RÒMƐŊ 6:17 - Bafia Nouveau Testament

¹⁷ Bɛ̀ll a teɗ rìkem, lɛ mìni ɓɛ ɓì ka ɓaghà ɓɛ̀kpàn ɓɛ kiɓe, ɓigomìnɛ, mìni yɛ̀ɛ mɛ nɔ̀ɔ̀ti ri nɗem win wucèm, deɓ yi ɓi rìrèsàg ɗi ɓì tekà.

RÒMƐŊ 6:17 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 11:18

Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 28:15

Yɛ̀ɛ ɓɛ̀geni ɓis ɓɛ righerɛ̀n ɓɛ a Rom ɓɛ wokà lɛ tì kpaŋi, ɓɛ yughà ɓìsi kì ɓoŋì a fyèè fi Apiyus, rì ɓi jàŋ inɛ ì ɓaghà ɗii lɛ: Naa yi ɓɛ̀kèn yiraa. Yɛ̀ɛ Pol à ghɛngà ɓɔ, à tògsàg Bɛ̀ll, nyoo yìì i tèèsɛ̀n.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 1:8

Mɛ̀ ǹka faa Bɛ̀ll wɛ̀m ɓìtògsɛ̀n lɛ Yeesus Kiris, ɓisu win mɛ̀to mɛ̀cèm ɓisuulɛ rìgherɛ̀n ɗin ɗyɛɛ̀ keŋkem zi bimiɗ.

RÒMƐŊ 15:18

Ɓisuulɛ ǹ-yin lɛ ǹfèg kìɓùŋi kìɓan kidɛŋ ki ki yin ki Kiris yɛɛ kighà di à faa mɛ̀ ìtèɗ wulɛ nki, lɛ di a syoŋ yì ɓumɓɛ ɓɛ yin Ɓɛ̀yudɛ̀n lɛ ɓɛɛ ki Bɛ̀ll mɛ̀wog. À kìghà kìɓan kiǹ lɛ rì ɓi ɓìtòkì, rì ɓi ɓìɓan ɓi à kìkìghà,

RÒMƐŊ 16:26

kìɓan kifog nnyɛɛ mɛ rèsɛn ɓigomìnɛ ɓi ɓìɓan ɓi ɓɛ̀kpaŋzì-ɓìɓan ɓɛ kangà, lɔŋ yɛ̀ɛ Bɛ̀ll à fìɗyàɓ fikɔ̀ɔ̀ a tɔkà lɛ kɛɛ kilɛ̀n, fèg ànɛ̀n innɛ ɓɛ mɛ rèsi ɓilɔ̀ŋ ɓìcèm lɛ ɓyɛɛ gherɛn Bɛ̀ll ɓi ki kì nyi mɛ̀wog.

RÒMƐŊ 2:8

Wɔ̀lɛ ɓɛ̀roɓɛ ɓɛ ti ɓɛ kilàg nyi ǹtoòtèɗ, ɓɛ̀ kɛɛ̀ kɔ̀n lɛ ɓɛɛ wog com ki saaɗ a kakàlì, lɔŋ kìtɛ̀ŋtɛ̀ŋ kɛɛ̀ki ɓɔɔ nɔɔ̀nɔ̀ɔ̀tì, Bɛ̀ll à rèsì ɓɔ lɛ, rì bim yiì, ɗì rìbaŋì ɗii.

1 KƆ̀RƐ̀ŊTYƐŊ 1:4

Mɛ̀ɛ nfafa Bɛ̀ll ɓìtògsɛ̀n kɛ̀ɛ nfɔy ɓisu win, lɛ geesɛ̀n ì Bɛ̀ll ìnɛ ì falɛ̀ngà a lɔ̀ŋkin ɓi Yeesus Kiris.

1 KƆ̀RƐ̀ŊTYƐŊ 14:6

Nni ɓigomìnɛ, ɓɔɔsoŋ̀ gɛɓsɛ̀n aɗi yɛɛ̀nɛ ǹɗì lɛ mɓay mìni rì yɔ̀, di ǹ-yùu mìni kìtòtoogh ɓìkènekènè ɓi ɓitòkì jàŋ inɛ màa ghɛ̀ɛ̀sɛɛ lɛ ǹ-yùy mìni rì kìɓan ki Ǹghay à rèsii, nsoò lɛ rìyi ɗidɛŋ, nsoò lɛ kìɓan ki Bɛ̀ll à rèsii mɛ̀ lɛ nkpaŋzi, nsoò lɛ bimiɗ à rìrèsàg àdɛŋ?

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

EFÈZYƐŊ 1:16

nni ǹti ǹfafà lɔŋ Bɛ̀ll ɓìtògsɛ̀n kɛ̀ɛ̀ cààmɛ̀n ɓisu win, ǹki ɓùŋɓuŋ mini ɓi bɔ̀ŋzɛ̀n yɛm̀,

TÈSÀLÒNÌSYƐŊ 3:9

Tì rì lɛ tì tògsàg Bɛ̀ll wìs ɓisu win à kpaŋ fe, ɓi kìnyàà kìcèm ki tì rì rì kɔ ɓi mis mɛ Bɛ̀ll ɓisuu righerɛ̀n ɗin!

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

2 TIMOTE 1:13

Tera ɓɛ̀kɔɔ̀kɔɔ̀ ɓɛ ɓiɓan ɓɛ ù wokà a lɔ̀ŋkɛm̀, ɓɛɛ ɓa wɔ̀ kìrèmzɛnà ù ki sììrɛn ɓi ntyweeyi rì ǹkɔ̀nɛ̀n, ɓi tì rì rì ɓyɔ ɓi Yeesus Kiris ɓiɗùm.

FILEMƆŊ 1:4

Ǹti ǹfafà Bɛ̀ll wɛ̀m ɓìtògsɛ̀n cààmɛ̀n kìcèm, ǹki yiiyitì wɔ̀ ɓi bɔ̀ŋzɛ̀n yɛm̀,

EBIREEGH 11:8

Lɛ rìgherɛ̀n innɛ Abiraham à kìghà Bɛ̀ll mɛ̀wog yɛ̀ɛ à reŋìghà nyi, à pɛ̀sɛ̀n ɓi kìlɔ̀ŋ kii lɛ à kɛ̀ɛ ɓi jàŋ inɛ Bɛ̀ll à rì nyi ɓiì faà. À kɛ̀ngà fɔlɔɔ kɛ̀ɛ yi jàŋ inɛ à kɛ̀ɛ.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

1 PYƐƐRI 3:1

Nsoò mìni ɓɛ̀yiɓ, ɓaana girig rì mɛ̀wog, giɓ bimiɗ a wog yii wiì, di fɔɔnnɛ kɛɛ ɓa lɛ i ɓɛ̀baŋì ɓɛdɛŋ ɓɛ gherɛɛ ɓi jɛ̀ɛ̀ ì Bɛ̀ll, rìkuu ɗi cɛɓ ɗi ɓɛ̀yiɓ ɓaa ɓɛɛ̀ ghɛghɛɓ ri ɓɔ ɗyɛɛ ghɛɛ̀sɛɛ ɓɔ kìsyòŋi ɓi rìgherɛ̀n nsoò mum àa tòòghrɛɛ ɓi ri ɓɔ.

1 PYƐƐRI 4:17

Ɓisuulɛ cààmɛ̀n ki ɓɛyɔ̀m ki kpaŋi, nni ɓɛ̀yɔ̀m ɓɛǹ ɓɛ tumɛɛ ɓi naa ì ɓum ɓɛ Bɛ̀ll. I ɓi ɓìsi nnɛ ɓɛ̀yɔ̀m ɓɛ tumɛɛ, rìsyɔn ɗi ɓumɓɛ ɓɛ ti ɓɛ ɓengì kì gherɛɛ Syeesyee à Ɓɔlɛ ɗi ri ɓa là?

2 ZYAŊ 1:4

Mɛ̀ɛ ǹnyààrɛɛ lɛɛ̀gwey yɛ̀ɛ mɛ̀ɛ nghɛɛ lɛ ɓɔn ɓɔɔ ɓɛdɛŋ ɓɛɛ̀ ghɛghɛɓ ɓi saaɗ lɔŋ yɛ̀ɛ Tààta à siŋdɛ̀ngà ɓìsi.

3 ZYAŊ 1:3

Mɛ̀ɛ ǹnyààrɛɛ lɛɛ̀gwey yɛ̀ɛ ɓɛ̀geni ɓis ɓɛdɛŋ ɓɛ ɓi rìgherɛ̀n ɓɛ nkpaŋi fɛ, ɓɛ resì mɛ̀ lèg ànɛ ù rì ǹfalɛn ɓi saaɗ, rì yɛ̀ɛ wɔ̀ɔ ki ghɛghɛɓ cɛɓ ki saaɗ.