RÒMƐŊ 15:16 - Bafia Nouveau Testament

¹⁶ lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 15:16 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 1:1

Pol, ǹkìì-kìsay a Yeesus Kiris, ànɛ Bɛ̀ll à reŋìghà lɛ a ɓa ǹkɛ̀nì-fìtom a Yeesus, à ki ɓa ti nɗɛsiyɛn dɛgà ɓi rìghagsì ɗi Syeesyee à Ɓɔlɛ à Bɛ̀ll.

RÒMƐŊ 11:13

Mɛ̀ ǹkalii mìni ɓɛ ɓi yin Ɓɛ̀yudɛ̀n lɛ, ǹɗì ǹkɛ̀nì-fìtom a Yeesus ànɛ à rì ɓisuu ɓumɓɛ ɓɛ yin Ɓɛ̀yudɛ̀n, nni ɓi rìɓa ɗyɛ̀m ɗiǹ, mɛ̀ɛ nnyàanyaàrɛ̀n rì kìsay ki ki falɛ̀ngà kiǹ a lɔ̀ŋkɛm̀.

RÒMƐŊ 15:18

Ɓisuulɛ ǹ-yin lɛ ǹfèg kìɓùŋi kìɓan kidɛŋ ki ki yin ki Kiris yɛɛ kighà di à faa mɛ̀ ìtèɗ wulɛ nki, lɛ di a syoŋ yì ɓumɓɛ ɓɛ yin Ɓɛ̀yudɛ̀n lɛ ɓɛɛ ki Bɛ̀ll mɛ̀wog. À kìghà kìɓan kiǹ lɛ rì ɓi ɓìtòkì, rì ɓi ɓìɓan ɓi à kìkìghà,

RÒMƐŊ 15:19

rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.

RÒMƐŊ 15:20

Ǹfalɛ̀ngà mɛ̀ɛmiɗ rikem ɗi lɛ nkakali Syeesyee à Ɓɔlɛ lɔŋ ɓi jàŋ yi ɗii di Kiris ɗi ɓaghà di ɗi ka ɓuŋ̀ɗɛn ɓi, lɛ kɛ̀ɛ nki ɓa lɛ ǹtoŋ ɓi jàŋ inɛ ŋwaàdɛŋ à ɓaghà di à mɛ yàghɛn kitoŋ, wɔ̀lɛ lɔŋ yɛ̀ɛ ki ri kìkànɛn lɛ:

RÒMƐŊ 15:29

Ǹ-yii lɛ, yɛ̀ɛ ǹɗi yù a lɔ̀ŋkin, ǹɗi yuiy rì ɓɛ̀mààgh ɓɛ̀cèm ɓɛ yɛ̀ɛ Kiris.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

1 KƆ̀RƐ̀ŊTYƐŊ 3:5

Cɛ kɛɛ ri min lɛ Apolos? Cɛ kɛɛ ri lɛ Pol? Tì rì lɔŋ ɓɛ̀kìì-ɓìsay ɓɛ ɓɛ kighà lɛ ɓi gherɛn Bɛ̀ll, rìkì ɗi mum ǹcèm ɗi ɓa lɔŋ yɛ̀ɛ Kan à faghà nyi ìtèɗ wulɛ a ki.

1 KƆ̀RƐ̀ŊTYƐŊ 4:1

Ɓì ghɛ̀ɛ̀sɛɛ min ɓisi kì seesee yɛ̀ɛ ɓɛ̀kìì-ɓìsay ɓɛ Kiris, ɓɛ ɓɛ ri ɓɛ̀ɓèŋì ɓɛ ɓɛkɔɔ̀kɔɔ̀ ɓɛ ɓiɓan ɓɛ Bɛ̀ll à nyamgà.

1 KƆ̀RƐ̀ŊTYƐŊ 6:19

Ɓì yii ɓi lɛ, nyoo yìn i rì naa ì Kìtɛntɛ̀ɛ̀n ki Nghay ki ki ri ɓi mìni, ki Bɛ̀ll à faghà mìni? Fɔɔnnɛ ɓì làmii tì ɓi mìniìɓɔmiɗ.

2 KƆ̀RƐ̀ŊTYƐŊ 11:23

I ɓɛ ri ɓɛ̀kìì-ɓìsay ɓɛ Kiris m̀ɓa kìyèg ki kɔɔ̀kɔɔ̀ lɛ mɛ̀ ǹɗì ǹkìì-kìsay a Kiris ǹcee ɓɔ, ɓi ɓìsay ɓi m̀mɛ kì, nni àa foo ri foo, ǹcee ɓɔ ɓi naà-zày yi m̀mɛ kɛ̀n, à kɛ̀n kì kpaŋì ɓi zàà yi ɓɛ mɛ kwiy mɛ, rì ɓi ɓɛ̀koŋnyoo ɓɛ riwù ɓɛ ǹti ǹghaaghràg miì ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 5:20

Ɓi ɗii ɗi Kiris innɛ tì rì ɓɛ̀romɛn fɔɔnnɛ Bɛ̀ll nyimiɗ yɛɛ̀ feèfègsì mìni ɓi myɔm mis; tì ɓɔ̀ŋzaagh mìni ɓi ɗii ɗi Kiris lɛ ɓi gherɛn lɛ ɓi pegsɛn kìɓan ki lɛ rì mìni rì Bɛ̀ll.

2 KƆ̀RƐ̀ŊTYƐŊ 8:5

Com ki ɓɛ nkìi ki ncee ki tìi mɓoŋɓoŋi lɛ ɓɛ ri lɛ ɓɛ ki, lɛ ɓɛ lokà kìfalɛɛ ɓɔmiɗ ɗi Kan, ɓɛ falɛ̀n min a lɔ̀ŋkis lɛ rìkɔ̀n ɗi Bɛ̀ll.

GÀLAT 3:5

à ki kìki dàm ɓi nyìinyìm wìn, à ti à kìlàg nya fɔlɔɔ lɛ yɛ̀ɛ ɓi nɔ̀ɔnɔɔ̀tì ɓìdɔ̀gsɛna gìn ɓisuulɛ ɓì ti ɓì wokì, ɓì ki gherɛn Syeesyee à Ɓɔlɛ?

EFÈZYƐŊ 2:18

Ɓisuulɛ, rì ɓìsi, rì ɓɔ, tì rì rì bee i ǹkpaŋɛn yɛ̀ɛ Tààta lɛ nyi rì ǹghɛɓsɛn wu Nghay bog.

EFÈZYƐŊ 2:22

Ɓi nyi nnɛ mìnii ri girig ɓɛ̀ro ɓɛ ɓi kìtoŋ kiǹ, lɛ ɓi ɓa ǹɗaŋ ri ɓɔɔ̀ cèm mɛɛ mɛ Bɛ̀ll à kɔ̀kɔrii miì ɓi Nghay.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

FÌLÌPYƐŊ 2:17

Wɔ̀lɛ nsoò bwaɓ yɛm̀ yaa ki kpaŋì ɓi sìg à com ki ɓɛ funɛɛ Bɛ̀ll, lɛ yɛɛ ɓɔɓtɛn ɓi rìfa ɗi rìgherɛ̀n ɗin ɗyɛɛ̀ ɓɔɔɓɔgsì Bɛ̀ll rì ɗyɔ, fɔlɔɔ a fa lɔŋ mɛ kìnyàà, ǹki nyààrɛn ǹɗaŋ ri mìni ɓɛ̀sɛ̀ɛ̀ ɓɛ̀cèm.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

TÈSÀLÒNÌSYƐŊ 2:2

Di tì ka kpaŋ ɓi a lɔ̀ŋkin, tì ghɛngà mɛ̀tɔɓ, ɓum ɓɛ ki yeesi ɓisi a Filiɓ lɔŋ yɛ̀ɛ ɓì yii, wɔ̀lɛ Bɛ̀ll à faghà ɓìsi ìtèɗ wulɛ ti ghagsi mìni Syeesyee à Ɓɔlɛ wìì nsoò yɛ̀ɛ ki ɓaghà bimiɗ à wɛ̀y.

TÈSÀLÒNÌSYƐŊ 2:9

Ɓɔɔsoŋ̀ ɓì rì lɛ ɓì yitì kìsay ki tì kìghà, rì ǹtɔɓ wu tì wokà; tì ghagsìghà mìni Syeesyee à Ɓɔlɛ à Bɛ̀ll tì ki sasay lɛ rì ìru rì ŋwos lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

TIMOTE 1:11

Ɓìɓan ɓiǹ ɓyɛɛ̀ɓi Syeesyee à Ɓɔlɛ à ǹkeŋkèmì à Bɛ̀ll ànɛ à rì ǹtin wu ɓɛmààgh a rèrèsì. Syeesyee à Ɓɔlɛ ànɛ̀n nnɛ ɓɛ reɓsɛ̀ngà rì mɛ̀.

TIMOTE 2:7

Kìɓan kiǹ kɛɛ̀ki ɓɛ rɛsìghà mɛ̀ miì lɛ mɓa ǹghagsì-ɓɔlɛ rì ǹkɛ̀nì-fìtom anɛ miì. Nkpaakpaa saaɗ, m̀pwàa ɓi, ǹɗì ǹɗèsàg à ɓumɓɛ ɓɛ yin Ɓɛ̀yudɛ̀n, ànɛ a rèresi ɓɔ rìgherɛ̀n, rì saaɗ.

2 TIMOTE 1:11

Syeesyee à Ɓɔlɛ ànɛ̀n innɛ ɓɛ rɛsìghà mɛ̀ lɛ nlaàlamɓɛ̀n m̀ɓa ǹkɛ̀nì-fìtom rì ǹɗèsàg ànɛ miì.

EBIREEGH 13:16

Kɛ̀ ɓi ɗimzɛn rikì ɗi kirɔɔ rì rìghɛɛ̀ghɛ̀ɓsɛ̀n ɗi ɓi nyìinyìm wìn, lɛ rìkì ɗiǹ ɗyɛɛ ti ɗi rɔɔghì Bɛ̀ll, ɗi ɓa ɓi bàlì ì ɓyom ɓi ɓì faa nyi.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.