RÒMƐŊ 14:3 - Bafia Nouveau Testament

³ Fɔɔnnɛ ŋwaànɛ a ɗiɗi ɓyom ɓìcèm à ghɛ̀ɛ̀sɛɛ ɓi lɛ à sɛɛtì roànɛ à yin ɓiì ɗiɗii, roànɛ à ki yin ɓiì ɗiɗii ɓyom lɛ ɓus ɓùs ɓus à ghɛ̀ɛ̀sɛɛ ɓi lɛ à sɛɛtì ŋwaànɛ a ɗiɗi ɓyom ɓìcèm ɓisuulɛ Bɛ̀ll à ghàɓkà ŋwaànɛ a ɗiɗi ɓyom ànɛ̀n.

RÒMƐŊ 14:3 ပူးပေါင်းရင်းမြစ်များ

MATYOO 18:10

Kɔ̀riina ɗyomzɛ̀n lɛ kɛ̀ ɓi sɛɛti kibog ki ɓi ɓɔɓti ɓɛ. Lɛ ǹkalii mìni lɛ, ɓum ɓɛ titom ɓaa ɓɛ rɛrɛlii cààmɛ̀n kìcèm ɓi mis mɛ Seŋi wɛ̀m ànɛ à rì aɗyòò.

MATYOO 9:14

Nni ɓɛ̀yilàg ɓɛ Zyaŋ ɓɛ yughày Yeesus a nyoo, ɓɛ tɔg nyi lɛ: Ɓisuucɛ nnɛ ɓìsi rì Ɓɛ̀fàrìzyɛŋ tì ti tì cèlàg ɓìɗilàg ɓyààmɛ̀n ɓidɛŋ, ɓɛ̀yilàg ɓɔɔ ɓɛ̀ kɛɛ̀ cèli?

LUKAS 18:9

Nni Yeesus à teetìghà dàɗkì ìdɛŋ ɓisuu ɓum ɓɛdɛŋ ɓɛ ɓɛ fefèkà lɛ ɓɔ yɛɛ ri ɓɛ̀saaɗ ɓɛ ɓum ɓi mis mɛ Bɛ̀ll ɓɛ ki sɛɛsɛɛ̀tì ɓɛ̀ro ɓɛm̀bog, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 10:34

Pyɛɛri à pɛ̀sìghà min ɓitòkì, à kpaa lɛ: Ɓi saaɗ ǹkonaagh kì ghɛɛ̀ gɛɛ̀nɛ lɛ, Bɛ̀ll à yin ɗi ǹɗèè wu ǹɗem

MƐ̀KÌKÌÌ MƐ ƁƐKƐ̀NÌ-FÌTOM 10:44

Yɛ̀ɛ Pyɛɛri à ɓaghà di a ka tòtog a ŋwɔm fɔlɔɔ, nni Kìtɛntɛ̀ɛ̀n ki Nghay ki sɛngày ki ɗiŋì ɓi ɓum ɓɛ̀cèm ɓɛ ɓɛ wowòkà ɓìtòkì ɓii ɓiǹ.

MƐ̀KÌKÌÌ MƐ ƁƐKƐ̀NÌ-FÌTOM 28:2

Ɓumɓɛ ɓi kìrìŋ kiǹ ɓɛ ghaɓkà ɓìsi rì geesɛ̀n lɛɛ̀gwey; yɛ̀ɛ bwey ì sɛngà, kìfɛɓ ki ki kìki lɛɛ̀gwey, ɓɛ ghɛŋzɛ̀ngà coo kikaŋì ki ɗuu, ɓɛ reŋì ɓìsi lɛ, ti kɛǹ kì woògh ɓìsiìcèm.

RÒMƐŊ 11:15

Ɓisuulɛ rìkɛ̀n ɗyaa ɗi ɓi nwɔŋì ɗi kighà lɛ ziinɛ yɛ̀ɛ rarɛn tì rì Bɛ̀ll; nni cɛ kɛɛ ri min ɓiì kìlɛɛ di ɓɛ sugtii yì? Fɔlɔɔ a ɓiì ɓaà cɛɓ ki ki yuu ɓisuu ɓilòŋ.

RÒMƐŊ 14:1

Ghàɓkiina ŋwaànɛ à rì lɛ kpɔ̀gkpɔ̀g ɓi rìgherɛ̀n, kɛ̀ ɓi nyolɛn ri nyi ɓi mom̀zɛ̀n mɛ à rì rì mɔ ɓi kìɓan ki righerɛ̀n.

RÒMƐŊ 14:10

Nni wɔ̀ɔ yɔmgi goni ɓisuucɛ? Nsoò lɛ wɔ̀ɔ sɛɛtag goni lɛ la? Ɓìsi ɓɛ̀sɛ̀ɛ̀ ɓɛ̀cèm tì rì ɓiì rɛlii ɓɛyɔ̀m ɓi kìkpana ki ɓɛyɔ̀m ki Bɛ̀ll.

RÒMƐŊ 14:13

Tì ghɛ̀ɛ̀sɛɛ min ki càri kiɓan ki rifiìfìɓɓɛ̀n ɗì rìfaàfàlɛ̀n, ɗi zɔɔ ɓi nyìinyìm wìs; ǹɗɛli wu ɓì ghɛ̀ɛ̀sɛɛ kì terì wu ri lɛ; kɔ̀ɔ kì kiɓan ki ki ri lɛ ki kɛɓtì goni fìɓàg nsoò lɛ ki tinì nyi lɛ a kpi ɓi kìɓe.

RÒMƐŊ 14:15

I ù ɓeɓsii goni ǹɗem ɓi rìkuu ɗi ɓiɗilàg ɗidɛŋ ɗi u ɗiɗi, di ù rèsii tì ɓi ǹkɔ̀nɛ̀n yɛ̀ɛ ki ghɛɛ̀sɛɛ; ù ghɛ̀ɛ̀sɛɛ kì kɔ̀rii ɗyomzɛ̀n lɛ kɔ̀ɔ kì lɛ, ŋwaànɛ Yeesus Kiris à wughà ɓisu wii a ɗyaŋ̀ lɛ kìɓan ki ɓiɗilàg.

RÒMƐŊ 14:21

Kìɓan ki ki ri syeesyee à kìɓan ki ri lɛ, kɔ̀ɔ ɗi ɓyɛn, kɔ̀ɔ nɔ mɛrɔ̀g, ù lɛg com ki ki ri lɛ ki kɛɓtì goni fìɓàg.

RÒMƐŊ 15:7

Fɔɔnnɛ ghàaghàɓɓɛɛna mìni rì mìni rì syeesyee à nɗem fɛlɛ yɛ̀ɛ Kiris à ghàɓkà mìni ɓisuu rikem ɗi Bɛ̀ll.