RÒMƐŊ 2:14 - Bafia Nouveau Testament

¹⁴ I ɓumɓɛ ɓɛ yin Ɓɛ̀yudɛ̀n, ɓɔ kɛ̀ɛ̀ ɓìdɔ̀gsɛna ɓi Bɛ̀ll à faaghà Ɓɛ̀yudɛ̀n, ɓɛɛ̀ kìki ɓiɓan ɓi ɓìdɔ̀gsɛna ɓyɛɛ̀ tɔtɔg lɔŋ ɓɔmiɗ, kɛ̀ɛ̀ com ki ki resii ɓɔ lɛ ɓɛɛ ki fɔlɔɔ, di ɓɛ ti fɛlɛ yɛ̀ɛ ɓìdɔ̀gsɛna, ɓisu waa wu ɓɔmiɗ, nsoò yɛ̀ɛ ɓɛ yin ɗi ɓìdɔ̀gsɛna.

RÒMƐŊ 2:14 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 10:35

ǹki ghɛɛ̀di lɛ, mum bimiɗ ànɛ à risii Bɛ̀ll à ki kìki ɓiɓan ɓi saaɗ, Bɛ̀ll à rì nyi ɓiì keesii àa soo rì ŋwaànɛ ɓi kìlɔ̀ŋ ki be.

MƐ̀KÌKÌÌ MƐ ƁƐKƐ̀NÌ-FÌTOM 14:16

Ɓi gbàà yi ajɛ̀m, Bɛ̀ll à càɗkà lɛ ɓìlɔ̀ŋ ɓìcèm ɓyɛɛ nɔɔ̀nɔ̀ɔ̀tì bee yi ɓi kɔni lɛ ɓyɛɛ nɔɔ̀ti.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

RÒMƐŊ 1:32

Nsoò yɛ̀ɛ ɓɛ yii lɛ Bɛ̀ll à rengà lɛ ɓumɓɛ ɓɛɛ̀ kìki mɛkuu mɛ ɓiɓan mɛǹ, ɓɛ ghɛɛ̀sɛɛ dì rìwu, ɓɔɔ kɛnkɛ̀n lɔŋ asu ɓɛ kikì ɓyɔ, ɓɛ̀ kɛɛ̀ ki sugtɛn foo, ɓɛ kɛɛ̀dì asu ɓɛ sɛsɛ̀g ɓumɓɛ ɓɛɛ̀ kìki girig ɓìɓan ɓi fɔ̀lɔ̀ɔ̀.

RÒMƐŊ 2:12

Ɓum ɓɛ̀cèm ɓɛ ɓɛ kighà kìɓe, ɓɛ̀ kɛɛ̀ yi ɓidɔ̀gsɛna ɓi Bɛ̀ll à faghà Moyis, ɓɛ ɓiì cuù kɛ̀ɛ̀ ɓìdɔ̀gsɛna ɓincèm. Ɓɛ̀sɛ̀ɛ̀ ɓɛ̀cèm ɓɛ ɓɛ kighà kìɓe di ɓɛ ti rì ɓìdɔ̀gsɛna, ɓɛ ri ɓɔ ɓiì yɔ̀mi ri ɓìdɔ̀gsɛna ɓyɔm̀ ɓiǹ.

RÒMƐŊ 2:15

Ɓi rìkì ɗiǹ, ɓɛ resii yɛɛ lɔɔ lɛ ɓìdɔ̀gsɛna ɓi ri ɓɔ ɓìkànɛn ɓi nɗem; fɔlɔɔ nnɛ ǹɗem waa wu ɓi ɗùm wɛɛ̀ rèresi girig kìɓan kiǹ. Mɛ̀yitì maa mɛ kikì lɛ, ɗi ɗi yii mɛ fa ɓɔ zɔɔ, ɗi ɗi yii, mɛ kamɛ̀n rì ɓɔ.

RÒMƐŊ 2:27

Ŋwaànɛ yin nkɛ̀rɛn, kìɓan kifog à ɓèŋɓèŋ mɛ̀siŋdɛn mɛ ɓi ɓìdɔ̀gsɛna, à ɓiì renì kìɓan ki wàànɛ u sɛɛsɛɛ̀tì ɓìdɔ̀gsɛna nsoò yɛ̀ɛ ù rì rì kaàtà à ɓìdɔ̀gsɛna, ù ki ɓa nkɛ̀rɛn.

1 KƆ̀RƐ̀ŊTYƐŊ 11:14

Rìɓa ɗi ɓum ɗyɔmiɗ ɗyɛɛ̀ rèresi mini lɛ, ki ri ntoòrìɗ lɛ baŋì yɛ̀ɛ raɓsi tyòŋ.

1 KƆ̀RƐ̀ŊTYƐŊ 9:21

Cààmɛ̀n ki ǹɗì rì ɓumɓɛ ɓɛ ri kɛ̀ɛ̀ ɓìdɔ̀gsɛna ǹghɛɓ rì ɓɔ yɛ̀ɛ ŋwaànɛ à rì kɛ̀ɛ̀ ɓìdɔ̀gsɛna lɛ di nsyoŋ ɓɔ; fɔlɔɔ kɛ̀ɛ ki rèsi lɛ ǹɗì kɛ̀ɛ̀ ɓìdɔ̀gsɛna ɓi Bɛ̀ll ɓisuulɛ mɓèŋɓeŋ ɓidɔ̀gsɛna ɓi Kiris.

EFÈZYƐŊ 2:12

Ɓi cààmɛ̀n kiǹ, ɓì ɓaghà kɛ̀ɛ̀ Kiris, ɓì ɓaghà ɓɛ̀kèn, kɛ̀ ɓi ɓa ɓɛroɓɛ ɓi kìlɔ̀ŋ ki Bɛ̀ll à ɓɔ̀ngà; ɓì ɓaghà ɓi ri gàɓ ɓi bee yi Bɛ̀ll à kàkà lɛ à ɓiì renì rì kɔ; fɔɔnnɛ ɓì ghɛghɛ̀ɓkà ɓi ziinɛ, kɛ̀ɛ̀ dyàɓɛn, kɛ̀ɛ̀ Bɛ̀ll.

EFÈZYƐŊ 2:3

Ɓìsi ɓɛ̀sɛ̀ɛ̀ ɓɛ̀cèm, tì ɓaghà girig ɓi nɗaŋ waa lɛ tì ghɛghɛ̀ɓkà abɛ̀y ɓi ɓìɓan ɓi mɛ̀mùù mis mɛ ɓaghà zày rì ɓyɔ, tì kìkì rìkɔ̀n ɗi nyoo yis rì ɗi mɛrem mis lɛ rìɓa ɗi tì ɓaghà ɓum lɔŋ yɛ̀ɛ ɓɛ̀ro ɓɛmɓog, tì ɓaghà ɓumɓɛ bim i Bɛ̀ll ì ghɛ̀ɛ̀sɛɛ kì kpaŋì a lɔ̀ŋkaa.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.