RÒMƐŊ 15:19 - Bafia Nouveau Testament

¹⁹ rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.

RÒMƐŊ 15:19 ပူးပေါင်းရင်းမြစ်များ

MATYOO 12:28

Kìɓan kìfog, i ki ri lɛ mɛ̀ɛ nànaɓ ɓiɓeɓtàg ɓi mɛghay rì Ǹghay à Bɛ̀ll, fɔlɔɔ a rèsii lɛ kìlɔ̀ŋ ki Bɛ̀ll ki mɛ kpaŋ a lɔ̀ŋkin.

ZYAŊ 4:48

Nni Yeesus à kpaaghà nyi lɛ: Mìnii ri lɔŋ lɛ, i ɓì ghɛɛ ɓi dàm yi ɓiɓan, rì ɓɛ̀koŋnyoo ɓɛ ɓiɓan, kɛ̀ ɓi gherɛn.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 13:14

Nni yɛ̀ɛ ɓɛ pɛsɛ̀ngà a Pɛrizɛ, ɓɛ ghagsì rìkɛ̀ɛ̀ ɗyaa, ɓɛ kɛǹ kìkpaŋì a Aŋtyos ànɛ a Pisidii. Nni ɓɛ ɗiŋìghà ɓi naa ì bɔ̀ŋzɛ̀n ì Ɓɛ̀yudɛ̀n, ŋwosi Saɓàt ɓɛ kɔri ɓi zi.

MƐ̀KÌKÌÌ MƐ ƁƐKƐ̀NÌ-FÌTOM 13:51

Ɓɛ̀roɓɛ̀n ɓɛ kwiɗ kùrùɓu ànɛ ɓi mɛ̀kòò maa ɓi ɓɔ, lɛ a ɓa kìrèmzɛnà ki lɛ, ɓɛ nàɓi ɓɔ; fɔɔnnɛ ɓɛ pɛsɛ̀ngà min ɓɛ kɛǹ a Ikonyɔm.

MƐ̀KÌKÌÌ MƐ ƁƐKƐ̀NÌ-FÌTOM 14:10

Nni à kpaaghà ŋwaànɛ̀n jɛ̀ɛ̀ aɗyoo lɛ: Pɛ̀sɛn aɗyoo, u rɛli mɛrɛy wɛ̀ɛmiɗ. Fɔɔnnɛ ŋwaànɛ̀n à pɛ̀sɛ̀ngà aɗyoo lɛ fàtweɗ, à ghagsɛ̀n ɗì rìkɛ̀ɛ̀.

MƐ̀KÌKÌÌ MƐ ƁƐKƐ̀NÌ-FÌTOM 14:20

Wɔ̀lɛ yɛ̀ɛ ɓɛ̀yilàg ɓɛ taŋzɛ̀ngà nyi à nyoo, à pɛ̀sɛ̀n aɗyoo, à sugtì kì ɗiŋii ɓi bàn. Ɓi duri tana, ɓɛ kɛ̀ngà a Dɛriɓɛ ɓɛɛ̀ Ɓarinaɓas.

MƐ̀KÌKÌÌ MƐ ƁƐKƐ̀NÌ-FÌTOM 14:25

Ɓɛ mɛ ghagsi Ɓɔlɛ à Bɛ̀ll a Pɛrizɛ, ɓɛ sɛn min a Atalii.

MƐ̀KÌKÌÌ MƐ ƁƐKƐ̀NÌ-FÌTOM 14:6

Pol ɓɛɛ̀ Ɓarinaɓas ɓɛ ɓaghà lɛ ɓaa ghɛn fɔlɔɔ, ɓɛ kaa bee inɛ lɛ ɓɛɛ ghɛŋi kì nyàmzɛɛ a Likawonii rì a Listirɛ, rì a Dɛriɓɛ rì ɓi jàŋ yidɛŋ yi yi ɓaghà wɔɔ jàŋbog.

MƐ̀KÌKÌÌ MƐ ƁƐKƐ̀NÌ-FÌTOM 15:12

Fɔɔnnɛ ɓumɓɛ ɓɛ ɓaghà a rìghàdà ɗiǹ ɓɛ maaghà lɛ fyòoog, ɓɛ wowòg yɛ̀ɛ Pol ɓɛɛ̀ Ɓarinaɓas ɓɛ kpaakpààghà lɛ, rì dàm yi ɓiɓan, rì ɓɛ̀koŋnyoo ɓɛ ɓiɓan ɓɛ Bɛ̀ll à kìghà rì ɓɔ ɓi nyìinyìm à ɓum ɓɛ zɛy.

MƐ̀KÌKÌÌ MƐ ƁƐKƐ̀NÌ-FÌTOM 16:18

Ɓàlì ì mɛ̀ru ì ghaghìghà lɛɛ̀gwey ŋwutyàà giɓ anɛ̀n à kɛ̀nkɛ̀n lɔŋ asu à kpaakpàà fɔlɔɔ. Fɔɔnnɛ bim ì ɓaghà lɛ ì mɛ naasag Pol, à lɔ̀ɔ̀ghrɛ̀n à kpaa kìɓeɓtàg ki nghay ki ki ɓaghà ɓi giɓ anɛ̀n lɛ: Ɓi ɗii ɗi Yeesus Kiris, ǹtɔɔgh wɔ̀ lɛ, u pɛsɛn ɓi giɓ ànɛ. Nni kìɓeɓtàg ki nghay ki ghàskà kì pɛ̀sɛɛ ɓi gom yɔ̀miɗ inɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 17:10

Lɔŋ yɛ̀ɛ ìru wu fingà, ɓɛ̀geni ɓaa ɓɛ righerɛ̀n ɓɛ ghas kì kaà bee inɛ lɛ, Pol ɓɛɛ̀ Silas ɓɛɛ pɛsɛn, ɓɛɛ kɛǹ a Bere. Nni yɛ̀ɛ ɓɛ kpagà wɔɔ, ɓɛ ɗiŋì ɓi naà-bɔ̀ŋzɛ̀n ì Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 17:15

Ɓumɓɛ ɓɛ kɛngà kì foŋì Pol, ɓɛ kɛngà lɔŋ ǹɗaŋ ɗì nyi à kpaŋ a Atɛn, fɔɔnnɛ ɓɛ sugtìghày min a Bere, Pol à romgì ɓɛ̀-Silas ɓɛɛ̀ Timote jɛ̀ɛ̀ rì ɓɔ, lɛ, ɓɛɛ nɔɔ̀tiì nyi lɛ fyɛ̀ɗ.

MƐ̀KÌKÌÌ MƐ ƁƐKƐ̀NÌ-FÌTOM 18:1

Ajɛ̀m ìnɛn, Pol à pɛ̀sɛ̀ngà à Atɛn à kɛ̀n a Kɔrɛŋt.

MƐ̀KÌKÌÌ MƐ ƁƐKƐ̀NÌ-FÌTOM 18:19

Yɛ̀ɛ ɓɛ kpagà a Efɛɛzɛ Pol à càɗ Pirisilya wɔɔ ɓɛɛ̀ Akilas, à kɛ̀n ɓi naà-bɔ̀ŋzɛ̀n à tòkì rì Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 19:1

Cààmɛ̀n ki Apolos à ɓaa a Kɔrɛŋt, kɛɛ̀ki Pol à kìi lɛ, à mɛ rereniì ɓìlɔ̀ŋ ɓi ɓi dòn, à yù kì kpaŋì a Efɛɛzɛ, à tanɛn gàɓ ì ɓɛ̀yilàg wɔɔ, à tɔg ɓɔ lɛ:

MƐ̀KÌKÌÌ MƐ ƁƐKƐ̀NÌ-FÌTOM 20:20

Ɓì yii lɛ, ǹnyamgà ɓi mini kìɓan kidɛŋ ki ki ri lɛ, ki ghɛɓsì mìni, kɛ̀ɛ ǹki risi mini rìkpaakpàà, ɗì rìrèèrèsàg ɗi ɓiɓan ɓi Bɛ̀ll ɓi gwìy ì ɓum, nsoò lɛ a ɓɛ̀mɛɛ ɓin.

MƐ̀KÌKÌÌ MƐ ƁƐKƐ̀NÌ-FÌTOM 20:6

Ɓi ɓɛg ànɛ a lɔ̀ŋkis, ɓìsii ɓɔkà kìkom a Filiɓ di mɛ̀ru mɛ ɓɛ nkìlàg ɓìrɛsì kɛ̀ɛ̀ nwìɗ mɛ mɛ ghaàgh, fɔɔnnɛ tì kɛ̀ngà ɓɔ kì tanɛɛ a Tirowas ɓi mɛ̀ru mɛtaǹ, tì ki kɔ̀ri wɔɔ mɛru taàɓɛ̀ɛ̀.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 15:24

ɓisuulɛ ǹɗì rì dyàɓɛn lɛ ǹɗi ghɛn mini ɓi rìkɛ̀nkɛ̀n, ɓì ki ghɛɓsi mɛ lɛ nkpaŋ wɔɔ di m̀mɛ ka wog gàɓ ì kìnyàà ɓi cààmɛ̀n ki nɗi ghagsi a lɔ̀ŋkin.

1 KƆ̀RƐ̀ŊTYƐŊ 2:4

Rìrèsàg ɗyɛm̀, rì ɓìɓan ɓi Bɛ̀ll ɓi ǹkpaakpààghà, ɓi ɓaghà ɓi ri ɓɛ̀syeesyee ɓɛ jɛ̀ɛ̀ ɓɛ ɓɛ ti ɓɛ ɓalàg yì ɓi ɗyomzɛ̀n ɗi ɓum, ɗi ki syògi ɓɔ mɛ̀rem, ɓi ɓaghà lɔŋ ɓiɓan ɓi Ǹghay à Bɛ̀ll yɛɛ rerèsìghà saaɗ ànɛ miì, rì ìtèɗ wii.

2 KƆ̀RƐ̀ŊTYƐŊ 12:12

Ɓìɓan ɓi ɓyɛɛ̀ rèresi lɛ ǹɗì ǹkɛ̀nì-fìtom a Yeesus ɓi ghɛnɛ̀ngà ɓi nyìinyìm wìn ɓi rìyi ɗi rinìɗ ɗi nɗem ɓi mɛ̀kuu mɛ mɛfèèghrɛn mɛcèm, rì ɓi ɓìrèmzɛnà ɓi ɓiɓan, rì dàm yi ɓiɓan, rì ɓɛ̀koŋnyoo ɓɛ ɓiɓan.

GÀLAT 3:5

à ki kìki dàm ɓi nyìinyìm wìn, à ti à kìlàg nya fɔlɔɔ lɛ yɛ̀ɛ ɓi nɔ̀ɔnɔɔ̀tì ɓìdɔ̀gsɛna gìn ɓisuulɛ ɓì ti ɓì wokì, ɓì ki gherɛn Syeesyee à Ɓɔlɛ?

KÒLÒSYƐŊ 1:25

Mɛ̀ ǹtighà ǹkìì-kìsay anɛ ɓi kìseŋi ki Kiris, lɛ ǹtɛ̀g wu Bɛ̀ll à tɛ̀gsìghà mɛ̀ lɛ nghagsi mìni jɛ̀ɛ̀ ì Bɛ̀ll lɛ kɔɔ̀kɔɔ̀,

TÈSÀLÒNÌSYƐŊ 1:5

Ɓisuulɛ tì ghagsìghà ɓi mini Syeesyee à Ɓɔlɛ ànɛ tì ɓaghày rì nyi rì jɛ̀ɛ̀ ì ŋwɔm yɔ̀ ri yɔ̀, tì ghagsìghà girig nyi ɓi dàm yi tì kìkìghà rì ìteɗ wu Kitɛntɛ̀ɛ̀n ki Nghay, tì ki konag kiyiì saaɗ bimiɗ ànɛ ɓi Ɓɔlɛ ànɛ̀n. Ɓi saaɗ, ɓì yii cɛɓ ki tì ghɛɓkà ɓi nyìinyìm wìn; fɔlɔɔ a ɓaghà ɓi kìrɔɔ kin.

2 TIMOTE 4:17

Lɔŋ Kan yɛɛ ǹɗì mɛ̀ jàŋbog, à ki fa mɛ ìtèɗ, lɛ nghagsi jɛ̀ɛ̀ ì Bɛ̀ll lɛ kɔɔ̀kɔɔ̀, yɛ̀ɛ woòghrɛn ɓi mɛ̀ree mɛ ɓum ɓɛ̀cèm ɓɛ ɓɛ yin Ɓɛ̀yudɛ̀n fɔɔnnɛ ɓɛ nɗùnɛɛ mɛ̀ ɓi ŋwɔm wu kimonɗo.

EBIREEGH 2:4

Bɛ̀ll à ki sìisiìràg rìkalì ɗyaa lɛ rì ɓìrèmzɛnà, rì ɓɛ̀koŋnyoo ɓɛ ɓiɓan rì dàm mɛ̀kuu mɛ̀kuu, rì mɛ̀fafàà mɛ Kitɛntɛ̀ɛ̀n ki Nghay mɛ a kàakàɓsì lɔŋ yɛ̀ɛ ki kɔni nyi.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.