RÒMƐŊ 2:27 - Bafia Nouveau Testament

²⁷ Ŋwaànɛ yin nkɛ̀rɛn, kìɓan kifog à ɓèŋɓèŋ mɛ̀siŋdɛn mɛ ɓi ɓìdɔ̀gsɛna, à ɓiì renì kìɓan ki wàànɛ u sɛɛsɛɛ̀tì ɓìdɔ̀gsɛna nsoò yɛ̀ɛ ù rì rì kaàtà à ɓìdɔ̀gsɛna, ù ki ɓa nkɛ̀rɛn.

RÒMƐŊ 2:27 ပူးပေါင်းရင်းမြစ်များ

MATYOO 3:15

Yeesus à ɓàg nyi lɛ: Gherɛn lɛ kɛɛ kilɛn fɔlɔɔ ɓigomìnɛ lɛ, tì ghɛ̀ɛ̀sɛɛ lɛ tì roòzì ɓìɓan ɓìcèm ɓi Bɛ̀ll a tɔtɔ̀g. Fɔɔnnɛ Zyaŋ à ki ɓunɛ̀ngà min.

MƐ̀KÌKÌÌ MƐ ƁƐKƐ̀NÌ-FÌTOM 13:22

Yɛ̀ɛ Bɛ̀ll à pisìghà Saul, à fa ɓɔ Davit lɛ nnyɛɛ ɓa rìfòm ɗyaa. Davit ànɛ̀n innɛ Bɛ̀ll à sɛkà à kpaa lɛ: Mɛ̀ɛ nghɛɛ Davit, man à lzayii, à rì rìkuu ɗi mum ɗi nɗem wɛ̀m wu ǹfèfeegh, nnyɛɛ rì ɓiì kìi ɓiɓan ɓìcèm ɓi ǹkɔ̀ni lɛ a ki.

RÒMƐŊ 13:10

Ŋwaànɛ à rì rì ǹkɔ̀nɛ̀n à ti kɛ̀ɛ kì romum kìɓe, ǹkɔ̀nɛ̀n à rì syeesyee à rìroòzì ɗi ɓidɔ̀gsɛna.

RÒMƐŊ 2:15

Ɓi rìkì ɗiǹ, ɓɛ resii yɛɛ lɔɔ lɛ ɓìdɔ̀gsɛna ɓi ri ɓɔ ɓìkànɛn ɓi nɗem; fɔlɔɔ nnɛ ǹɗem waa wu ɓi ɗùm wɛɛ̀ rèresi girig kìɓan kiǹ. Mɛ̀yitì maa mɛ kikì lɛ, ɗi ɗi yii mɛ fa ɓɔ zɔɔ, ɗi ɗi yii, mɛ kamɛ̀n rì ɓɔ.

RÒMƐŊ 2:20

ù rì roànɛ à ti à reɓkàg ɓìdùŋdùŋ ɓi ɓum, ù ki ɓa nɗèsàg à ɓɔɔɓɔɓti ɓisuulɛ ù rì rì com ki kɛɛ̀ rèresi wɔ rìyi ɗi ɓiɓan ɗyɔmiɗ, rì saaɗ ɓi ɓìdɔ̀gsɛna ɓiɗùm.

RÒMƐŊ 2:25

Ki ri saaɗ lɛ kɛ̀rɛ̀n à ghɛɓsii, di ù ɓèŋi ɓìdɔ̀gsɛna, kìɓan kifog, uù sɛɛtii ɓìdɔ̀gsɛna, kɛ̀rɛ̀n wɔ̀ɔ̀ à ɓa lɔŋ yɛ̀ɛ ù ka kɛrɛ̀ngà ɓi.

RÒMƐŊ 2:26

Nni i ŋwaànɛ à ka yin nkɛ̀rɛn a ɓèŋɓeŋ mɛsiŋdɛn mɛ ɓi ɓìdɔ̀gsɛna ɓi Bɛ̀ll, rìɓa ɗi à yin nkɛ̀rɛn ɗi yin nya lɛ Bɛ̀ll à teɗ ɗyɔ ɓi sìg à kɛ̀rɛ̀n?

RÒMƐŊ 2:29

Wɔ̀lɛ muu Ɓɛ̀yudɛ̀n à rì lɔŋ ŋwaànɛ rì rì nɗem wu Ɓɛ̀yudɛ̀n. Fɔlɔɔ nnɛ syeesyee à kɛ̀rɛ̀n à rì kɛ̀rɛ̀n ànɛ ɓi nɗem, ànɛ a kìikilɛ̀n rì Ǹghay à Bɛ̀ll, kɛ̀ɛ ɓa anɛ à rì yɛ̀ɛ ki ri ki kànɛn ɓi kaàtà à ɓìdɔ̀gsɛna. Mɛ̀sɛɛ̀ghsɛɛgh mɛ rikuu ɗi muu Ɓɛ̀yudɛ̀n ɗi fɔlɔɔ mɛ ti mɛ̀ kɛɛ̀ ɓayi a ɓum, mɛ ti mɛ ɓalàg yì lɔŋ yɛ̀ɛ Bɛ̀ll.

RÒMƐŊ 3:30

Ɓisuulɛ Bɛ̀ll à rì lɔŋ bog, nnyɛ̀ɛ ri ɓiì kìi lɛ Ɓɛ̀yudɛ̀n ɓɛɛ ɓa lɛ saaɗ ɓi mis mii lɛ rìgherɛ̀n, nsoò ɓɛ̀roɓɛ ɓɛ yin Ɓɛ̀yudɛ̀n, ɓɛ ɓa girig lɛ saaɗ ɓi mis mii lɛ rìgherɛ̀n.

RÒMƐŊ 8:4

Bɛ̀ll à kìghà fɔlɔɔ lɛ, di ɓìɓan ɓi saaɗ ɓi ɓìdɔ̀gsɛna ɓyɛɛ̀ tɔtɔ̀g, ɓyɛɛ kilɛn ɓi ɓìsi ɓɛ ti nɔ̀ɔnɔɔ̀tì rìrèsì ɗi Kitɛntɛ̀ɛ̀n ki Nghày.

1 KƆ̀RƐ̀ŊTYƐŊ 7:19

Kìɓan ki lɛ ŋwaà rì ǹkɛ̀rɛn nsoò lɛ à yin ǹkɛ̀rɛn, ki ghɛɓsii ɓi com, lɔŋ rìɓèŋ ɗi ɓidɔ̀gsɛna ɓi Bɛ̀ll ɗyɛɛ ghɛɓsii.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

GÀLAT 5:14

ɓisuulɛ ɓìdɔ̀gsɛna ɓìcèm ɓi ti ɓì ronɛn ɓi m̀bobog à jɛ̀ɛ̀ ànɛ lɛ: Keesi ro mum ànɛ wɔ̀ jàŋbog yɛ̀ɛ wɛ̀ɛmìɗ.

EFÈZYƐŊ 2:11

Mìni ɓɛ ɓì yin Ɓɛ̀yudɛ̀n, ɓì ghɛ̀ɛ̀sɛɛ kì yitii lɛ, ɓumɓɛ ɓɛɛ̀ kalag lɛ ɓɔɔ ri ɓɛ̀kɛ̀rɛn, ɓɛ nɗegì mìni abɛ̀y lɛ ɓɛ̀suswiɗ; ɓɔɔ ki ɓa lɛ ɓum ɓɛɛ kɛɗkàkà ɓɔ.

2 TIMOTE 3:15

À tumɛ̀n ɓi rìŋwɔɓti ɗyɔɔ, ù yii ɓìɓan ɓi ɓi kaàtà à Bɛ̀ll, ɓi ri lɛ ɓi fa wɔ̀ ɗyomzɛ̀n ɗi u ɓa rì cɛɓ, lɛ rìgherɛ̀n ɗi ù gherɛɛ Yeesus Kiris.

EBIREEGH 11:3

Lɛ rìgherɛ̀n nnɛ tì ti tì yilàg lɛ Bɛ̀ll à kìghà zi ri jɛ̀ɛ̀ yìì, ɓi lèg ànɛ lɛ ɓyom ɓìcèm ɓi ti seesee ɓi kilɛ̀ngà rì com ki ŋwaà ghɛɛ ɓì.