RÒMƐŊ 14:22 - Bafia Nouveau Testament

²² Fèg ànɛ rìgherɛ̀n ɗyɔɔ ɗi faa wɔ̀ ɓi kìɓan kiǹ, ɓeŋa nyi ɓisu wɔɔ, ɓi mis mɛ Bɛ̀ll. Mààgh rì ŋwaànɛ à ti kɛ̀ɛ̀ falɛn nyimiɗ zɔɔ ɓi cààmɛ̀n ki à teri ǹɗɛli lɛ a ki kìɓan.

RÒMƐŊ 14:22 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 24:16

Kìɓan kin kɛɛ̀ki mɛ̀ girig ntèeteèsì nyoo ɓyààmɛ̀n ɓìcèm lɛ, ǹɗem wɛ̀m wɛɛ ɓa kɛ̀ɛ̀ bɛ̀lɛn ɓi mis mɛ Bɛ̀ll, rì ɓi mis mɛ ɓum.

RÒMƐŊ 14:14

Mɛ̀ ǹ-yii kɔɔ̀kɔɔ̀ à rìyi lɛ ɓi Yeesus Kiris com kidɛŋ ki yin ɗi kìsyeg ɓi kɔmiɗ, wɔ̀lɛ i ŋwaà ghɛɛ lɛ com kidɛŋ ki ri rì kìsyeg, com kìn ki ghay lɛ ki ti rì kìsyeg ɓisu wìì.

RÒMƐŊ 14:2

Rìgherɛ̀n ɗi ŋwaàdɛŋ ɗi ri lɛ ɗi tinì nyi lɛ a ɗiɗi ɓyom ɓìcèm kɔlɛ ŋwaàmbog ànɛ rìgherɛ̀n ɗii ɗi teèsɛɛ ɓi, nyii ɗiɗì lɔŋ lɛ ɓìnyàa.

RÒMƐŊ 14:23

Wɔ̀lɛ i ŋwaà ɗii ɓìɗilàg ɓidɛŋ rì ìris ɓi nɗem, Bɛ̀ll à fa nyi bɛ̀lɛn ɓisuulɛ à kìi ɓi kiɓan kiǹ ɗì rìgherɛ̀n ɓi nɗem; fɔɔnnɛ kìɓan kicèm ki mum à rì lɛ à kì kɛ̀ɛ̀ rìgherɛ̀n ɓi nɗem ki ri kìɓe.

RÒMƐŊ 14:5

Ŋwaàdɛŋ à ti à ghɛngì lɛ ɓɛ̀ŋwos ɓɛdɛŋ ɓɛ ceerɛɛ rì ɓɛm̀bog, ŋwaàmbog nyii ghɛngì ɓɛ̀ŋwos ɓɛ̀cèm lɛ ɓɛ ri lɔŋ com kìfog, mum ǹcèm à ghɛ̀ɛ̀sɛɛ kì konaagh ki yiì com ki a fèfeg ɓi nɗem wìì.

RÒMƐŊ 2:1

Fɔlɔɔ nnɛ wɛ̀ɛmiɗ anɛ u yɔ̀myɔm ɓum, ù yin ɗi com ki kpaayɛn ɓisuulɛ cààmɛ̀n ki u yɔ̀myɔm ɓɛro, kɛɛ̀ki u faafàlɛ̀n wɛ̀ɛmiɗ bɛ̀lɛn, lɛ wàànɛ u yɔ̀myɔm ɓum ù ti ù kìlàg girig ɓìɓan ɓi ɓɔɔ ti ɓɛ kilàg.

RÒMƐŊ 7:15

Ɓisuulɛ, mɛ̀ɛmiɗ, ǹwoogh ɓi com ki nkìkì, com ki nkɔ̀nkɔn lɛ nki, kɛ̀ɛ nkì, wɔ̀lɛ com ki m̀ɓèèzɛɛ kɛɛ̀ki nkìkì.

RÒMƐŊ 7:24

Rìkuu ɗi nyìighnyìg ɗyɛm̀ ɗi, ghɛn yɛɛ ri lɛ à pisì mɛ̀ nyoo ì rìwu ìnɛ ǹɗì ìnɛ rì yɔ̀?

1 KƆ̀RƐ̀ŊTYƐŊ 8:7

Wɔ̀lɛ àa ɓum ɓɛ̀cèm ɓɛɛ yi fɔlɔɔ, lɛ ɓɛ̀ro ɓɛdɛŋ ɓɛ kaka ɓɛ̀mɛ̀ɛ̀tɛn ri kìɓan ki ɓinùn ɓi lèg ànɛ lɛ, ɓɛ ti ɓɛ ɗilàg ɓyɛn ɓi fɔlɔɔ, yɛ̀ɛ ɓɛɛ̀ kali lɛ ɓyɛn ɓìn ɓi ri ɓyɛn ɓi ɓinùn; yɛ̀ɛ ǹɗem waa wu ri kɛ̀ɛ̀ ìtèɗ, ɓìɗilàg ɓiǹ ɓi caɗ ɓɔ tìfin ɓi mɛ̀rem.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

GÀLAT 6:1

Ɓɔɔsoŋ̀, i ɓì sììdii mum di à rì ɓi rìnàn ɗiɗɛŋ, mìniɓɛ ɓì rì rì Kìtɛntɛ̀ɛ̀n ki Nghay, pɛ̀ɛ̀ziina nyi kì rɛsii ɓi syeesyee à bee rì nɗem wu tɛ̀tɛ̀rɛ̀ɛ̀. Ù konàg rì wɛ̀ɛmiɗ lɛ kɔ̀ɔ kɛ̀ɓtɛn girig fìɓàg.

ZYAG 3:13

Ghɛn anɛ ɓi mìni yɛɛ kii lɛ, à womzɛ̀n à ki ɓa ri fèg? A resi min ɗyomzɛ̀n ɗii ɓi syeesyee wìì a rìghɛghɛ̀ɓ, rì ɓi ɓìɓan ɓi a kìkì ɓi ɓa lɛ ɗì rìsɛɛ̀dɛ̀n ɗi ɓi zi, rì ɗyomzɛ̀n.

1 ZYAŊ 3:21

Mìni ɓum ɓɛm ɓɛ nɗem, i ǹɗem wu faa ɓi ɓisi bɛ̀lɛn, di tì rì yɛɛ lɔɔ kɛ̀ɛ̀ kìɓan ki lɛ tì risì ɓi mis mɛ Bɛ̀ll.