RÒMƐŊ 3:27 - Bafia Nouveau Testament

²⁷ Nni kìɓan aɗi kɛɛ̀ki ŋwaà rì lɛ à saàsànɛ̀n miì? Kìɓan ki saasanɛ̀n miì ki yin. Ɓisuucɛ? Ɓisuulɛ ɓɛ yii rìɓèŋ ɗi ɓiɗɔ̀gsɛna? Èe èe, lɔŋ ɓisuu righerɛ̀n.

RÒMƐŊ 3:27 ပူးပေါင်းရင်းမြစ်များ

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

RÒMƐŊ 10:5

Ɓi kìɓan ki ki seesee rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll lɛ rìɓèŋ ɗi ɓidɔ̀gsɛna, Moyis à kàngà lɛ: Ŋwaànɛ à nɔ̀ɔ̀tii yɛ̀ɛ ɓìdɔ̀gsɛna ɓyɛɛ̀ kpaakpàà, à rì ɓiì ghɛɓì lɛ ɓyɔ.

RÒMƐŊ 11:6

À ɓɔ̀ngà ɓɔ lɛ geesɛ̀n yìì, àa lɛ mɛ̀kìkìì maa, i kɛɛ ɓa lɛ mɛ̀kìkìì maa, di geesɛ̀n ì Bɛ̀ll ì yin kɔɔ̀kɔɔ̀ à geesɛ̀n.

RÒMƐŊ 2:17

Wàànɛ u reeghreŋ̀ɗɛ̀n lɛ muu Ɓɛ̀yudɛ̀n, ù ghɛɛ̀ghɛ̀gmɛ̀n ɓi ɓìdɔ̀gsɛna, ù saàsànɛ̀n lɛ ù rì ɓi rìghan ɗi Bɛ̀ll,

RÒMƐŊ 2:23

Ù kaàkàlɛ̀n lɛ ù rì rì ɓìdɔ̀gsɛna ɓi Bɛ̀ll, kìɓan kifog ù sòòsòòtì Bɛ̀ll ɗì rìkìkì ɗi ɓiɓan ɓi ɓìdɔ̀gsɛna ɓii ɓi gherɛɛ ɓi lɛ ɓɛɛ kilag.

RÒMƐŊ 3:19

Kɔlɛ ɓìsii yii lɛ com kìcèm ki ɓìdɔ̀gsɛna ɓi Bɛ̀ll ɓyɛɛ̀ kpaakpàà, ki ri kì kaliyɛn ɓisuu ɓumɓɛ ɓìdɔ̀gsɛna ɓi lamii, lɛ di mum kɛ̀ɛ ɓa ri kìɓan ki kaliyɛn, rì tì lɛ, di kɛɛ ghɛnɛn lɛ zi bimiɗ ì rì ǹkpìyɛn kiɓan ri Bɛ̀ll.

RÒMƐŊ 3:26

Nni ɓi cààmɛ̀n ki tì ti ki miì Bɛ̀ll a rèresi saaɗ wìì, lɛ a kɔ̀nkɔn lɛ, ɓɛɛ yi lɛ à rì lɛ saaɗ, à ki kì lɛ ɓum ɓɛ̀cèm ɓɛ ɓɛ gherɛɛ Yeesus, ɓɛɛ ɓa lɛ saaɗ ɓi mis mìì.

RÒMƐŊ 4:2

I Bɛ̀ll à ghɛngà lɛ Abiraham à rì saaɗ à mum ɓi mɛ̀kìkì mii, di à rì lɛ à saàsànɛ̀n; kìɓan kifog, kɛ̀ɛ sanɛn ɓi mis mɛ Bɛ̀ll.

RÒMƐŊ 7:21

Nni màànɛ nkɔ̀nkɔn lɛ nki kìrɔɔ, ǹghɛɛ min lɛ: Kìɓe kɛ̀ɛ ri mɛ̀ nunùg.

RÒMƐŊ 7:23

Kìɓan kifog kìdɔ̀gsɛna kidɛŋ ki ri mɛ̀ ɓi ɓìkàɓ, kɛɛ ɗùùɗuu ri ɓìdɔ̀gsɛna ɓi nɗem wɛ̀m wɛɛ̀ sɛsɛ̀g; kɔ yɛɛ ghaasii mɛ̀ ǹkpàn a kìsyɔ̀ɔ̀ ki ki komi kìɓe ki ki ri mɛ̀ ɓi ɓìkàɓ.

RÒMƐŊ 7:25

Ɓìtògsɛ̀n rì Bɛ̀ll, lɛ Yeesus Kiris à Kan wìs. Fɔɔnnɛ ɓi nɗem wɛ̀m, ǹɗì ǹkpàn a ɓìdɔ̀gsɛna ɓi Bɛ̀ll, wɔ̀lɛ ɓi rìɓa ɗyɛ̀m ɗi ɓi mɛ̀mùù, ǹɗì ǹkpàn a kìdɔ̀gsɛna à kìɓe.

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

RÒMƐŊ 9:11

Kɔlɛ ɓɔn ɓii ɓɛ ɓaghà di ɓɛ ka yalɛn ɓi, di ɓɛ ka ki ɓi kirɔɔ nsoò kìɓe, nni yɛ̀ɛ Bɛ̀ll à rì rì bimiɗ wìì a fèg ɓi rìɓɔ̀n ɗi ɓum, fèg wìì anɛ̀n à seesee rìreŋì ɗi à ti à regì ɓɔ, kɛ̀ɛ seesee mɛkìkìì maa ɓi ɗi lɛ a resi lɛ a nɔ̀ɔnɔɔ̀tì lɔŋ rifèg ɗii ɗiǹ,

RÒMƐŊ 9:31

Kɔmiɗ lɛ Isirayɛl ànɛ à kaakààghà ɓìdɔ̀gsɛna ɓi ɓi ri lɛ ɓi ki lɛ a ɓa lɛ saaɗ ɓi mis mɛ Bɛ̀ll, à rɔ̀mɛ̀ngà com ki à kaakààghà ɓi ɓìdɔ̀gsɛna.

RÒMƐŊ 9:32

Ɓisuucɛ nnɛ ki kilɛ̀ngà fɔlɔɔ? Ɓisuulɛ Isirayɛl à kaakààghà ɓi riɓa ɗi lɛ saaɗ ɗiǹ ɓi rìgherɛ̀n. Ɓɔɔ fefèkà lɔŋ lɛ ɓɛ ri ɓiì ɓaà lɛ saaɗ ɓi mis mɛ Bɛ̀ll lɛ mɛ̀kìkìì maa, ɓɛ ɓagtɛ̀ngà ɓi gɔ̀g ìnɛ ì rì rì fìɓàg,

1 KƆ̀RƐ̀ŊTYƐŊ 4:7

Ɓisuulɛ ghɛn yɛɛ kpaa wɔ̀ lɛ ù ceeghii ɓum ɓɛmbog? Cɛ ù rì rì kɔ ki ki yin com ki ɓɛ faghà wɔ̀ ǹfayɛn? I ɓɛ ki faghà wɔ̀ ǹfayɛn, ɓisuucɛ nnɛ u kaakalɛ̀n yɛ̀ɛ ɓɛɛ̀ kali lɛ ɓɛ faghà ɓi wɔ kɔ ǹfayɛn?

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

GÀLAT 3:22

Kìɓan kifog kaàtà à Bɛ̀ll a rèsag lɛ, ɓyom ɓìcèm ɓi ri ɓi rìkpàn ɗi kiɓe, lɛ di ǹkàg wu Bɛ̀ll à faghà wɛɛ ron ɓi san ànɛ a ɓɛ̀gherɛ̀n lɛ rìgherɛ̀n ɗi ɓɛ gherɛɛ Yeesus Kiris.