RÒMƐŊ 6:23 - Bafia Nouveau Testament

²³ Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

RÒMƐŊ 6:23 ပူးပေါင်းရင်းမြစ်များ

MATYOO 25:46

Fɔɔnnɛ ɓumɓɛ̀n ɓɛ teri gɛ deɓ yi fiɗyàɓ fikɔ̀ɔ̀, wɔ̀lɛ ɓum ɓɛ saaɗ ɓɔɔ teɗ cɛɓ ki fiɗyàɓ fikɔ̀ɔ̀.

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 4:36

Ǹsaŋì-mɛ̀saŋ à mɛ teɗ mɛlèɓ mii, à ki taŋzɛn ɓiɗùn ɓisuu cɛɓ ki fiɗyàɓ fikɔ̀ɔ̀, lɛ di m̀ɓɛ̀lì-ɓyom rì ǹsaŋì-mɛ̀saŋ, ɓɛɛ nyaàrɛn ǹɗaŋ.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:27

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

RÒMƐŊ 1:32

Nsoò yɛ̀ɛ ɓɛ yii lɛ Bɛ̀ll à rengà lɛ ɓumɓɛ ɓɛɛ̀ kìki mɛkuu mɛ ɓiɓan mɛǹ, ɓɛ ghɛɛ̀sɛɛ dì rìwu, ɓɔɔ kɛnkɛ̀n lɔŋ asu ɓɛ kikì ɓyɔ, ɓɛ̀ kɛɛ̀ ki sugtɛn foo, ɓɛ kɛɛ̀dì asu ɓɛ sɛsɛ̀g ɓumɓɛ ɓɛɛ̀ kìki girig ɓìɓan ɓi fɔ̀lɔ̀ɔ̀.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 5:12

Kìɓan kiǹ kɛɛ̀ki yɛ̀ɛ kìɓan ki mum bog à kìghà ki ɗiŋzìghày kìɓe ɓi ziinɛ, rìwu ɗi ki ɗiŋiì lɛ kìɓe, rìwu ɗìn ɗi ki ràm ɓum ɓɛ̀cèm ɓisuulɛ ɓɛ̀sɛ̀ɛ̀ ɓɛ̀cèm ɓɛ kighà kìɓe;

RÒMƐŊ 5:17

I rìnàn ɗi kibog ki mum ɗi kighà lɛ rìwu ɗyɛɛ̀ ragɛn, lɛ kìbog ki mum kìn, bɔ̀ɓ yaŋ ri ɓumɓɛ ɓɛɛ̀ teki lɛ rì geesɛ̀n yìì inɛ ì tèghɛɛ, rì rìɓòò ɗi ɓi rìren ɗii ɗi ɓiɓan, ɓɛ ri kì lɛ, ɓɛ ghɛɓ, ɓɛ ki làmi lɛ m̀bobog à mum ànɛ lɛ Yeesus Kiris.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

RÒMƐŊ 6:16

Ɓì yii ɓi lɛ, i ɓì càrɛɛ lɛ ɓi ɓa ɓɛ̀kpàn ɓɛ mum lɛ ɓi kiki ŋwaànɛ̀n miì mɛ̀wog, lɔŋ lɛ ɓì ghali ɓɛ̀kpàn ɓɛ mum ànɛ ɓi kìki mɛwog anɛ̀n; kòo lɛ kìɓe, ki ki ti ki syogìì rìwu, kòo lɛ mɛ̀wog, mɛ mɛ ti mɛ kilàg lɛ mum a ɓa lɛ saaɗ ɓi mis mɛ Bɛ̀ll?

RÒMƐŊ 6:21

Nni ɓyom aɗi ɓyɛɛ̀ɓi ɓì fɔ̀ngà ɓi cààmɛ̀n kiǹ? Lɔŋ ɓyom ɓi ɓyɛɛ̀ fafa mini ǹtoòrìɗ ɓigomìnɛ, lɛ rìsyɔn ɗi miì ɗi ri lɛ rìwu.

RÒMƐŊ 8:13

Ɓisuulɛ, i ɓi ghɛghɛɓ cɛɓ ki mɛ̀mùù mɛɛ̀ kɔ̀nkɔ̀n, ɓì rì ɓiì cuù, wɔ̀lɛ, i ɓì woli mɛ̀kìkìì mɛ ɓeɓtɛn mɛ ɓi mɛ̀mùù rì ìtèɗ wu, Kitɛntɛ̀ɛ̀n ki Nghay, ɓì rì ɓiì ghɛɓì.

RÒMƐŊ 8:38

Lɛ mɛ̀ ǹkonaagh kì yiì lɛ, nsoò rìwu, nsoò cɛɓ, nsoò ɓum ɓɛ titòm, nsoò ɓɛ̀làmì, nsoò ɓìɓan ɓi ɓyɛɛ̀ kìikilɛ̀n gɛɛ̀nɛ, nsoò ɓi ɓi mɛ̀ru mɛ mɛɛ̀ yùyuiy,

RÒMƐŊ 8:39

nsoò mɛ̀tèɗ, nsoò ɓyom ɓi ɓi riì ɓi jàŋ yi yi teŋmaagh, nsoò ɓi ɓi riì ɓi jàŋ yi rimɛn, nsoò com kidɛŋ ki Bɛ̀ll à kìghà, ki yin lɛ ki ghasì ɓìsi rì ǹkɔ̀nɛ̀n ànɛ Bɛ̀ll à rèsìghà ɓìsi ɓi Yeesus Kiris à Kan wìs.

RÒMƐŊ 8:6

Rìfa ɗi nɗem ɗi ɓi ɓìɓan ɓi ɓi mɛ̀mùù, ɗi ri rìwu, rìfa ɗi nɗem ɓi ɓìɓan ɓi Nghay, ɗi ri cɛɓ rì fyòoog.

GÀLAT 3:10

Lɛ ɓum ɓɛ̀cèm ɓɛ ɓɛ saghii ǹto rì rìɓèŋ ɗi ɓidɔ̀gsɛna, ɓɛ ti ɓi ncɛ̀m ɓi ɗùm ɓisuulɛ ki ri kì kànɛn lɛ: Ŋwaànɛ à ɓèŋi ɓi ɓiɓan ɓìcèm ɓi ɓi ri ɓì kànɛn ɓi kaàtà à ɓìdɔ̀gsɛna, kɛ̀ɛ kì yɛ̀ɛ ɓyɛɛ̀ kpaakpàà, à ghɛ̀ɛ̀sɛɛ kì terì ǹcɛ̀m.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

ZYAG 1:15

Ɓìɓeɓtàg ɓi ɓɛfèg ɓi mum ɓi nɗem, ɓi ti lɛ i ɓi teri ɗyem, ɓi yay kìɓe; kìɓe ki ɓalàg lɛ i kaa tèɗ, ki yay rìwu.

1 ZYAŊ 2:25

Nni ǹkàg wu à faghà ɓìsi wɛɛ ri lɛ, cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.