RÒMƐŊ 3:28 - Bafia Nouveau Testament

²⁸ Lɛ ɓìsiì fèki lɛ mum à rì ɓi ghɛnɛɛ lɛ à rì lɛ saaɗ ɓi mis mɛ Bɛ̀ll lɛ rìgherɛ̀n, kìɓan kiǹ kɛ̀ kɛɛ̀ ɓa lɛ, rìɓèŋ ɗi à ti à ɓègì ɓìdɔ̀gsɛna.

RÒMƐŊ 3:28 ပူးပေါင်းရင်းမြစ်များ

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

RÒMƐŊ 3:26

Nni ɓi cààmɛ̀n ki tì ti ki miì Bɛ̀ll a rèresi saaɗ wìì, lɛ a kɔ̀nkɔn lɛ, ɓɛɛ yi lɛ à rì lɛ saaɗ, à ki kì lɛ ɓum ɓɛ̀cèm ɓɛ ɓɛ gherɛɛ Yeesus, ɓɛɛ ɓa lɛ saaɗ ɓi mis mìì.

RÒMƐŊ 4:5

Wɔ̀lɛ i mum à kìi ɓi kisay, kìɓan kifog à gherɛ̀n Bɛ̀ll ànɛ à ti à kìlàg lɛ ǹkì-kìɓe a ɓa lɛ saaɗ ɓi mis mii, rìgherɛ̀n ɗii ɗi ki lɛ Bɛ̀ll a ghɛǹ nyi lɛ saaɗ à mum.

RÒMƐŊ 5:1

Yɛ̀ɛ tì ti min ɓumɓɛ ɓɛ ri lɛ saaɗ ɓi mis mɛ Bɛ̀ll lɛ rìgherɛ̀n, tì yiìdi ɓi paàzì rì Bɛ̀ll lɛ Kan wìs Yeesus Kiris.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

GÀLAT 3:24

Fɔlɔɔ nnɛ ɓìdɔ̀gsɛna ɓi ɓaghà ɓìsi fɛlɛ yɛ̀ɛ ǹɗèsàg wìs anɛ a kɛ̀ɛkɛɛ̀sì ɓìsi à kpaŋ ɓi rìyù ɗi Kiris, lɛ di ti ɓa ɓɛ̀tɛnɛn ɓi mis mɛ Bɛ̀ll lɛ rìgherɛ̀n.

GÀLAT 3:8

Kaàtà à Bɛ̀ll à yitìghà abɛ̀y lɛ, Bɛ̀ll à kìi gɛ lɛ ɓumɓɛ ɓɛ yin Ɓɛ̀yudɛ̀n ɓɛɛ ɓa lɛ saaɗ ɓi mis mii lɛ rìgherɛ̀n, nni à lokà kì kpaà Abiraham Syeesyee à Ɓɔlɛ ànɛ lɛ: Ɓìlɔ̀ŋ ɓìcèm ɓi teri gɛ ɓɛ̀mààgh ɓisu wɔ̀ɔ̀.

EFÈZYƐŊ 2:9

Kìɓan kiǹ ki yin yi lɛ mɛ̀kìkìì min, fɔɔnnɛ mum à yin lɛ à sanɛ̀n.

FÌLÌPYƐŊ 3:9

ǹki ɓa lɛ ǹɗì saaɗ à mum ɓi rìràrɛ̀n ɗi rì nyi, saaɗ ànɛ̀n kɛ̀ɛ ɓa ti saaɗ à mɛ̀ɛmiɗ, ànɛ à rèsii lɛ ǹti m̀ɓègì ɓìdɔ̀gsɛna, à ɓa lɔŋ saaɗ ànɛ mum ànɛ à gherɛɛ Kiris à ti à ɓalàg rì nyi. Saaɗ ànɛ̀n nnyɛɛ fuu yì yɛ̀ɛ Bɛ̀ll, à ki ɓa nto lɛ rìgherɛ̀n.

Kaàtà ànɛ Pol à kàngà TIT 3:7

lɛ di ti ɓa rì gàɓ ɓi dyàɓɛn i cɛɓ ki fiɗyàɓ fikɔ̀ɔ̀, yɛ̀ɛ geesɛ̀n yìì i mɛ kì lɛ ti ɓa lɛ saaɗ ɓi mis miì.

ZYAG 2:18

Kìɓan kifog ŋwaàdɛŋ à rì lɛ à kpaa lɛ: Wɔ̀ɔ̀ rì rì rìgherɛ̀n, mɛ̀ rì mɛ̀kìkìì; rèsi mɛ̀ rìgherɛ̀n ɗyɔɔ ɗi ɗi ri kɛ̀ɛ̀ mɛ̀kìkìì, mɛ̀ɛ nɗesi wɔ̀ ɗiŋkɛ̀m ɓi mɛ̀kìkìì mɛm̀.

ZYAG 2:20

Wɔ̀ mum à kɛ̀ɛ̀ ɗyomzɛ̀n, ù kɔ̀ni ɓi lɛ u yi lɛ rìgherɛ̀n ɗi ɗi ri kɛ̀ɛ̀ mɛ̀kìkìì ɗi ghɛɓsii ɓi com?

ZYAG 2:24

Ɓì ghɛɛ min lɛ mum à ti à ghɛnàg lɛ saaɗ ɓi mis mɛ Bɛ̀ll lɛ mɛ̀kìkìì mii, àa lɛ rìgherɛ̀n ɗyɔ rì ɗyɔ.