RÒMƐŊ 14:13 - Bafia Nouveau Testament

¹³ Tì ghɛ̀ɛ̀sɛɛ min ki càri kiɓan ki rifiìfìɓɓɛ̀n ɗì rìfaàfàlɛ̀n, ɗi zɔɔ ɓi nyìinyìm wìs; ǹɗɛli wu ɓì ghɛ̀ɛ̀sɛɛ kì terì wu ri lɛ; kɔ̀ɔ kì kiɓan ki ki ri lɛ ki kɛɓtì goni fìɓàg nsoò lɛ ki tinì nyi lɛ a kpi ɓi kìɓe.

RÒMƐŊ 14:13 ပူးပေါင်းရင်းမြစ်များ

MATYOO 16:23

Kìɓan kifog Yeesus à lɔ̀ɔ̀ghrɛ̀ngày à kpaa Pyɛɛri lɛ: Pɛ̀sɛn mɛ̀ ajɛ̀m Satàn, u kìki lɛ, u kɛɓti mɛ̀ fìɓàg, ɓisuulɛ mɛ̀yitì mɔɔ mɛ yin mɛyitì mɛ Bɛ̀ll, mɛ ri lɔŋ mɛyitì mɛ ɓum.

MATYOO 18:7

Nyìighnyìg rì ziinɛ lɛ ɓìɓan ɓi kɛ̀ɛkɛɓtìyɛ̀n ɓum tìɓàg ɓi ri miì. Tìɓàg ti yin lɛ ti taŋ̀, kìɓan kìfog, nyìighnyìg rì ŋwaànɛ à rì ɓiì kɛ̀ɓtii romum fìɓàg.

MATYOO 7:1

Kɛ̀ ɓi yɔ̀mgi ɓum ɓɛdɛŋ, fɔɔnnɛ ɓaa yɔ̀m ɓi girig mìni.

LUKAS 12:57

Ɓisuucɛ nnɛ mìniì ɓɔmiɗ ɓì yin lɛ ɓì ghɛn ɓìɓan ɓi ɓi ri lɛ saaɗ.

LUKAS 17:2

Ki ri kìrɔɔ ɓisu wii lɛ ɓɛɛ kaŋ̀ nyi coo gɔ̀g ì kìpɛn ɓi kìmììgh, di ɓɛɛ pig nyi ɓi rìɓày à kìkòn à cee ɗi lɛ a kɛɓti kìbog ki ɓi ɓɔɓti ɓɛ fìɓàg.

RÒMƐŊ 11:9

Davit à kpaa girig lɛ: Teɓèrè wàà a ɓìɗilàg à ghɛ̀ɛ̀sɛɛ kì ɓaà fìram fi fi ri fìgheŋdiyɛn ɓisu waa, nsoò lɛ dam ìnɛ ì ghɛ̀ɛ̀sɛɛ ɓɔ kì wɔɔsii, rì com ki kɛɛ kɛɓti ɓɔ fìɓàg, lɛ ɓɛɛ teɗ mɛ̀lèɓ,

RÒMƐŊ 14:10

Nni wɔ̀ɔ yɔmgi goni ɓisuucɛ? Nsoò lɛ wɔ̀ɔ sɛɛtag goni lɛ la? Ɓìsi ɓɛ̀sɛ̀ɛ̀ ɓɛ̀cèm tì rì ɓiì rɛlii ɓɛyɔ̀m ɓi kìkpana ki ɓɛyɔ̀m ki Bɛ̀ll.

RÒMƐŊ 14:3

Fɔɔnnɛ ŋwaànɛ a ɗiɗi ɓyom ɓìcèm à ghɛ̀ɛ̀sɛɛ ɓi lɛ à sɛɛtì roànɛ à yin ɓiì ɗiɗii, roànɛ à ki yin ɓiì ɗiɗii ɓyom lɛ ɓus ɓùs ɓus à ghɛ̀ɛ̀sɛɛ ɓi lɛ à sɛɛtì ŋwaànɛ a ɗiɗi ɓyom ɓìcèm ɓisuulɛ Bɛ̀ll à ghàɓkà ŋwaànɛ a ɗiɗi ɓyom ànɛ̀n.

RÒMƐŊ 14:4

Wɔ̀ɔ̀ rì ghɛn anɛ ù rì lɛ ù yɔ̀m ǹkìì-kìsay a ɓɛ̀gan? Àa soo rì ǹsììrɛn ɓi kìsay kii, àa soo kpìi kìɓan kiǹ ki seesee masà wìì, nni à rì ɓiì ki sììrɛɛ ɓi kìsay kii kɛ̀ɛ kpì, lɛ Kan à rì rì ìtèɗ wulɛ à lènlèm nyi.

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

1 KƆ̀RƐ̀ŊTYƐŊ 10:32

Kɛ̀ ɓi ɓa gɔ̀g ìnɛ ì rì lɛ ì kɛ̀ɓtì nsoò muu Ɓɛ̀yudɛ̀n nsoò muu Gìrɛg nsoò kìseŋi ki Bɛ̀ll fìɓàg.

1 KƆ̀RƐ̀ŊTYƐŊ 11:13

Mìniìɓɔmiɗ fiɓiina kìɓan kiǹ; ki ghɛɛ̀sɛɛ nya lɛ giɓ a ɓɔŋzi Bɛ̀ll di à rì ǹto zɛy?

2 KƆ̀RƐ̀ŊTYƐŊ 5:14

Lɛ ǹkɔ̀nɛ̀n à Kiris à ɓanɓani ɓìsi rì ìtèɗ ɓisuulɛ ɓìsiì fèki lɛ, i mum bog à wughà ɓisuu ɓum ɓɛ̀cèm, di ɓum ɓɛ̀cèm ɓɛ ri min ɓilòŋ.

2 KƆ̀RƐ̀ŊTYƐŊ 6:3

Ɓìsii kɔni ɓi lɛ di tyàa kɛ̀ɓtii mum fìɓàg nsoò ɓi bee inɛ là, lɛ kìsay kis ki ghɛɛ̀sɛɛ kì ɓaà kɛ̀ɛ̀ kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n ɓìsi miì.

FÌLÌPYƐŊ 1:10

fɔlɔɔ nnɛ ɓi ɓiì yiì rìghasì ɗi ɓiɓan ɓi ɓi ri rì gɛɓsɛ̀n, ɓì ki ɓa mɛrem lɛ sɛɛghi sɛɛghi, kɛ̀ɛ̀ kìɓan ki ɓɛ ri lɛ ɓɛ ɓɛy mìni miì ŋwos a Kiris;

TIMOTE 5:14

Rìkɔ̀n ɗyɛm̀ ɗi ri lɛ mɛ̀kpɔɓ mɛ mɛ kaka ɓɔɓti, mɛɛ kɛngi tì mɛ̀wɛy, mɛ yay ɓɔn, mɛ ɓeŋ̀ naa yaa, di fɔɔnnɛ ɓɛ̀ kɛ̀ɛ nɛm bènàbena bee inɛ a totog ɓìsi kìɓe.

ZYAG 2:4

fɔlɔɔ a rèsii ɓi nya lɛ ɓì foŋi ǹlànag ɓi nyìinyìm wìn rì tì lɛ ɓì rì ɓɛ̀yɔ̀mì-ɓìɓan ɓɛ ɓɛ ri rì ɓìɓeɓtàg ɓi mɛyitì?

ZYAG 4:11

Ɓɔɔsoŋ̀, kɛ̀ ɓi ɓùuɓuŋ̀ɗɛ̀n a mɓeɓɛn. Ŋwaànɛ à ɓùŋi geni a mɓeɓɛn nsoò lɛ à yɔ̀mi geni, a yi lɛ ɓìdɔ̀gsɛna ɓyɛɛ̀ɓi à tòogh kìɓe, à ki yɔ̀m ɓyɔ. Nni i wɔ̀ɔ̀ ti ɓiì yɔ̀myɔmi ɓidɔ̀gsɛna, di ù yiìdi mɓèŋì-ɓìdɔ̀gsɛna, ù ti ǹ-yɔ̀mì-ɓìdɔ̀gsɛna.

1 ZYAŊ 2:10

Ŋwaànɛ à keesii geni yɛɛ ri ɓi kìtɛɛtɛn; kìɓan ki kɛ̀ɓtiyɛn nyi fìɓàg ki yin a lɔ̀ŋkii.

ÀPÒKÀLIƁSƐ̀ 2:14

Nsoò fɔlɔɔ, ǹɗì rì ɓìɓan ɓidɛŋ ɓi ɓi ɓeɓi mɛ̀ rì wɔ̀; ù rì foo ri ɓum ɓɛdɛŋ ɓɛ ɓɛɛ̀ nɔ̀ɔnɔɔ̀tì dɔgtɛ̀n ì Balam; Balam àa nɗèsàg Balag lɛ a ki com ki lɛ ɓɔn ɓɛ Isirayɛl ɓɛɛ kɛɓtɛn fìɓàg lɛ ɓɛ ɗii ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓɛ ki ɗiŋi ɓi rìkìkì ɗi tisɔ̀mɔ̀g.