RÒMƐŊ 15:8 - Bafia Nouveau Testament

⁸ Mɛ̀ ǹkalii mìni lɛ Kiris à ti ǹkìì-kìsay a Ɓɛ̀yudɛ̀n lɛ a resi lɛ Bɛ̀ll a roozag mɛkàg mii, à ki sììrag mɛkàg mɛ à faghà ɓɛ̀seŋi ɓaa ɓɛ ɓɛsɛ̀ɛ̀.

RÒMƐŊ 15:8 ပူးပေါင်းရင်းမြစ်များ

MATYOO 15:24

Yeesus à ɓàg lɛ: A ɓɔni jɔ̀ɔ̀ ɓɛ Isirayɛl ɓɛ ɓɛ ɗimgà ɓɔ rì ɓɔ, nnɛ ɓɛ romgày mɛ̀.

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

ZYAŊ 1:11

Ì yughà a ɓum ɓii, ɓum ɓii ɓɛ̀ kɛɛ̀ ki ghàɓ yɔ̀;

ZYAŊ 10:16

Ǹɗì tì rì jɔ̀ɔ̀ yidɛŋ yi yi ka yin ɓi kìlaa ki. Ki ghɛɛ̀sɛɛ lɛ nteɗ yì girig yɔ; yi ri ɓiì woògh jɛ̀ɛ̀ yɛ̀m, fɔɔnnɛ kìtuu ki jɔ̀ɔ̀ ki ɓiì ɓaà kìfog, m̀ɓèŋì à ɓa bog.

MƐ̀KÌKÌÌ MƐ ƁƐKƐ̀NÌ-FÌTOM 13:46

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ kpaghà ɓɔ lɛ fwàafwàày lɛ: Ki ǹghɛ̀ɛ̀sɛɛ lɛ, jɛ̀ɛ̀ ì Bɛ̀ll yɛ̀ɛ log kì kpaarɛɛ a lɔ̀ŋkin, nni yɛ̀ɛ ɓì ɓèni yɔ̀ yɛɛ lɔɔ lɛ, ɓì ghɛɛ lɛ cɛɓ ki fìɗyàɓ fikɔ̀ɔ̀ ki ghɛɛ̀sɛɛ ɓi ri mìni, nni ɓìsii tiŋ̀mɛɛ min a ɓumɓɛ ɓɛ yin Ɓɛ̀yudɛ̀n.

RÒMƐŊ 11:22

Kuurag kìpuɓì-ǹɗem à Bɛ̀ll, rì kìnyɛn kii; à rèsii kìnyɛn ɓisuu ɓɛroɓɛ ɓɛ kpighà, à rèsì wɔ̀ kìpuɓì-ǹɗem, wɔ̀lɛ kɛɛ̀ kɔ̀ɔkɔnɛ̀n lɛ u ɓaɓa lɔŋ ɓi kìpuɓì-ǹɗem wìì, kɛ̀ɛ̀ fɔlɔɔ ɓɛ pisì girig wɔ̀.

RÒMƐŊ 11:30

Fɛlɛ yɛ̀ɛ mìnii kighà Bɛ̀ll ǹtoòtèɗ ɓi mɛ̀ru mɛ abɛ̀y, ɓigomìnɛ, Bɛ̀ll à mɛ wog mini nyìighnyìg lɛ ǹtoòtèɗ wu Ɓɛ̀yudɛ̀n ɓɛ nkii nyi.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 3:26

Nni ɓi cààmɛ̀n ki tì ti ki miì Bɛ̀ll a rèresi saaɗ wìì, lɛ a kɔ̀nkɔn lɛ, ɓɛɛ yi lɛ à rì lɛ saaɗ, à ki kì lɛ ɓum ɓɛ̀cèm ɓɛ ɓɛ gherɛɛ Yeesus, ɓɛɛ ɓa lɛ saaɗ ɓi mis mìì.

RÒMƐŊ 3:3

Nni la! I ɓum ɓɛdɛŋ ɓɛ ɓi nyìinyìm wàà ɓɛ ɓaghà ɓumɓɛ ɓɛ gherɛɛ ɓi, rìɓa ɗyaa ɗi kɛ̀ɛ̀ rìgherɛ̀n ɗiǹ ɗyɛɛ ri ɓiì kìi lɛ Bɛ̀ll a rɔɓ kɛ̀ɛ roòzi ti mɛ̀kàg mii?

RÒMƐŊ 4:16

Fɔlɔɔ nnɛ ǹkàg wu falɛ̀ngà lɛ rìgherɛ̀n lɛ di wɛɛ ɓa yɛ̀ɛ rìɓòò ɗi Bɛ̀ll à kìi ɓum zɛy rì zɛy, wu ɓa ɓisuu dòò yi Abiraham yìcèm, wɛ̀ kɛɛ̀ ɓa lɔŋ lɛ ɓisuu dòò yi yɛɛ̀ ɓèŋɓeŋ ɓidɔ̀gsɛna; wu ɓa tì girig ɓisuu ɓɛroɓɛ ɓɛ gherɛɛ lɔŋ yɛ̀ɛ Abiraham à seŋi wìs a ɓɛ̀sɛ̀ɛ̀ ɓɛ̀cèm à gherɛ̀ngà, lɔŋ yɛ̀ɛ ki ri kìkànɛn lɛ:

1 KƆ̀RƐ̀ŊTYƐŊ 1:12

Nkɔ̀nkɔn lɛ nkpaà yɛɛ lɔɔ lɛ, ɓì rì lɛ: Rì wàànɛn miì ù kpaa lɛ: Mɛ̀ ǹɗì ŋwaà Pol; roànɛ lɛ: Mɛ̀ ǹɗì ŋwaà Apolos, roàmbog lɛ: Mɛ̀ ǹɗì ŋwaà Sefas, roàdɛŋ tì lɛ: Mɛ̀ ǹɗì ŋwaà Kiris.

1 KƆ̀RƐ̀ŊTYƐŊ 10:19

Fɔlɔɔ a rèsii nya yɛɛ lɔɔ lɛ nkɔ̀nkɔn lɛ ɓyɛn ɓi ɓɛ funɛɛ ɓi ɓìnùn, nsoò ɓìnùn ɓyɔmiɗ, ɓi ri nya rì bimiɗ à rìɓa àdɛŋ?

1 KƆ̀RƐ̀ŊTYƐŊ 10:29

Kìɓan ki nkpaakpaa ki, ki seesee ɓi nɗem win wu righerɛ̀n wɔmiɗ, ki ri ɓisuu nɗem wu righerɛ̀n wu ŋwaànɛ̀n. Nni ɓisuucɛ nnɛ rìɓa ɗyɛ̀m ɗi ǹɗì rì ìtèɗ wu kìyɛn com kìcèm ki ǹkɔ̀ni ɗi ri lɛ ɗi ɓa rì mɛ̀rèè lɛ nɗem wu righerɛ̀n wu ŋwaàdɛŋ?

1 KƆ̀RƐ̀ŊTYƐŊ 15:50

Ɓɔɔsoŋ̀, com ki nkpaaghi ki ri lɛ: Ɓyom ɓi lɛ, rì mɛ̀mùù rì bwaɓ, ɓyaa teɗ ɓi gàɓ ɓi kìlɔ̀ŋ ki Bɛ̀ll, fɔɔnnɛ com ki ki ti ki wulàg ki yin lɛ ki ɓa rì gàɓ ɓi rìɓa ɗi lɛ com kɛ̀ kɛɛ̀ wu.

2 KƆ̀RƐ̀ŊTYƐŊ 1:20

Mɛ̀kàg mɛ Bɛ̀ll mɛ̀cèm mɛ ri ɛ̀ɛ̀ ànɛn ɓi nyi. Lɔŋ ɓi nyi girig nnɛ tì ti tì kalàg Bɛ̀ll ààmɛ̀n wìs lɛ ti fa nyi rìkem.

EFÈZYƐŊ 2:12

Ɓi cààmɛ̀n kiǹ, ɓì ɓaghà kɛ̀ɛ̀ Kiris, ɓì ɓaghà ɓɛ̀kèn, kɛ̀ ɓi ɓa ɓɛroɓɛ ɓi kìlɔ̀ŋ ki Bɛ̀ll à ɓɔ̀ngà; ɓì ɓaghà ɓi ri gàɓ ɓi bee yi Bɛ̀ll à kàkà lɛ à ɓiì renì rì kɔ; fɔɔnnɛ ɓì ghɛghɛ̀ɓkà ɓi ziinɛ, kɛ̀ɛ̀ dyàɓɛn, kɛ̀ɛ̀ Bɛ̀ll.