RÒMƐŊ 14:1 - Bafia Nouveau Testament

¹ Ghàɓkiina ŋwaànɛ à rì lɛ kpɔ̀gkpɔ̀g ɓi rìgherɛ̀n, kɛ̀ ɓi nyolɛn ri nyi ɓi mom̀zɛ̀n mɛ à rì rì mɔ ɓi kìɓan ki righerɛ̀n.

RÒMƐŊ 14:1 ပူးပေါင်းရင်းမြစ်များ

MATYOO 12:20

Àa ɓun ɓi kisyòŋ ki ki ti kì tuŋiyɛn, kɛ̀ɛ ki ɗimzi filàà fi fyɛɛ̀ ka syoosyòò, à kpaŋ yɛ̀ɛ à rì ɓiì lègsii ki kìi lɛ, saaɗ a yagsag.

MATYOO 14:31

Yeesus à ghàs ki nàmi càg, à ɓan nyi, à ki kpaa nyi lɛ: Wɔ̀ mum à maa rìgherɛ̀n lɛsàg ànɛ, wàa teri nyoey lɛ cɛ?

MATYOO 18:10

Kɔ̀riina ɗyomzɛ̀n lɛ kɛ̀ ɓi sɛɛti kibog ki ɓi ɓɔɓti ɓɛ. Lɛ ǹkalii mìni lɛ, ɓum ɓɛ titom ɓaa ɓɛ rɛrɛlii cààmɛ̀n kìcèm ɓi mis mɛ Seŋi wɛ̀m ànɛ à rì aɗyòò.

MARIKUS 7:19

ɓisuulɛ com kiŋcèm kì yin nyi ɓiì kɛ̀nkɛni ɓi ǹɗem, kɛɛ̀ kɛ̀nkɛn lɔŋ nyi ɓi ɗùm, ki sɛn, ki kpaŋ di à kɛ̀ɛ cog. Yeesus à kpaaghà yɛɛ lɔɔ lɛ ɓìɗilàg ɓìcèm ɓi rì kɛ̀ɛ̀ kìsyeg.

LUKAS 17:2

Ki ri kìrɔɔ ɓisu wii lɛ ɓɛɛ kaŋ̀ nyi coo gɔ̀g ì kìpɛn ɓi kìmììgh, di ɓɛɛ pig nyi ɓi rìɓày à kìkòn à cee ɗi lɛ a kɛɓti kìbog ki ɓi ɓɔɓti ɓɛ fìɓàg.

ZYAŊ 13:20

Ǹkpaa mìni saaɗ à rìkpaa lɛ, i mum à ghàɓi mum wɛm̀ à fìtom, di mɛ̀ nnɛ à ghàɓi, i mum à ki ghàɓi mɛ̀, di à ghàɓi roànɛ à romgày mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 28:2

Ɓumɓɛ ɓi kìrìŋ kiǹ ɓɛ ghaɓkà ɓìsi rì geesɛ̀n lɛɛ̀gwey; yɛ̀ɛ bwey ì sɛngà, kìfɛɓ ki ki kìki lɛɛ̀gwey, ɓɛ ghɛŋzɛ̀ngà coo kikaŋì ki ɗuu, ɓɛ reŋì ɓìsi lɛ, ti kɛǹ kì woògh ɓìsiìcèm.

RÒMƐŊ 11:15

Ɓisuulɛ rìkɛ̀n ɗyaa ɗi ɓi nwɔŋì ɗi kighà lɛ ziinɛ yɛ̀ɛ rarɛn tì rì Bɛ̀ll; nni cɛ kɛɛ ri min ɓiì kìlɛɛ di ɓɛ sugtii yì? Fɔlɔɔ a ɓiì ɓaà cɛɓ ki ki yuu ɓisuu ɓilòŋ.

RÒMƐŊ 14:2

Rìgherɛ̀n ɗi ŋwaàdɛŋ ɗi ri lɛ ɗi tinì nyi lɛ a ɗiɗi ɓyom ɓìcèm kɔlɛ ŋwaàmbog ànɛ rìgherɛ̀n ɗii ɗi teèsɛɛ ɓi, nyii ɗiɗì lɔŋ lɛ ɓìnyàa.

RÒMƐŊ 14:21

Kìɓan ki ki ri syeesyee à kìɓan ki ri lɛ, kɔ̀ɔ ɗi ɓyɛn, kɔ̀ɔ nɔ mɛrɔ̀g, ù lɛg com ki ki ri lɛ ki kɛɓtì goni fìɓàg.

RÒMƐŊ 14:3

Fɔɔnnɛ ŋwaànɛ a ɗiɗi ɓyom ɓìcèm à ghɛ̀ɛ̀sɛɛ ɓi lɛ à sɛɛtì roànɛ à yin ɓiì ɗiɗii, roànɛ à ki yin ɓiì ɗiɗii ɓyom lɛ ɓus ɓùs ɓus à ghɛ̀ɛ̀sɛɛ ɓi lɛ à sɛɛtì ŋwaànɛ a ɗiɗi ɓyom ɓìcèm ɓisuulɛ Bɛ̀ll à ghàɓkà ŋwaànɛ a ɗiɗi ɓyom ànɛ̀n.

RÒMƐŊ 15:1

Ɓìsi ɓɛ tì rì rì ìtèɗ ɓi rìgherɛ̀n tì ghɛ̀ɛ̀sɛɛ kì ghɛɓsii ɓɛroɓɛ ɓɛ ri kɛ̀ɛ̀ ìtèɗ, lɛ ɓɛ̀ kɛɛ̀ càrɛn ɓi-ɓwɛɗ waa; tyɛ̀ ki kaa lɛ ti ki ɓìɓan ɓi ɓyɛɛ puɓsi ɓìsi nɗem.

RÒMƐŊ 15:7

Fɔɔnnɛ ghàaghàɓɓɛɛna mìni rì mìni rì syeesyee à nɗem fɛlɛ yɛ̀ɛ Kiris à ghàɓkà mìni ɓisuu rikem ɗi Bɛ̀ll.

RÒMƐŊ 4:19

Fɔlɔɔ nnɛ rìgherɛ̀n ɗii ɗi fɔghìghà ɓi, kɛ̀ɛ ki foŋ nto ɓi rìɓa ɗi lɛ nyoo yìì i ti ǹtɔ̀gtiyɛn, lɛ à ɓaghà di à ti nunùg bèg mɛ̀tin mɛtaǹ, Sara kɛ̀ɛ ki ɓa ti giɓ a cem ànɛ à sòɓtì cɛ̀y.

1 KƆ̀RƐ̀ŊTYƐŊ 9:22

Mɛ̀ kɔ̀kɔg ɓi nyìinyìm à ɓumɓɛ ɓɛ ri kɛ̀ɛ̀ ìtèɗ lɛ di nsyoŋ ɓɔ, fɔɔnnɛ ǹghaasìghà mɛ̀ɛmiɗ rikuu ɗi com ɗìcèm ɓi ɓɛg ànɛ a ɓum ɓɛ̀cèm, lɛ nsoò kaa ɓaa la, nsyoŋ gàɓ ìdɛŋ ìnɛ ɓi ɓɔ.

FÌLÌPYƐŊ 2:29

Ɓì ghɛ̀ɛ̀sɛɛ min lɛ ɓì ghàɓ nyi rì kɔɔ̀kɔɔ̀ à kìnyàà ànɛ ɓi Kan ɓi ɗùm, ɓì ki nyaasag rikuu ɗi ɓum ɗi yɛ̀ɛ nyi.

TÈSÀLÒNÌSYƐŊ 5:14

Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.

EBIREEGH 5:14

Wɔ̀lɛ, ɓìɗilàg ɓi tèɗ ɓi ri ɓisuu ɓumɓɛ ɓɛ mɛ sììrɛn ɓum, ɓɛɛ̀ɓɛ ɗyomzɛ̀n ɗi mɛ mɛ̀ɛ̀tɛn ɗi rìghasì ɗi lɛ, rì kìɓe rì kìrɔɔ.

2 ZYAŊ 1:10

Nni i mum à yùu yì a lɔ̀ŋkin, kɛ̀ɛ ɓay ɗì rìrèsì ɗiǹ, kɛ̀ ɓi ghàɓ nyi ɓi naa yìn, kɛ̀ ɓi ki tògsi nyi;