RÒMƐŊ 2:29 - Bafia Nouveau Testament

²⁹ Wɔ̀lɛ muu Ɓɛ̀yudɛ̀n à rì lɔŋ ŋwaànɛ rì rì nɗem wu Ɓɛ̀yudɛ̀n. Fɔlɔɔ nnɛ syeesyee à kɛ̀rɛ̀n à rì kɛ̀rɛ̀n ànɛ ɓi nɗem, ànɛ a kìikilɛ̀n rì Ǹghay à Bɛ̀ll, kɛ̀ɛ ɓa anɛ à rì yɛ̀ɛ ki ri ki kànɛn ɓi kaàtà à ɓìdɔ̀gsɛna. Mɛ̀sɛɛ̀ghsɛɛgh mɛ rikuu ɗi muu Ɓɛ̀yudɛ̀n ɗi fɔlɔɔ mɛ ti mɛ̀ kɛɛ̀ ɓayi a ɓum, mɛ ti mɛ ɓalàg yì lɔŋ yɛ̀ɛ Bɛ̀ll.

RÒMƐŊ 2:29 ပူးပေါင်းရင်းမြစ်များ

LUKAS 11:39

Wɔ̀lɛ, Kan à kpaa nyi lɛ: Mìni Ɓɛ̀fàrìzyɛŋ ɓɛ, ɓi ti ɓì tɔ̀sàg lɛ, rì jɛ̀m ì ɓeŋ, rì jɛ̀m ì taasà, kìɓan kifog mɛ̀rem min mɛ ron lɛ rì wii rì rìgɛn.

LUKAS 17:21

Fɔɔnnɛ ɓaa reɓ ɓi lɛ, kɛɛ̀ki fɛ, nsoò lɛ kɛɛ̀ kinii, ɓisuulɛ ɓì ghɛ̀ɛ̀sɛɛ kì yiì lɛ, kìlɔ̀ŋ ki Bɛ̀ll ki ri ɓi nyìinyìm wìn.

ZYAŊ 12:43

Ɓisuulɛ ɓɛ ɓiisɛ̀ngà kì kɔ̀ni rikem ɗi ɓum à cee ɗi Bɛ̀ll.

ZYAŊ 4:23

Wɔ̀lɛ cààmɛ̀n ki tiì, kiŋcèm ki mɛ ki kpaŋ, ki ɓɛ̀kɔɔ̀kɔɔ̀ ɓɛ ɓɛ̀ɓɔgsì Bɛ̀ll ɓɛ ri ɓiì ɓɔgsii Tààta rì nghay, rì saaɗ. Ɓumɓɛ ɓɛɛ̀ ɓɔɔ̀ɓɔ̀gsì nyi fɔlɔɔ ɓɛɛ̀ɓɛ Tààta a kaakàà.

ZYAŊ 5:44

Lannɛ ɓì rì lɛ ɓì gherɛ̀n, di ɓi faafàlɛ̀n rìkem mìni rì mìni, kɛ̀ ɓi kaa rikem ɗi ɗi riì yɛ̀ɛ Bɛ̀ll cɛ̀ncii?

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 2:27

Ŋwaànɛ yin nkɛ̀rɛn, kìɓan kifog à ɓèŋɓèŋ mɛ̀siŋdɛn mɛ ɓi ɓìdɔ̀gsɛna, à ɓiì renì kìɓan ki wàànɛ u sɛɛsɛɛ̀tì ɓìdɔ̀gsɛna nsoò yɛ̀ɛ ù rì rì kaàtà à ɓìdɔ̀gsɛna, ù ki ɓa nkɛ̀rɛn.

RÒMƐŊ 3:1

Kìrɔɔ ki muu Ɓɛ̀yudɛ̀n à rì min ɗi kɔ ki ri lɛ cɛ? Nsoò lɛ, kɛ̀rɛ̀n à rì min ɗi gɛɓsɛ̀n aɗi?

RÒMƐŊ 7:6

Nni ɓigomìnɛ, tì yiìdi ɓi rìkpàn ɗi ɓidɔ̀gsɛna ɓisuulɛ, tì wughà ɓi san ànɛ a com ki ki ɓanɓàngà ɓìsi ɓi rìkpàn, fɔlɔɔ nnɛ ti kìki Bɛ̀ll kìsay ɓi bee ì nyɔn ìnɛ ɓi Nghay, àa tì ɓi bee ì fìɗyàɓ ìnɛ ɓi ɓìdɔ̀gsɛna ɓi ɓi ri ɓi kaàtà.

1 KƆ̀RƐ̀ŊTYƐŊ 4:5

Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

1 KƆ̀RƐ̀ŊTYƐŊ 7:19

Kìɓan ki lɛ ŋwaà rì ǹkɛ̀rɛn nsoò lɛ à yin ǹkɛ̀rɛn, ki ghɛɓsii ɓi com, lɔŋ rìɓèŋ ɗi ɓidɔ̀gsɛna ɓi Bɛ̀ll ɗyɛɛ ghɛɓsii.

2 KƆ̀RƐ̀ŊTYƐŊ 10:18

Ɓisuulɛ, àa ŋwaànɛ a sɛɛghsɛɛ̀ghrɛ̀n nyimiɗ innɛ ɓɛ ri ɓiì kalii lɛ rìkì ɗii ɗi ri lɛ syeesyee, lɔŋ roànɛ Kan à sɛɛgh innɛ rìkì ɗii ɗi rɔɔtɛɛ.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

TÈSÀLÒNÌSYƐŊ 2:4

Wɔ̀lɛ Bɛ̀ll à timgà rìɓa ɗis à ki fa ɓisi kìsay ki Syeesyee à Ɓɔlɛ. Fɔlɔɔ nnɛ tì yin ɓiì kpaakpaa ɓiɓan ɓi Bɛ̀ll lɛ ti puɓsi ɓum mɛ̀rem, kìɓan kìfog, ti kpaakpaa ɓi ɓyɛɛ̀ kɔ̀ngi Bɛ̀ll ànɛ à ti à ghɛngì yɛ̀ɛ mɛ̀rem mɛ ɓum, mɛ ri ɓi ɗùm.

1 PYƐƐRI 3:4

kìɓan kifog ǹɗɛ̀ŋ wu ɓì ghɛɛ̀sɛɛ kìɓaà rì wɔ wu ri wu wu ri wù nyamɛn ɓi nɗem, wɛɛ ri ǹɗɛ̀ŋ wu wu yin lɛ wu ɗyoŋ, lɛ wu ri ǹɗɛ̀ŋ wu nghay wu wu ri lɛ tɛ̀tɛ̀rɛ̀ɛ̀, wɔ tì lɛ fyòoog, rìkuu ɗìn ɗyɛɛ ri gìn i com ɓi mis mɛ Bɛ̀ll.