RÒMƐŊ 3:4 - Bafia Nouveau Testament

⁴ Ɓi saaɗ ki yin fɔlɔɔ! Ɓum ɓɛ ghɛɛ̀sɛɛ kì gherɛɛ lɛ, Bɛ̀ll à rì roànɛ à ti à kpaaghì saaɗ, ɓum ɓɛɛ ri ɓɛ̀pwààpwaà ɓɛ̀sɛ̀ɛ̀ ɓɛcèm; lɛ ki ri kìkànɛn lɛ: Ki ghɛɛ̀sɛɛ lɛ ɓɛɛ yi lɛ ù rì mum à saaɗ ɓi ɓìɓan ɓi ù kalii, ù ki yagsag ɓɛyɔ̀m di ɓɛ sɔmɛɛ wɔ̀.

RÒMƐŊ 3:4 ပူးပေါင်းရင်းမြစ်များ

MATYOO 11:19

Man à Mum à yù, à kìkì lɛ, à ɗiɗì ɓìɗilàg, à ki nɔnɔ mɛrɔ̀g, nnyaa ànɛn à rì lɛ, ànɛ̀n ǹɗiì-com, ànɛn ǹnɔɔ̀-mɛ̀rɔ̀g, à ki ɓa ti righan ɗi ɓɛ̀terì-làmpoŋ̀, rì ɓɛ̀kìì-kìɓe. Kìɓan kifog ɗyomzɛ̀n ɗi Bɛ̀ll ɗi ti ɗi ghɛnàg lɛ ɗi ri lɛ saaɗ ɓi ɓìɓan ɓi ɗi kiì.

LUKAS 20:16

Ŋwaàdɛm a rì ɓiì yùu, à cuusì ɓumɓɛ̀n ɓɛ̀cèm, à ki fa dɛm inɛ̀n rì ɓum ɓɛdɛŋ. Yɛ̀ɛ kìlɔ̀ŋ kìcèm ki wokà rìkpaa ɗi Yeesus ɗiǹ, ki kpaa lɛ: Kɛ̀ kɛɛ̀ ɓa ɓaà fɔlɔɔ.

ZYAŊ 3:33

I mum à ki teri rìrèsì ɗii, di à gherɛɛ yɛɛ lɔɔ lɛ Bɛ̀ll à ti à kpaaghì saaɗ.

RÒMƐŊ 11:1

Nni ǹtɔɔgh lɛ, Bɛ̀ll àa m̀màagh nya kìlɔ̀ŋ kii? Èe èe, à màagh ɓi kɔ. Ɓisuulɛ, mɛ̀ ǹɗì girig kìyalì ki a Isirayɛl, dòò yì Abiraham ɓi rìpwìɗ ɗi Bɛŋzyamɛŋ.

RÒMƐŊ 11:11

Nni ǹtɔɔgh lɛ, Ɓɛ̀yudɛ̀n ɓɛ kɛɓtɛ̀ngà nya lɛ ɓɛɛ kpi kìzog ki isuùcèm? Èe èe, ki yin fɔlɔɔ, wɔ̀lɛ rìkpì ɗi ɓɛ kpighà ɗyɛ̀ɛ mɛ ki lɛ, ɓìlɔ̀ŋ ɓi zɛy ɓyɛ̀ɛ ɓa ɓìkòrɛn, lɛ di Ɓɛ̀yudɛ̀n ɓɛɛ ki yɔ̀ɔ̀tì.

RÒMƐŊ 3:31

Kìɓan kiǹ ki resii nya yɛɛ lɔɔ lɛ tì pisii ìtèɗ wu ɓidɔ̀gsɛna lɛ rìgherɛ̀n? Èe èe, fɔlɔɔ a rì kɔm̀ lɛ tì sììraagh ɓìdɔ̀gsɛna.

RÒMƐŊ 6:15

Nni la min? Tì rì nya ɓiì kìkii kiɓe lɛ yɛ̀ɛ ɓìdɔ̀gsɛna ɓi lamii ɓi ɓisi, lɔŋ geesɛ̀n ì Bɛ̀ll yɛ̀ɛ lamii ɓìsi wa? Ki yin fɔlɔɔ.

RÒMƐŊ 6:2

Èe èe. Tì rì ɓìloŋ ɓi san ànɛ a kìɓe, nni lannɛ tì rì lɛ tì ghɛɓtì ɓi kìɓe?

RÒMƐŊ 7:13

Syeesyee à com à ghali yɛɛ lɔɔ com ki kɛɛ wey mɛ̀? Àg! À ghali ɓi nsoò, wɔ̀lɛ kiɓe kɛɛ tekà com ki ki ri lɛ syeesyee, ki ki lɛ mɛ̀ nwu lɛ di kɛɛ resɛn lɛ ki ri kìɓe, ɓìdɔ̀gsɛna ɓi ɓa com ki kɛɛ resi yɛ̀ɛ kìɓe ki ɓeɓtɛɛ ki ciɓtàg.

RÒMƐŊ 7:7

Nni cɛ kɛɛ̀ki tì rì min lɛ tì kpaa? Ɓìdɔ̀gsɛna ɓi ri nya kìɓe? Àg. Ɓi yin kiɓe nsoò lɛsàg, wɔ̀lɛ ɓìdɔ̀gsɛna ɓi kighà lɛ n-yi com ki lɛ kìɓe. Ɓisuulɛ i ɓìdɔ̀gsɛna ɓyɛ̀ kɛɛ̀ kpaa lɛ, kɔ̀ɔ lem com ki mum, mɛ̀ m̀ɓaghà ɓi lɛ ǹ-yi cɛ kɛɛ ri lɛ rìlem ɗi com ki mum.

RÒMƐŊ 9:14

Tì rì min lɛ tì kpaa la? Bɛ̀ll à rì nya ɓèèɓeè? Èe, èe, à yin ɓèèɓeè.

1 KƆ̀RƐ̀ŊTYƐŊ 6:15

Ɓì yii ɓi lɛ nyoo yin yi ri ɓìkàɓ ɓi Kiris? Nni ǹɗì nya lɛ ǹteɗ ɓìkàɓ ɓi Kiris lɛ nghaasi ɓyɔ ɓìkàɓ ɓi giɓ a rìɓàmɓà?

2 KƆ̀RƐ̀ŊTYƐŊ 1:18

Ǹkànɛɛ bɛ̀ɗ ɗi Bɛ̀ll ànɛ à ti à roòzàg mɛ̀kàg mii, lɛ kìɓan ki tì kpaaghà mìni, ki ɓaghà ɓi mɛgheri mɛɓɛɛ̀ lɛ rì ɛ̀ɛ̀, rì èe èe.

GÀLAT 2:17

Wɔ̀lɛ, i ki kpaŋi lɛ cààmɛ̀n ki ti kaakaa lɛ ti ɓa lɛ saaɗ ɓi mis mɛ Bɛ̀ll lɛ rìgherɛ̀n ɗi tì gherɛɛ Kiris, ki ghɛnɛɛ lɛ ɓìsi girig tì rì ɓɛ̀kìì-kìɓe, fɔlɔɔ a rèsì nya lɛ Kiris a sasay ɓisuu kiɓe? Àg! Ki yin fɔlɔɔ.

GÀLAT 2:21

Mɛ̀ ǹ-yin lɛ m̀ɓèn geesɛ̀n ìnɛ Bɛ̀ll à kìghà mɛ̀; lɛ i kaa rì lɛ mum à rì lɛ à ɓa lɛ saaɗ ɓi mis mɛ Bɛ̀ll di à nɔ̀ɔ̀tii ɓìdɔ̀gsɛna ɓi Moyis, di rìwu ɗi Kiris ɗi yin min ɗi gɛɓsɛ̀n nsoò lɛsàg.

GÀLAT 6:14

Ɓi san wɛ̀m, ki yin fɔlɔɔ, mɛ̀ ǹ-yin ɗi com kidɛŋ ki lɛ nsaàsànɛ̀n i ki cee ɓi lɛ kɔrɔs à Kan wìs Yeesus Kiris. Lɛ kɔrɔs à Yeesus ànɛ̀n, ziinɛ ì rì kìloŋ ɓi mis mɛ̀m, fɛlɛ yɛ̀ɛ mɛ̀ɛmiɗ ǹɗì kìloŋ ɓimis mɛ ziinɛ.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

EBIREEGH 6:18

Ɓìɓan ɓi ri min ɓiɓɛɛ̀ ɓi ɓi yin lɛ ɓi lɔgtɛ̀n, ɓyɛɛ̀ɓi Bɛ̀ll à yin ɗi ìtèɗ wu lɛ à foŋ pwàà miì. Fɔlɔɔ nnɛ ɓìsiɓɛ tì mɛ tanɛn ǹnyamzɛn a lɔ̀ŋkii, ɓi mɛ fati ɓisi itèɗ lɛɛ̀gwey, lɛ ti siìri kì ɓanì dyàɓɛn inɛ ìrì ɓìsi ǹfayɛn.

1 ZYAŊ 5:10

Ŋwaànɛ à gherɛɛ Man à Bɛ̀ll à rì ɗì rìrèsì ɗiǹ ɓi nyimiɗ, wɔ̀lɛ ŋwaànɛ à gherɛɛ ɓi Bɛ̀ll, à teri Bɛ̀ll yɛ̀ɛ pwààpwaà ɓisuulɛ, à gherɛɛ ɓi saaɗ ànɛ Bɛ̀ll à rèsìghà ɓi kìɓan ki Man wiì.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 3:7

Kàna ŋwaà-fìtom anɛ ɓi Kìseŋi ki a Filadɛlfii lɛ: Roànɛ à rì lɛ nyi ǹtɛnɛn, nyi lɛ saaɗ, ànɛ à ki ɓanɓani fìɗìɓà fi Davit, nyi yɛɛ ri lɛ, i à ŋwàri, ŋwaàdɛŋ à yin lɛ à sìm, i à ki sìmi, ŋwaàdɛŋ kɛ̀ɛ ŋwàɗ, a kpaaghi lɛ: