RÒMƐŊ 16:5 - Bafia Nouveau Testament

⁵ Ɓì tɔkì girig kìseŋi ki Kiris ki ki ti ki taŋzàg ɓi naa yàà, ɓì tɔkì mɛ̀ Epayinɛt, mum wɛm̀ à ǹɗem, ànɛ à ɓaghà ǹtonto à mum ànɛ a gherɛn Kiris ɓi kìlànà ki zi ki a Azii.

RÒMƐŊ 16:5 ပူးပေါင်းရင်းမြစ်များ

MATYOO 18:20

Ɓisuulɛ, jàŋ inɛ ɓum ɓɛɓɛɛ̀ nsoò lɛ ɓɛraa ɓɛ taŋzɛɛ ɓi ɗii ɗyɛ̀m, ǹɗì ɓiì ɓaà ɓi nyìinyìm wàà.

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 18:12

Ɓi mɛ̀ru mɛ Galyɔŋ à ɓaghà gɔmìnà ànɛ ɓi kìlànà ki zi ki lɛ Akayi, Ɓɛ̀yudɛ̀n ɓɛ wɔrɛ̀ngà ɓɔɔ̀cèm, ɓɛ ɓigtì paàzì rì Pol ɓɛ kɛǹ ɗì nyi ɓi naà-ɓɛ̀yɔ̀m.

MƐ̀KÌKÌÌ MƐ ƁƐKƐ̀NÌ-FÌTOM 18:27

Ajɛ̀m ìnɛn, Apolos à fèkà lɛ a kɛǹ a Akayi, ɓɛ̀geni ɓii ɓɛ righerɛ̀n ɓɛ teèsì nyi nyoo lɛ a kɛǹ, ɓɛ ki kàn ɓɛgherɛ̀n ɓɛ wɔɔ lɛ, ɓɛɛ ghaɓ nyi lɛ syeesyee. Yɛ̀ɛ à kpàgà wɔɔ, à ɓaghà rì ǹghɛɓsɛn ɓisuu ɓum ɓɛ̀cèm ɓɛ geesɛ̀n ì Bɛ̀ll ì kìghà lɛ, ɓɛɛ ɓa ɓɛ̀gherɛ̀n,

MƐ̀KÌKÌÌ MƐ ƁƐKƐ̀NÌ-FÌTOM 2:9

À tumɛ̀n lɛ ɓɛ̀-Paritɛ, ɓɛ̀-Mɛɛɗɛ, ɓɛ̀-Elamit, ɓumɓɛ a Mɛzopotamii, ri ɓɛ a Zyude rì ɓɛ a Kapados, rì ɓɛ a Pɔŋ, rì ɓɛ a Azii,

RÒMƐŊ 11:16

Nni i mum à faa Bɛ̀ll kìɓɛghà ki bìrɛs ki ǹtonto, gàɓ ìnɛ ì rɔ̀ɓi bimiɗ ì wooghrɛ̀n girig ɗì Bɛ̀ll; i ɓɛ faa Bɛ̀ll gàŋ yi kite, di myaɓ mɛ kite kiǹ mɛ wooghrɛɛ girig ɗì nyi.

RÒMƐŊ 15:26

Ɓisuulɛ ɓɛ̀gherɛ̀n ɓɛ a Masedwan rì ɓɛ̀roɓɛ a Akayi ɓɛ nghɛɛ kìrɔɔ lɛ ɓɛɛ syɔɔ̀ mɔ̀ɔ̀mi ɓisuu ɓumɓɛ ɓɛ ri nyìinyìg ɓi nyìinyìm à ɓɛ̀gherɛ̀n ɓɛ a Yorisalɛm.

RÒMƐŊ 16:12

Ɓì tɔkì mɛ̀ Tirifɛn ɓɛɛ̀ Tirifos ɓɛ ɓɛɛ̀ kìki Kan kìsay; ɓì tɔkì girig Pɛrisiidɛ à geni wɛ̀m à giɓ anɛ à ri mɛ̀ ɓi nɗem, nnyɛɛ mɛ say lɛɛ̀gwey ɓisuu Kan.

RÒMƐŊ 16:4

Ɓɔ yɛɛ mɛɛ̀ ɓɔ̀ɓkà ǹto ɓi rìrùnɛ̀n ɗi cɛɓ kɛ̀m; àa mɛ̀ cɛ̀ncɛm̀ yɛɛ̀ foŋfoŋ kirɔɔ ki ɓɛ kighà mɛ̀ kiǹ, ɓìseŋi ɓi Kiris ɓìcèm ɓi a ɓumɓɛ ɓɛ yin Ɓɛ̀yudɛ̀n ɓyɛɛ̀ kìki girig fɔlɔɔ.

RÒMƐŊ 16:6

Ɓì tɔkì Marii ànɛ à tekàkà mɛ̀tɔɓ lɛɛ̀gwey ɓisu win.

RÒMƐŊ 16:8

Ɓì tɔkì mɛ̀ Ampilyatus ànɛ à rì mum̀ wɛm̀ à ǹɗem ɓi rìɓa ɗi tì rì ɓi Kan ɓi ɗùm.

1 KƆ̀RƐ̀ŊTYƐŊ 16:15

Ɓɔɔsoŋ̀ ǹsiŋ̀dɛɛ tì mìni kìɓan kidɛŋ; ɓì yii lɛ Sitefanas rì naa yìì i ɓum ɓɛɛ ɓaghà ɓum ɓɛ ǹtonto ɓɛ lɛ ɓɛɛ lɔɔ̀ghrɛn mɛ̀rem ɓi kìlànà ki zi ki lɛ Akayi, ɓɛ falɛ̀ngà lɛɛ̀gwey lɛ ɓɛɛ ghɛɛ̀ghɛ̀ɓsì ɓɛ̀gherɛ̀n.

1 KƆ̀RƐ̀ŊTYƐŊ 16:19

Ɓìseŋi ɓi Kiris ɓi a Azii ɓi togsaagh yì mìni. Ɓɛ̀ Akilas ɓɛɛ̀ Pirisilya, rì kìseŋi ki ɓi naa yàà, ɓɛ togsaagh yì mìni ɓi Kan ɓiɗùm.

2 KƆ̀RƐ̀ŊTYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì geni wìs Timote tì kàni lɛ rì Kìseŋi ki Bɛ̀ll ki ki ri a Kɔrɛŋt, rì ɓɛ̀gherɛ̀n ɓɛ̀cèm ɓɛ ɓɛ ri ɓi kìlànà ki zi ki lɛ Akayi kìcèm.

2 KƆ̀RƐ̀ŊTYƐŊ 9:2

Ɓisuulɛ ǹ-yii syeesyee à rìkɔ̀n ànɛ ɓì rì rì nyi, innɛ mɛ̀ ǹti ǹsaàsànɛ̀n ɓumɓɛ a Masedwan ɓi san ànɛ a lɔ̀ŋkin, di nkpaakpaa ɓɔ lɛ: Ɓɛ̀gherɛ̀n ɓɛ a Akayi ɓɛ ri ɓɛ̀pègsɛn lɛ ɓɛɛ ghɛɓsi à tumɛ̀n ɓi bèg ìmbog. Fɔɔnnɛ rìfalɛ̀n ɗin ɗi nfatii ɓìseŋi lɛɛ̀gwey itèɗ ɓi nyòò.

KÒLÒSYƐŊ 4:15

Ɓì tògsàg ɓɛ̀geni ɓis ɓɛ ɓɛ ri a Lawodise, rì Nɛmfa, rì kìseŋi ki Kiris ki ki ri ɓi naa yìì.

FILEMƆŊ 1:2

rì geni wìs a giɓ anɛ lɛ Apya, rì reŋkàŋ wìs anɛ lɛ Arisip ànɛ ti ɗùùɗuu nɗaŋ ɗi nyi, rì Kìseŋi ki Kiris ki ki ti ki taŋzàg ɓi naa yɔ̀ɔ̀.

ZYAG 1:18

À faghà ɓìsi cɛɓ ɓi rìkɔ̀n ɗii, rì jɛ̀ɛ̀ yìì i saaɗ lɛ ti ɓa fɛlɛ yɛ̀ɛ ɓìɗùn ɓi ǹtonto ɓi ɓyom ɓi à kìghà.

3 ZYAŊ 1:1

Mɛ̀ ǹsɛ̀ɛ̀mɛn yɛɛ kani Gayus, mum wɛm̀ à nɗem ànɛ ǹkeesii lɛ kɔɔ̀kɔɔ̀.

ÀPÒKÀLIƁSƐ̀ 14:4

Ɓumɓɛ̀n ɓɛɛ tɔɓɓɛ̀ngà ɓi tifin rì ɓɛyìɓ; ɓɛ ri ɓumɓɛ ɓɛ yii ɓi ɓɛyìɓ; ɓɛɛ̀ nɔ̀ɔnɔɔ̀tì Man à jɔ̀ɔ̀ jàŋ bimiɗ ìnɛ à kɛ̀ɛ. Ɓɛ ɓaghà ɓɛ̀kòrɛn ɓi nyìinyìm à ɓum lɛ ɓɛɛ ɓa fɛlɛ yɛ̀ɛ ɓumɓɛ ɓɛ ri ɓìɗùn ɓi ǹtonto ɓisuu Bɛ̀ll rì ɓisuu Man à jɔ̀ɔ̀,