RÒMƐŊ 7:18 - Bafia Nouveau Testament

¹⁸ Ɓisuulɛ ǹ-yii lɛ ìtèɗ wu kìyɛn kiɓan ki syeesyee, wu kaarɛɛ mɛ̀, lɛ ǹɗì mum rì mɛ̀mùù, ǹɗi ɓeg lɛ nki kìrɔɔ, kìɓan kifog, kɛ̀ɛ mɓa ri ìtèɗ wulɛ ǹkì kɔ.

RÒMƐŊ 7:18 ပူးပေါင်းရင်းမြစ်များ

MATYOO 15:19

Ɓisuulɛ, ɓìɓeɓtàg ɓi mɛyitì, ri fèg à rìwey ɗi mum, rì tìsɔ̀mɔ̀g, rì cɛɓ ki sààsaa, ri wii, rì rìsasààgh ɗi ɓum ɓìɓan ɓi nyoo, rì tìfena ti Bɛ̀ll, ɓi ti ɓi pɛsàg yì ɓi nɗem wu mum.

LUKAS 11:13

I mìni ɓɛ ɓì rì ɓìɓeɓtàg ɓi ɓum ɓi yii rìfa ɗi ɓɔn ɓin ɓɛsyeesyee ɓɛ ɓyom, lannɛ Tààta ànɛ à rì aɗyòò à ɓiì rɔ̀ɓi kɛ̀ɛ fa Kitɛntɛ̀ɛ̀n ki Nghay a ɓumɓɛ ɓɛ tɔɔgh nyi kɔ̀?

ZYAŊ 3:6

Lɛ ŋwaànɛ à yalɛɛ rì mɛ̀mùù, à rì lɔŋ mum à mɛ̀mùù, roànɛ à yalɛɛ rì Ǹghay à rì ǹghay.

RÒMƐŊ 13:14

Kìɓan kifog, waatɛɛna Kan Yeesus Kiris kɛ̀ ɓi càɗ mɛrem min lɛ mɛɛ ɓɔm̀ɓɔm ɓìɓan ɓi ɓi mɛ̀mùù, lɛ di ɓi kaàkaa rìyɛ̀y ɗi ɓiɓan ɓiǹ.

RÒMƐŊ 7:15

Ɓisuulɛ, mɛ̀ɛmiɗ, ǹwoogh ɓi com ki nkìkì, com ki nkɔ̀nkɔn lɛ nki, kɛ̀ɛ nkì, wɔ̀lɛ com ki m̀ɓèèzɛɛ kɛɛ̀ki nkìkì.

RÒMƐŊ 7:19

Mɛ̀ ǹti kɛ̀ɛ nkì kirɔɔ ki nkɔ̀nkɔn lɛ nki, lɔŋ kìɓe ki ǹkɔ̀ni ɓi kɛɛ̀ki ǹkìkì.

RÒMƐŊ 7:25

Ɓìtògsɛ̀n rì Bɛ̀ll, lɛ Yeesus Kiris à Kan wìs. Fɔɔnnɛ ɓi nɗem wɛ̀m, ǹɗì ǹkpàn a ɓìdɔ̀gsɛna ɓi Bɛ̀ll, wɔ̀lɛ ɓi rìɓa ɗyɛ̀m ɗi ɓi mɛ̀mùù, ǹɗì ǹkpàn a kìdɔ̀gsɛna à kìɓe.

RÒMƐŊ 7:5

Lɛ cààmɛ̀n ki tì nɔ̀ɔ̀nɔ̀ɔ̀tìghà cɛɓ ki mɛmùù, zày ìnɛ lɛ ti kiki ɓìɓe ì yeèyèèsìghà ɓìsi nyoo bimiɗ, di ɓìdɔ̀gsɛna ɓi mɛ ghèmzi yɔ̀, lèg ànɛ lɛ ɓìɓan ɓi tì kìkìghà ɓi ɓaghà ɓìɓan ɓi lɛ ti cuù.

GÀLAT 5:17

Ɓisuulɛ mɛ̀mùù mɛ ri rì ɓìɓan ɓi ɓyɛɛ̀ kɔ̀ngi mɔ, ɓìɓan ɓiǹ ɓi ɓa ɓì ghasɛn ri ɓi Nghay à Bɛ̀ll a kɔ̀nkɔ̀n. Nghay à Bɛ̀ll à rì rì ɓìɓan ɓi ɓyɛɛ̀ kɔ̀ngi nyi, ɓi ki ɓa ɓi ghasɛn ɗi ɓi mɛ̀mùù mɛɛ̀ kɔ̀nkɔ̀n; mɛ̀kuu mɛ ɓiɓan mɛǹ mɛ ri ɓi wɛ̀y, lèg ànɛ lɛ ɓi yin ɗi ìtèɗ wulɛ ɓi ki com ki ɓì kɔ̀ni.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

FÌLÌPYƐŊ 2:13

Ɓisuulɛ Bɛ̀ll nnyɛɛ kìki kisay ɓi mìni, à fafà mìni lɛ rì ǹɗem, rì ìtèɗ wu kìyen ɓiɓan ɓi ɓi ghɛɛ̀sɛɛ rì syeesyee wìì a ɗyomzɛ̀n.

FÌLÌPYƐŊ 3:12

Ki yin loo lɛ m̀mɛ kpaŋzɛn mɛ̀ree lɛ nteɗ mɛ̀lèɓ, nsoò lɛ m̀mɛ kpaŋ ɓi nɗɛli wulɛ kìɓan ki ɓɛ feèdì a lɔ̀ŋkɛm̀, kɛ̀ kɛɛ̀ ɓa ti. Kìɓan kifog, nka kɛ̀nkɛn lɔŋ asu rì mɛ̀ree, ǹki tèeteèsì nyoo lɛ nkobɛn mɛ̀lèɓ mɛ ɓi mɛ̀ree mɛ̀n ɓisuulɛ Yeesus Kiris à mɛ ɓan mɛ.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.