RÒMƐŊ 6:16 - Bafia Nouveau Testament

¹⁶ Ɓì yii ɓi lɛ, i ɓì càrɛɛ lɛ ɓi ɓa ɓɛ̀kpàn ɓɛ mum lɛ ɓi kiki ŋwaànɛ̀n miì mɛ̀wog, lɔŋ lɛ ɓì ghali ɓɛ̀kpàn ɓɛ mum ànɛ ɓi kìki mɛwog anɛ̀n; kòo lɛ kìɓe, ki ki ti ki syogìì rìwu, kòo lɛ mɛ̀wog, mɛ mɛ ti mɛ kilàg lɛ mum a ɓa lɛ saaɗ ɓi mis mɛ Bɛ̀ll?

RÒMƐŊ 6:16 ပူးပေါင်းရင်းမြစ်များ

MATYOO 20:4

À kpaa ɓɔ lɛ: Kɛ̀ɛna kì salì ɓi dɛm yɛm̀, ǹɗi mìni ɓiì lèɓi yɛ̀ɛ ki ghɛɛ̀sɛɛ.

MATYOO 6:24

Mum à yin lɛ à say ɓɛ̀masà ɓɛɓɛɛ̀ ɓisuulɛ, à rì ɓiì ɓèèzɛɛ bog, à keesì roàmbog; nsoò lɛ à ràrɛ̀n rì bogtɛ̀n, à sɛɛtì roàmbog. Ɓì yin lɛ ɓì say lɛ rì Bɛ̀ll rì mɔ̀ɔ̀ni cààmɛ̀n kìfog.

ZYAŊ 8:34

Yeesus à ɓàg ɓɔ lɛ: Mɛ̀ ǹkpaa mìni kɔɔ̀kɔɔ̀ à rìkpaa lɛ, mum ǹcèm ànɛ a kìki kiɓe, à rì ǹkpàn a kìɓe.

RÒMƐŊ 11:2

Bɛ̀ll à màagh ɓi kilɔ̀ŋ kii ki à lokà kì ɓɔ̀ni abɛ̀y. Ɓì yii ɓi yɛ̀ɛ ki ri kìkànɛn ɓi jàŋ inɛ Eli à sɔmɛɛ Isirayɛl rì Bɛ̀ll, à kpaa lɛ:

RÒMƐŊ 12:1

Ɓɔɔsoŋ̀, ɓisuu nɗem wu nyìighnyìg wu Bɛ̀ll à rèsìghà ɓi ɓɛg wìs, ǹtɔɔgh mìni lɛ ɓi funɛn mìniì ɓɔmiɗ fɛlɛ yɛ̀ɛ kìtuwe ki mum à ti à weeyì ɓi rìɓɔgsì ɗi Bɛ̀ll; ɓi funɛn mìniì ɓɔmiɗ rifunɛ̀n ɗi ɗi ri cem, ɗyɔ rìtɛnɛn, ɗi ki ɓa ɗi ɗi rɔɔ Bɛ̀ll. Fɔlɔɔ yɛɛ ri ɓiì ɓaà syeesyee à rìɓɔgsì ànɛ ɓì ghɛ̀ɛ̀sɛɛ kì ɓɔgsii Bɛ̀ll.

RÒMƐŊ 6:17

Bɛ̀ll a teɗ rìkem, lɛ mìni ɓɛ ɓì ka ɓaghà ɓɛ̀kpàn ɓɛ kiɓe, ɓigomìnɛ, mìni yɛ̀ɛ mɛ nɔ̀ɔ̀ti ri nɗem win wucèm, deɓ yi ɓi rìrèsàg ɗi ɓì tekà.

1 KƆ̀RƐ̀ŊTYƐŊ 3:16

Ɓì yii ɓi lɛ mìni yɛɛ ri naa ìnɛ Bɛ̀ll à kɔ̀kɔrii miì, rì tì lɛ Ǹghay à Bɛ̀ll à rì ɓi mìni.

1 KƆ̀RƐ̀ŊTYƐŊ 5:6

Ɓi kìki ɓidaŋà ɓi zɛy! ɓì yii ɓi lɛ maa nwìɗ lɛsàg à ti à ɓɔgsàg ǹkùŋ wu ɓɛ tɔɓi?

1 KƆ̀RƐ̀ŊTYƐŊ 6:2

Yɛɛ lɔɔ lɛ ɓì yii ɓi lɛ ɓɛ̀gherɛ̀n ɓɔ yɛɛ ri ɓiì yɔ̀mi ziinɛ? I mìni yɛɛ ghɛɛ̀sɛɛ kì yɔ̀mi ziinɛ lannɛ ɓɔɔ ɓiɓan ɓɛ zɛy ɓɛ ri lɛ ɓɛ yag mìni rìpègsɛ̀n?

1 KƆ̀RƐ̀ŊTYƐŊ 6:3

Ɓì yii ɓi lɛ tì rì ɓiì yɔ̀mi ɓum ɓɛ titom? Bɔ̀ɓ yaŋ min ɗi ɓìɓan ɓi ɓi cɛɓ ki fɛ?

1 KƆ̀RƐ̀ŊTYƐŊ 6:9

Ɓì yii ɓi lɔŋ lɛ ɓumɓɛ ɓɛɛ̀ kìki ɓiɓeɓtàg ɓi ɓiɓan, ɓaa ɓa ɓi ri ìkɔ̀ɔ̀ ɓi kìlɔ̀ŋ ki Bɛ̀ll? Kɛ̀ ɓi pwààrɛn, à tumɛɛ lɛ, ɓumɓɛ ɓɛɛ̀ ghɛghɛɓ cɛɓ ki tifin, à kpaŋ lɛ ɓɛ̀kìì-ɓìnùn, rì ɓɛ̀kìì-tìsɔ̀mɔ̀g,

1 KƆ̀RƐ̀ŊTYƐŊ 9:13

Ɓì yii ɓi lɛ naà-Bɛ̀ll yɛ̀ɛ ti ì mɛnàg ɓumɓɛ ɓɛɛ̀ kìki kisay ɓi naa ì Bɛ̀ll, rì tì lɛ, ɓumɓɛ ɓɛ ti ɓɛ tɔngì ɓyom ɓi ɓɛ̀ro ɓɛmbog ɓɛ yuu kì ɓɔgsii Bɛ̀ll rì ɓyɔ ɓi jàŋ inɛ ɓɛɛ̀ tɔ̀ngi ɓyom ɓɛ ti ɓɛ ɓalàg rì gàɓ ɓi ɓyom ɓìn?

1 KƆ̀RƐ̀ŊTYƐŊ 9:24

Ɓì yii lɛ ɓumɓɛ ɓɛ ri ɓi nlog à mɛ̀ree ɓi nlɛmɓog wu ticàɓ ɓɛɛ̀ ghɛghɛŋi ɓɛsɛ̀ɛ̀ ɓɛ̀cèm wɔ̀lɛ lɔŋ mum bog yɛɛ ti à kpagì, beèbɛ̀y à teɗ mɛ̀raà mɛ ɓi nlog ànɛ̀n? Nni ghɛŋiina lèg ànɛ lɛ ɓi teɗ mɛ̀raà mɛ ɓi nlog.

2 PYƐƐRI 2:19

ɓɛ kakàg ɓɔ cɛɓ ki rikan, kɔm̀ lɛ ɓɔmiɗ ɓɛ ri ɓɛ̀kpàn ɓɛ ɓiɓe ɓi ɓyɛɛ̀ titini ɓɔ ɓi rìɗyaŋ ɓisuulɛ mum bimiɗ à rì ǹkpàn a com kìcèm ki ki lamii nyi.