RÒMƐŊ 15:15 - Bafia Nouveau Testament

¹⁵ Nsoò fɔlɔɔ mɛ̀ ǹkàniì mìni rì kìghɛɛsii lèg àdɛŋ, lɛ nghem̀zi mìni mɛ̀rem ɓi ɓìɓan ɓi ɓì ɓaghà di ɓyàa yilàg, mɛ̀ɛ ǹkàniì fɔlɔɔ, lɛ geesɛ̀n ìnnɛ Bɛ̀ll à rèsìghà mɛ̀,

RÒMƐŊ 15:15 ပူးပေါင်းရင်းမြစ်များ

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 12:3

Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

RÒMƐŊ 12:6

lèg ànɛ yɛ̀ɛ geesɛ̀n ì Bɛ̀ll ì ghɛnɛ̀ngà a lɔ̀ŋkis, tì ri lɛ rì mum, rì rìkuu ɗi kiɓan ɗi Bɛ̀ll à faghà nyi lɛ a kilag, fɔɔnnɛ roànɛ Bɛ̀ll à faghà ìtèɗ wulɛ a kpaàkpàŋzì ɓìɓan ɓi Bɛ̀ll à rèsii nyi, à ghɛ̀ɛ̀sɛɛ kì kìi kisay kiǹ lɔŋ yɛ̀ɛ ki ghɛɛ̀sɛɛ ɓi rìgherɛ̀n.

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

1 KƆ̀RƐ̀ŊTYƐŊ 3:10

Ɓi lèg à geesɛ̀n ànɛ Bɛ̀ll à kìghà mɛ̀, nnɛ ǹ-yàghɛ̀ngà kìgɔ̀ŋgɔ̀m ki mɛɛ lɔŋ yɛ̀ɛ syeesyee à ǹtoŋì-ɓìtoŋ, nni ŋwaàdɛŋ à yùghà kì toŋì ɓi kìgɔ̀ŋgɔ̀m kiǹ aɗyòò; wɔ̀lɛ mum ǹcèm à ghɛ̀ɛ̀sɛɛ kì kɔ̀rii ɗyomzɛ̀n ɗì rìkuu ɗi kitoŋ ɗi a toŋtoŋ miì.

GÀLAT 2:9

Fɔɔnnɛ ɓɛ gherɛ̀ngà lɛ Bɛ̀ll à kìghà mɛ̀ geesɛ̀n; ɓɛ̀-Zyag, rì Sefas rì Zyaŋ ɓɛ ɓɛ ɓaghà fɛlɛ yɛ̀ɛ ɓɛ̀ǹtɔn ɓaa, ɓɛ tukàkà ɓìsi ɓyàg lɛ rì mɛ̀ rì Ɓarinaɓas, lɛ ɓɛɛ resi lɛ, tì rì ɓɛ̀ɓùtɛn ɗi ɓɔ; fɔɔnnɛ ɓìsii ghɛɛ̀sɛ̀ngà kì kɛ̀ɛ a ɓumɓɛ ɓɛ yin Ɓɛ̀yudɛ̀n, ɓɔɔ kɛǹ a Ɓɛ̀yudɛ̀n.

TIMOTE 4:6

Ù rì ɓiì ɓaà syeesyee à ǹkìì-kìsay a Yeesus Kiris di u kakali ɓɛgoni ɓìɓan ɓiǹ ù ki rèresi lɛ u mɛmɛni wɛ̀ɛmiɗ ɓi nghay rì ɓìɓan ɓi righerɛ̀n rì syeesyee à dɔgtɛ̀n ànɛ ù yilàkà yɛ̀ɛ ki ghɛɛ̀sɛɛ.

2 TIMOTE 1:6

Kìɓan kiǹ kɛɛ̀ki ǹtɔɔgh wɔ̀ lɛ, u lɔŋ̀zi tì ɗuu ɗi ɓi rìfa ɗi Bɛ̀ll ɗi ù tekà yɛ̀ɛ ǹsaghìghà wɔ̀ ɓyàg ɓi nyòò.

2 TIMOTE 2:14

Ɓìɓan ɓiǹ ɓyɛɛ̀ɓi ù ghɛ̀ɛ̀sɛɛ kì ɓìiɓiìtàg ɓum, ù ki siisiŋdɛ̀n ɓɔ ɓi mis mɛ Bɛ̀ll, lɛ ɓɛɛ lɛg ɓɛsaaka rì rìnyoònyòlɛ̀n ɓi kìɓan ki mii, lɛ ɓi ghɛɓsii ɓi com, di nya lɛ ɓyɛɛ ɗyaŋzi ɓumɓɛ ɓɛɛ̀ wowog ɓɛsaaka ɓɛǹ.

Kaàtà ànɛ Pol à kàngà TIT 3:1

Yiti ɓɔ lɛ ɓɛɛ ki ɓɛ̀làmì kìlɔ̀ŋ, rì ɓɛ̀gɔmìnà mɛ̀wog; ɓɛ ghɛɛ̀sɛɛ kì kìi com ki ɓɛ̀roɓɛ̀n ɓɛ tɔɔgh ɓɔ lɛ ɓɛɛ ki, ɓɛ ki fɛmɓɛn ɓi rìkì ɗi kiɓan kicèm ki ki ri lɛ syeesyee.

EBIREEGH 13:22

Ɓɔɔsoŋ̀, ǹtɔɔgh mìni lɛ ɓi niɗ mɛ̀rem, ɓì teɗ ɓìɓan ɓi ɓyɛɛ fa mìni ìtèɗ ɓi mɛ̀rem ɓisuulɛ kaàtà ànɛ ǹkàniì mìni à ràɓi ɓi.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

2 PYƐƐRI 3:15

Terina rìnìɗ ɗi ǹɗem ɗi Kan wìs lɛ ɗi ri ɓi kìrɔɔ kin lɔŋ yɛ̀ɛ geni wìs a nɗem ànɛ lɛ Pol à kàngà girig mìni ɓi ɗyomzɛ̀n ɗi Bɛ̀ll à faghà nyi.

1 ZYAŊ 5:13

Ǹkàniì mìni kìɓan kiǹ lɛ ɓi yi lɛ: Ɓì rì rì cɛɓ ki fiɗyàɓ fikɔ̀ɔ̀, mìni ɓɛ ɓì gherɛɛ ɗii ɗi Man à Bɛ̀ll.