RÒMƐŊ 16:26 - Bafia Nouveau Testament

²⁶ kìɓan kifog nnyɛɛ mɛ rèsɛn ɓigomìnɛ ɓi ɓìɓan ɓi ɓɛ̀kpaŋzì-ɓìɓan ɓɛ kangà, lɔŋ yɛ̀ɛ Bɛ̀ll à fìɗyàɓ fikɔ̀ɔ̀ a tɔkà lɛ kɛɛ kilɛ̀n, fèg ànɛ̀n innɛ ɓɛ mɛ rèsi ɓilɔ̀ŋ ɓìcèm lɛ ɓyɛɛ gherɛn Bɛ̀ll ɓi ki kì nyi mɛ̀wog.

RÒMƐŊ 16:26 ပူးပေါင်းရင်းမြစ်များ

MARIKUS 16:15

Fɔɔnnɛ à kpaaghà ɓɔ lɛ: Kɛ̀ɛna zi bimiɗ, ɓi kpaa ɓum ɓɛ̀cèm Syeesyee à Ɓɔlɛ.

MƐ̀KÌKÌÌ MƐ ƁƐKƐ̀NÌ-FÌTOM 10:43

Yeesus ànɛ̀n nnɛ ɓɛ̀kpaŋzì-ɓìɓan ɓɛ̀cèm ɓɛ ɓugà yɛ̀ɛ ɓɛ kpaakpààghà lɛ: Ɓì ɗii ɗii nnɛ Bɛ̀ll à rì ɓiì cenɛɛ mum ǹcèm ànɛ à gherɛɛ nyi ɓìɓe.

MƐ̀KÌKÌÌ MƐ ƁƐKƐ̀NÌ-FÌTOM 6:7

Fɔɔnnɛ jɛ̀ɛ̀ ì Bɛ̀ll ì kɛ̀ngà asu di yɛ̀ɛ sààsàà, ɓàlì ì ɓɛ̀gherɛ̀n ì ki ɓɔg lɛɛ̀gwey a Yorisalɛm, kìgwey ki ɓɛpìrɛɛtìrɛ̀ ki ki foŋ ǹtyweeyi ɓi Yeesus.

RÒMƐŊ 1:2

Bɛ̀ll à kàkà Syeesyee à Ɓɔlɛ ànɛ̀n abɛ̀y, ɓɛ̀kpaŋzì-ɓìɓan ɓɛ ki kàngà kìɓan kiǹ ɓi kaàtà à Bɛ̀ll.

RÒMƐŊ 1:20

À tumɛ̀n yɛ̀ɛ Bɛ̀ll à kìghà zi, mɛ̀ròŋa mii mɛ ɓum ɓɛ yin lɛ ɓɛ ghɛn lɛ, rì ìtèɗ wii wu wu ri fìɗyàɓ fikɔ̀ɔ̀, rì rìɓa ɗii ɗi àrì Bɛ̀ll, ɓyɛɛ̀ rèeresɛ̀n ɓi ɓyom ɓi à kìghà; fɔlɔɔ nnɛ ɓɛ yin ɗi com ki ɓɛ ri lɛ ɓɛ kpaa ki ki ki lɛ ɓɛɛ cenɛn ɓɔ.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 15:18

Ɓisuulɛ ǹ-yin lɛ ǹfèg kìɓùŋi kìɓan kidɛŋ ki ki yin ki Kiris yɛɛ kighà di à faa mɛ̀ ìtèɗ wulɛ nki, lɛ di a syoŋ yì ɓumɓɛ ɓɛ yin Ɓɛ̀yudɛ̀n lɛ ɓɛɛ ki Bɛ̀ll mɛ̀wog. À kìghà kìɓan kiǹ lɛ rì ɓi ɓìtòkì, rì ɓi ɓìɓan ɓi à kìkìghà,

RÒMƐŊ 15:4

Kɔlɛ ɓìɓan ɓìcèm ɓi ɓɛ lokà kìkàni, ɓi kanɛ̀ngà ɓisuulɛ ɓyɛɛ fa ɓìsi ɗyomzɛ̀n, lɛ di ti ɓa rì dyàɓɛn ɓi bee ì rìnìɗ ɗi nɗem, rì rìfɔɔsì ɗi nɗem ɗi mɛ̀kànì mɛ ti mɛ falàg.

RÒMƐŊ 3:21

Wɔ̀lɛ ɓigomìnɛ, Bɛ̀ll à mɛ rèsi ɓisi lannɛ à ti à kìlàg lɛ ti ɓa lɛ saaɗ ɓi mis mii, kɛ̀ɛ̀ ɓìdɔ̀gsɛna; kaàtà à ɓìdɔ̀gsɛna rì ɓɛ̀kpaŋzì-ɓìɓan ɓɛ ɓugà kìɓan kiǹ;

GÀLAT 3:8

Kaàtà à Bɛ̀ll à yitìghà abɛ̀y lɛ, Bɛ̀ll à kìi gɛ lɛ ɓumɓɛ ɓɛ yin Ɓɛ̀yudɛ̀n ɓɛɛ ɓa lɛ saaɗ ɓi mis mii lɛ rìgherɛ̀n, nni à lokà kì kpaà Abiraham Syeesyee à Ɓɔlɛ ànɛ lɛ: Ɓìlɔ̀ŋ ɓìcèm ɓi teri gɛ ɓɛ̀mààgh ɓisu wɔ̀ɔ̀.

EFÈZYƐŊ 1:9

À kpàkàkà ɓìsi dwìɗ i rìkɔ̀n ɗii ɗi a rìnyam, ɓi kìɓan ki nɗem wii wu lokà kì renì lɛ à kìi gɛ ɓi Kiris.

EFÈZYƐŊ 2:20

Ɓì rì kìtoŋ ki ki ri kìyàghɛn yi ɓi kìsay ki ɓɛkɛ̀nì-fìtom, rì ki ɓɛkpaŋzì-ɓìɓan; Yeesus Kiris nyimiɗ a ɓa gɔ̀g ìnɛ ì ɓanɓani ntɔn à naa.

KÒLÒSYƐŊ 1:26

yɛ̀ɛ ri kìɓan ki Bɛ̀ll à ɓègà a rìnyam fìɗyàɓ fikɔ̀ɔ̀, lɛ gbàà yi ɓum yìcèm yɛ̀ kɛɛ̀ yi, wɔ̀lɛ kɛɛ̀ki à mɛ rèsi ɓum ɓii ɓi cààmɛ̀n ki,

TIMOTE 1:17

Roànɛ a maà làlàmì cààmɛ̀n kìcèm ànɛ à yin lɛ à wu, roànɛ ɓum ɓɛ yin lɛ ɓɛ ghɛn, nyi yɛɛ ri m̀bobog à Bɛ̀ll ànɛ à ghɛ̀ɛ̀sɛɛ lɛ rì ǹnyaasɛ̀n, rì rìkem fìɗyàɓ fikɔ̀ɔ̀. Ààmɛ̀n.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

2 TIMOTE 1:10

Geesɛ̀n ìnɛn yɛ̀ɛ mɛ rèsɛn ɓigomìnɛ ɓi rìyù ɗi nkòrì wìs Yeesus Kiris ànɛ à ɓigtɛ̀ngà rì rìwu, à kpaŋzì lɛ rì cɛɓ rì rìɓa ɗi lɛ mum kɛ̀ɛ bwɛ̀y, ɓi kìtɛɛtɛn, ɓi bee ì Syeesyee à Ɓɔlɛ.

EBIREEGH 13:8

Yeesus Kiris à rì lɔŋ com kìfog, yɛ̀ɛ rìŋkò, yɛ̀ɛ gɛɛ̀nɛ, à kpaŋ fìɗyàɓ fikɔ̀ɔ̀.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 1:17

Yɛ̀ɛ ǹghɛngà nyi, nni ǹkpìghà nyi a mɛ̀kòò yɛ̀ɛ kìloŋ. À saghìghà mɛ̀ càg kii ki weèlem ɓi nyoo, à kpaa lɛ: Kɔ̀ɔ risi!

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.