RÒMƐŊ 15:14 - Bafia Nouveau Testament

¹⁴ Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

RÒMƐŊ 15:14 ပူးပေါင်းရင်းမြစ်များ

1 KƆ̀RƐ̀ŊTYƐŊ 1:5

Rì tì lɛ ɓi Kiris, ɓì mɛ teɗ ɓɛmààgh ɓɛ̀cèm, à ɓiisɛ̀n ɓɛ ɓɛ seesee kìtòkì, rì rìyi ɗi ɓiɓan.

1 KƆ̀RƐ̀ŊTYƐŊ 12:8

Lɛ Nghay à ti à falàg ŋwaàdɛŋ ɗyomzɛ̀n, m̀bobog à Ǹghay ànɛ̀n à fa roàmbog ɓìtòkì ɓi riyi ɗi ɓiɓan.

1 KƆ̀RƐ̀ŊTYƐŊ 13:2

Nsoò màa rì rì rìfa ɗi Nghay ɗi lɛ nkpaàkpàŋzì ɓìɓan ɓi Bɛ̀ll, màa soo yii dàm yi ɓiɓan yicèm yi a rìnyam, ǹki yi ɓiɓan ɓìcèm, nsoò màa rì kɔm̀ ɗì rìgherɛ̀n ɗi ɗi ri lɛ ɗi pɛsì dòn lɛ yɛ̀ɛ, pɛsɛn jàŋ inɛ ì rì, i ǹ-yin ɗi ǹkɔ̀nɛ̀n, di ǹɗì lɔŋ com ki zɛy.

1 KƆ̀RƐ̀ŊTYƐŊ 8:1

Ɓi ɓɛg ànɛ a ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓìsiìcèm tì yii lɛ, tì rì rì ɓìɓan ɓi tì konaagh kì yiì, nni rìyi ɗi ti ɗi falàg mum ǹcàŋà wɔ̀lɛ ǹkɔ̀nɛ̀n à falàg ìtèɗ ɓi rìgherɛ̀n.

1 KƆ̀RƐ̀ŊTYƐŊ 8:10

Ɓisuulɛ, i ŋwaàdɛŋ à ghɛɛ wàànɛ ù yii di u ɗiɗì ɓyom a mɛ̀kɔɔ̀ mɛ ɓinùn, nyi ànɛ à rì kɛ̀ɛ̀ ìtèɗ, nɗem wii wu ri nyi ɓiì tinii lɛ a ɗi ɓyɛn ɓi ɓɛ funɛɛ ɓi riɓɔgsì ɓìnùn.

1 KƆ̀RƐ̀ŊTYƐŊ 8:7

Wɔ̀lɛ àa ɓum ɓɛ̀cèm ɓɛɛ yi fɔlɔɔ, lɛ ɓɛ̀ro ɓɛdɛŋ ɓɛ kaka ɓɛ̀mɛ̀ɛ̀tɛn ri kìɓan ki ɓinùn ɓi lèg ànɛ lɛ, ɓɛ ti ɓɛ ɗilàg ɓyɛn ɓi fɔlɔɔ, yɛ̀ɛ ɓɛɛ̀ kali lɛ ɓyɛn ɓìn ɓi ri ɓyɛn ɓi ɓinùn; yɛ̀ɛ ǹɗem waa wu ri kɛ̀ɛ̀ ìtèɗ, ɓìɗilàg ɓiǹ ɓi caɗ ɓɔ tìfin ɓi mɛ̀rem.

2 KƆ̀RƐ̀ŊTYƐŊ 8:7

Lɛ yɛ̀ɛ ɓì rì rì ìtèɗ ɓi ɓìɓan ɓìcèm lɛ rì ɓi rìgherɛ̀n, rì ɓi ɓìtòkì, rì rìyi ɗi ɓiɓan, rì rìfalɛ̀n ɗi ɓì rì ɓɛ̀falɛn ri Bɛ̀ll kɛ̀ɛ̀ vèg, rì ǹkɔ̀nɛ̀n ànɛ ɓì rì rì nyi ɓi san wìs, fɔlɔɔ nnɛ ti kɔ̀nkɔn lɛ ɓi resi tì girig ìtèɗ win ɓi kìɓan ki geesɛ̀n ki ki ɓiì kìlɛɛ kiǹ.

EFÈZYƐŊ 5:9

Kìtɛɛtɛn kìn kɛɛ ti ki falàg ɓum ìtèɗ wulɛ ɓɛɛ rɔɔtɛn nɗem ɓɛ ɓa ɓumɓɛ nkpaà, ɓɛ ki ɓa ɓumɓɛ ɓɛɛ̀ kpaakpaa saaɗ.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

TÈSÀLÒNÌSYƐŊ 5:11

Fɔɔnnɛ ɓì ghɛ̀ɛ̀sɛɛ kì faafàlɛ̀n mìniìɓɔmiɗ ìtèɗ, ɓì kì feèfègsɛ̀n mìni rì mìni yɛ̀ɛ ɓì ti ɓiì kìkii.

TÈSÀLÒNÌSYƐŊ 5:14

Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.

2 TÈSÀLÒNÌSYƐŊ 1:11

Kìɓan kiǹ kɛɛ̀ki ɓìsiì ɓɔ̀ɔɓɔ̀ŋzì Bɛ̀ll cààmɛ̀n kìcèm ɓisu win lɛ, di Bɛ̀ll wìs a ki lɛ ɓi ɓa ɓumɓɛ ɓɛ ghɛɛ̀sɛɛ rì ǹɗeèghreŋi wii; à kì tì lɛ ɓi ɓa rì bee i ǹkìyɛn ɓiɓan ɓi syeesyee ɓìcèm ɓi ɓi kɔ̀nkɔ̀n, à ki kì lɛ kìsay ki rìgherɛ̀n ɗin ɗyɛɛ̀ kìkì kɛɛ ɓa lɛ syeesyee.

2 TIMOTE 1:5

N-yiiyitì girig rìgherɛ̀n ɗi kɛ̀ɛ̀ ìghèy azi ɗi ɗi ri wɔ̀ ɓi nɗem, rìkuu ɗi righerɛ̀n ɗiǹ ɗyɛɛ̀ɗi gaa à ǹsɛ̀ɛ̀mɛn anɛ lɛ Lɔyis à ɓaghà rì ɗyɔ, Enis à jɛɛ wɔ̀ɔ̀ ri ɗyɔ, lɔŋ yɛ̀ɛ ǹɗem wɛ̀m wùcèm wu gherɛɛ lɛ ɗi ri girig fɔlɔɔ a lɔ̀ŋkɔɔ.

FILEMƆŊ 1:21

Yɛ̀ɛ ǹɗì rì ǹtyweeyi lɛ ù ɓiì kìi com ki ǹtɔɔgh, fɔɔnnɛ ǹkàniì wɔ̀; ǹki yii lɛ ù ɓiì kìi com ki ǹkpaa, ù ceesàg.

EBIREEGH 5:12

Lɛ mìniɓɛ ɓì ghɛ̀ɛ̀sɛ̀ngà kìɓaà ɓɛ̀rèsàg ɓɛ ɓìɓan ɓi fiɗyàɓ, ɓì kaka rì zày ìnɛ lɛ ɓɛɛ resag mìni mɛ̀to mɛ ɓiɓan mɛ beèbɛ̀y mɛ ɓi jɛ̀ɛ̀ ì Bɛ̀ll. Ɗi ɓyàa rì lɛ ɓì ɗi ɓìɗilàg ɓi tèɗ, ɓì kaka rì zày ìnɛ lɛ ɓi nyɔŋnyɔŋ mɛlì.

EBIREEGH 6:9

Mìni ɓum ɓɛm ɓɛ nɗem, nsoò yɛ̀ɛ ti kpaakpaa lɔɔ, tì konaagh kì yiì lɛ ɓì rɛrɛlii ɓi syeesyee à bee, ànɛ à rì bee ì cɛɓ.

2 PYƐƐRI 1:12

Kìɓan kiǹ kɛɛ̀ki ǹɗì lɔŋ mini ɓiì yiiyitàg ɓìɓan ɓiǹ cààmɛ̀n kìcèm kaa soo rì lɛ ɓì mɛ yi ɓyɔ, ɓì ki ɓa ɓɛsììrɛn lɛ syeesyee ɓi saaɗ ànɛ ɓì tekà.

1 ZYAŊ 2:21

Ǹkàni mìni, ki yin lɛ ɓì ka yi ɓi saaɗ, ki ri lɔŋ lɛ ɓì mɛ yi nyi, rì tì lɛ pwàà à yin lɛ à ɓay ɓi saaɗ.