RÒMƐŊ 14:18 - Bafia Nouveau Testament

¹⁸ Ŋwaànɛ a kìki Kiris kìsay ɓikòò wìn, Bɛ̀ll a woki kirɔɔ rì nyi, ɓum ɓɛ ki sɛki nyi.

RÒMƐŊ 14:18 ပူးပေါင်းရင်းမြစ်များ

MARIKUS 13:34

Kìɓan kiǹ ki ri ɓiì ɓaà lɔŋ yɛ̀ɛ ŋwaànɛ à kɛ̀ɛ rìkɛ̀ɛ̀, à càɗ mɛɛ mii, à reɓsàg ɓìɓan ɓii ri ɓɛ̀kìì-ɓìsay lɛ, rì ànɛn miì rì ìsu wii wu kisay, à ki siitag m̀ɓèŋì-ìsuunaa lɛ, a kɔri cem.

ZYAŊ 12:26

I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.

MƐ̀KÌKÌÌ MƐ ƁƐKƐ̀NÌ-FÌTOM 10:35

ǹki ghɛɛ̀di lɛ, mum bimiɗ ànɛ à risii Bɛ̀ll à ki kìki ɓiɓan ɓi saaɗ, Bɛ̀ll à rì nyi ɓiì keesii àa soo rì ŋwaànɛ ɓi kìlɔ̀ŋ ki be.

RÒMƐŊ 12:11

Ɓaana rì kìsììrì, kɛ̀ ɓi kì iɓwɛɗ; kìina Kan kìsay rì ìtèɗ ɓi nɗem.

RÒMƐŊ 14:4

Wɔ̀ɔ̀ rì ghɛn anɛ ù rì lɛ ù yɔ̀m ǹkìì-kìsay a ɓɛ̀gan? Àa soo rì ǹsììrɛn ɓi kìsay kii, àa soo kpìi kìɓan kiǹ ki seesee masà wìì, nni à rì ɓiì ki sììrɛɛ ɓi kìsay kii kɛ̀ɛ kpì, lɛ Kan à rì rì ìtèɗ wulɛ à lènlèm nyi.

RÒMƐŊ 16:18

Ɓisuulɛ àa kìsay ki Kiris ànɛ à rì Kan wìs kɛɛ̀ki ɓɛɛ̀ kìkì, ɓɛɛ̀ sasay lɔŋ ɓisuu mùm maa, fɔɔnnɛ ɓɛ ti ɓɛ yegsàg ɓumɓɛ mɛ̀rem maa mɛ ka yin ɗi ɗyomzɛ̀n ɓi kìɓan ki kiɓe, rì ɓìsyeesyee ɓi jɛ̀ɛ̀, rì fìɗyɛɓi.

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

1 KƆ̀RƐ̀ŊTYƐŊ 7:22

Ɓisuulɛ ǹkpàn anɛ Kan à mɛ reŋì à yiìdi ɓi rìkpàn, à ti ŋwaà zɛy ànɛ à wooghrɛɛ rì Kan, fɔlɔɔ nnɛ ŋwaànɛ Kan à reŋìghà di à yin ǹkpàn, à ti ǹkpàn a Kiris.

2 KƆ̀RƐ̀ŊTYƐŊ 4:2

Ɓìsiì ɓengà ɓìɓan ɓi ntoòrìɗ ɓi ɓyɛɛ̀ kìikilɛ̀n a rìnyam; cɛɓ ki ti ghɛghɛɓ ki yin ɗi mɛ̀ghèy, fɔɔnnɛ tì ki yin ɓiì lɔ̀ɔghlɔgtì jɛ̀ɛ̀ ì Bɛ̀ll. Wɔ̀lɛ rìrèsì ɗi ti rèresi saaɗ ɗyɛɛ̀ɗi ti kaakaa bee inɛ ɓum ɓɛ̀cèm ɓɛɛ tyweeyi ɓìsi ɓi mis mɛ Bɛ̀ll.

2 KƆ̀RƐ̀ŊTYƐŊ 5:11

Nni yɛ̀ɛ tì yii com ki ki ri lɛ rìrisì ɗi Kan, nnɛ ti kaakaa bee inɛ lɛ ti syoŋ̀ ɓum. Bɛ̀ll à yii ɓìsi lɛ syeesyee, ǹki rì rì ntyweeyi lɛ nsoò mìni, ɓì yii girig ɓìsi ɓi mɛ̀rem min ɓiɗùm.

2 KƆ̀RƐ̀ŊTYƐŊ 5:9

Kìɓan ki asu ki tì ɓiisɛɛ kì kaakaa ki ri lɛ, ti puɓsi nyi nɗem, tyàa soo kaka ɓi nyoo ìnɛ tì rì ìnɛ rì yɔ̀, tyàa soo ki ghasɛɛ rì yɔ̀.

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

2 KƆ̀RƐ̀ŊTYƐŊ 8:21

Ɓisuulɛ ɓìsiì kaakaa lɛ ti ki ɓìɓan ɓi ɓi ri lɛ syeesyee, nni àa ɓi mis mɛ Kan mɔ rì mɔ nnɛ rìkì ɗis ɗi ghɛɛ̀sɛɛ kì rɔɔtɛɛ, ɗi ghɛɛ̀sɛɛ girig lɛ ɗi rɔɔtɛ̀n ɓi mis mɛ ɓum.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

KÒLÒSYƐŊ 3:24

ɓì ki yi lɛ, ɓyom ɓi syeesyee ɓi ɓi ri ɓì nyamɛn, ɓì ɓiì teri ɓyɔ yɛ̀ɛ Kan ɓisuu mɛlèɓ min. Kiris ànɛ à rì Kan innɛ ɓi kìki kisay.

TIMOTE 2:3

Fɔlɔɔ yɛɛ kiì lɛ, à rɔɔtɛ̀n à ki yɛ̀lɛn ɓi mis mɛ Bɛ̀ll ànɛ à rì ǹghɛɓsì wìs,

TIMOTE 5:4

I ǹkpɔɓ wu giɓ wu ri rì ɓɔn nsoò lɛ dòò, ɓɔɓti ɓɛ ka ghɛ̀ɛ̀sɛɛ kì loògh kì yilaagh lannɛ ɓɛ ri lɛ ɓɛ ghɛɓ ɓi naa yàà i ɓum yɛ̀ɛ ɓɛ̀gherɛ̀n, ɓɛ fa ɓɛ̀yalì ɓaa ɓyom ɓi ɓɛ ghɛɛ̀sɛɛ ɓɔ kì faà lɛ fɔlɔɔ yɛɛ ti à rɔɔghì Bɛ̀ll.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 PYƐƐRI 2:20

Lɛ rìkem ɗidɛŋ ɗi yin ɓisuu ŋwaànɛ à ti à cenàg mɛ̀ɓìì mɛ ɓi kìɓe ki nyi yɛɛ kiì. Wɔ̀lɛ i ɓì cenɛɛ rìkɛŋ di ɓi kìi kirɔɔ, fɔlɔɔ a rì mààgh ɓi mis mɛ Bɛ̀ll.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.

1 PYƐƐRI 3:16

Kìɓan kifog kìina fɔlɔɔ ri ǹɗem wu tɛ̀tɛ̀rɛ̀ɛ̀, rì bɔgsɛ̀n; ǹɗem win wu ɓa wù tɛnɛn ɓi lèg ànɛ lɛ jàŋ inɛ ɓɛɛ̀ tòtog mini kìɓe, ɓumɓɛ ɓɛɛ̀ feefengì syeesyee wìn a rìghɛɓ ɓi Kiris ɓi ɗùm ɓɛɛ wog ǹtoòrìɗ.