛ ɓaà yi ɓi nya, ɓi yin ɗi ìtèɗ wu ɓi resi lɛ ɓì rì ɓɛ̀gherɛ̀n.

2 KƆ̀RƐ̀ŊTYƐŊ 4:11

Lɛ ɓìsi ɓɛ ti ghɛghɛ̀ɓ, tì rì cààmɛ̀n kìcèm ɓi koŋnyòò à rìwu ɓisuu Yeesus lɛ di cɛɓ ki Yeesus kɛɛ ghɛnɛn girig ɓi nyoo yìs inɛ ì ti ì wulàg.

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

FÌLÌPYƐŊ 1:23

Ǹɗì mɛ̀rem mɛɓɛɛ̀; ǹɗem wu lɛ di màa kɛ̀ɛ, ti kɔkɔri ɗì Kiris, kìɓan kiǹ ki ki rɔɔtɛn ki cee.

FÌLÌPYƐŊ 3:9

ǹki ɓa lɛ ǹɗì saaɗ à mum ɓi rìràrɛ̀n ɗi rì nyi, saaɗ ànɛ̀n kɛ̀ɛ ɓa ti saaɗ à mɛ̀ɛmiɗ, ànɛ à rèsii lɛ ǹti m̀ɓègì ɓìdɔ̀gsɛna, à ɓa lɔŋ saaɗ ànɛ mum ànɛ à gherɛɛ Kiris à ti à ɓalàg rì nyi. Saaɗ ànɛ̀n nnyɛɛ fuu yì yɛ̀ɛ Bɛ̀ll, à ki ɓa nto lɛ rìgherɛ̀n.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

TÈSÀLÒNÌSYƐŊ 4:16

Ɓisuulɛ, yɛ̀ɛ jɛ̀ɛ̀ ì rì ɓìì toòghrɛɛ, jɛ̀ɛ̀ ì coo ŋwaà-fìtom, ɗyam ɗi Bɛ̀ll ɗi rɔŋ, Kan nyimiɗ a ɓiì sɛnìì aɗyòò; fɔɔnnɛ ɓìloŋ ɓi ɓi Kiris ɓi ɓiì loògh kì ghèmɓɛɛ.

EBIREEGH 12:23

ɓìi nkɛ̀ɛ jàŋbog rì ǹtaŋzɛn wu ɓɔn ɓɛ Bɛ̀ll ɓɛ ǹtonto, ɓɛ mii maa mɛ ri mɛ̀ kànɛn ɓi ɗyoo ɓi ɗùm; ɓìi nkɛɛ̀ jàŋbog rì Bɛ̀ll ànɛ à rì ɓiì yɔ̀mi ɓum ɓɛ̀cèm; ɓìi nkɛ̀ɛ jàŋbog rì mɛ̀ghay mɛ mɛ ri lɛ saaɗ, mɛ mɛ ti lɛ syeesyee, kɛ̀ɛ̀ com ki ɓɛ ri lɛ ɓɛ fen ɓi mɔ.

EBIREEGH 9:27

Nni yɛ̀ɛ ki ri kìsiŋdɛn lɛ mum à ghɛ̀ɛ̀sɛɛ kì wii gɛ̀n bog, ajɛ̀m ìnɛn innɛ Bɛ̀ll à yɔ̀mzì nyi,

ÀPÒKÀLIƁSƐ̀ 14:13

Nni ǹwokà di jɛ̀ɛ̀ ì rìì aɗyoo ì kpaa lɛ: Kàna kìɓan ki! Mààgh rì ɓìloŋ ɓi ɓi wii ɓi kìsay ki Kan, à tumɛ̀n ɓigomìnɛ. Ǹghay a kpaaghi lɛ: Ki ri fɔlɔɔ saaɗ, lɛ di ɓɛɛ fɔɔ̀sɛn ɓìsay ɓyaa, ɓisuulɛ mɛ̀kìkìì maa mɛɛ̀ nɔ̀ɔnɔɔ̀tì ɓɔ.