RÒMƐŊ 12:8 - Bafia Nouveau Testament

⁸ Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

RÒMƐŊ 12:8 ပူးပေါင်းရင်းမြစ်များ

MATYOO 25:40

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 13:12

Yɛ̀ɛ gɔmìnà à ghɛngà kìɓan kiǹ, nni à gherɛ̀ngà Bɛ̀ll ɓisuulɛ, dɔgtɛ̀n ì ɓìɓan ɓi ɓi seesee Kan, ì kòmgà nyi ǹɗem lɛ syeesyee.

MƐ̀KÌKÌÌ MƐ ƁƐKƐ̀NÌ-FÌTOM 13:15

Yɛ̀ɛ ɓɛ lègsìghà ki ɓàli kaàtà à Bɛ̀ll, ɓi kaàtà à ɓìdɔ̀gsɛna ɓi Moyis rì ɓi à ɓɛ̀kpaŋzì-ɓìɓan, nni ɓɛ̀làmì naà-bɔ̀ŋzɛ̀n ɓɛ romgà mum lɛ a kali ɓɛ̀-Pol lɛ: Bɔɔsoŋ! ì ɓì rì rì deɓ yidɛŋ yi ɓì rì lɛ ɓì fa ɓum, tòòghrɛɛna ɓigominɛ.

MƐ̀KÌKÌÌ MƐ ƁƐKƐ̀NÌ-FÌTOM 15:32

Zyuudɛ ɓɛɛ̀ Silas ɓɛ ɓaghà ɓɛ̀kpaŋzì-ɓìɓan, fɔɔnnɛ ɓɛ tokàkà rì ɓɛ̀geni ɓaa ɓɛǹ lɛɛ̀gwey ɓɛ teèsì ɓɔ nyoo, ɓɛ ki sììrag ɓɔ ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 20:2

A renìghà kìlànà ki zi kiǹ di a fafa ɓɛgherɛ̀n deɓ lɛɛ̀gwey, ajɛ̀m ìnɛn nnɛ à kɛ̀ɛ min ki kpaŋì ɓi kìlɔ̀ŋ ki Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 4:36

Yoosɛɓ ànɛ à ɓaghà ɓi boo ì ɓum ì Levi ìnɛ ɓi ban ìnɛ lɛ Siipirɛ, nyi nnɛ ɓɛ̀kɛ̀nì-fìtom ɓɛ nkpɔgì lɛ Ɓarinaɓas, yɛɛ lɔɔ lɛ ŋwaà-mɛ̀fegsɛn,

RÒMƐŊ 12:13

Ɓì ghɛ̀ɛ̀sɛɛ kì ghɛɓsaagh ɓɛgeni ɓin ɓɛ ɓi rìgherɛ̀n ɓi ɓìɓan ɓi ɓyɛɛ̀ yeeyeèsì ɓɔ, ɓì ki yi rìghàɓ ɗi ɓɛ̀kèn lɛ syeesyee.

RÒMƐŊ 13:6

Ɓisu wìn miì nnɛ ɓì ti ɓì peeghì girig ɓɛ̀làmpoŋ̀; ɓumɓɛ ɓɛ ti ɓɛ tekì làmpoŋ̀ ɓɛ ri ɓɛ̀roɓɛ Bɛ̀ll à faghà ìtèɗ wulɛ ɓɛɛ kilag kìɓan kiǹ yɛ̀ɛ ki ghɛɛ̀sɛɛ.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 14:3

Kɔm̀ lɛ ŋwaànɛ a kpaakpaŋzì ɓìɓan ɓi Bɛ̀ll a tòtog ri ɓum, à fafà ɓɔ ìtèɗ ɓi rìgherɛ̀n, à feèghfègsì ɓɔ, à ki fɔɔfɔɔ̀sì ɓɔ mɛ̀rem.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

2 KƆ̀RƐ̀ŊTYƐŊ 11:3

Nsoò fɔlɔɔ, ǹɗì rì mɛ̀riighrikì lɛ, fɛlɛ yɛ̀ɛ nyoo ì yègsìghà Ɛɛvɛ rì ɗyomzɛ̀n ɗi ì ɓaghày rì ɗyɔ, mɛ̀yitì min mɛ̀ kɛɛ̀ ɓa lɛ mɛ ɓuùsɛ̀n ɓi lèg ànɛ lɛ ɓi rini lɛ rì rìsɛɛ̀dì ɗi mìniìɓɔmiɗ ɓi zi, rì rìtɛn, lɛ ɓyɛɛ̀ɓi ɓì ghɛ̀ɛ̀sɛɛ kì ɓaà rì ɓyɔ, ɓi ɓɛg ànɛ yɛ̀ɛ Kiris.

2 KƆ̀RƐ̀ŊTYƐŊ 8:12

Syeesyee à rìkɔ̀n ànɛ lɛ mum a fa ɓɔgsì à ti à rɔɔghì Bɛ̀ll, lɛ Bɛ̀ll à ti à tekì rìfa ɗìn à seesèè com ki mum à rì rì kɔ, àa ki à yin ɗi kɔ.

2 KƆ̀RƐ̀ŊTYƐŊ 9:11

À rì mìni ɓiì kumzii yɛ̀ɛ ki ghɛɛ̀sɛɛ ɓyààmɛ̀n ɓìcèm ɓi lèg ànɛ lɛ, ɓi ɓa ɓyɛ̀ ki fɔy riɓòò, rì tì lɛ, ɓum lɛɛ̀gwey ɓɛ ɓiì faà Bɛ̀ll ɓìtògsɛ̀n ɓisuu rifa ɗin ɗi tì ɓiì kɛ̀ɛ ɓɔ kìfaà.

2 KƆ̀RƐ̀ŊTYƐŊ 9:13

Ɓisuulɛ gɛɓsɛ̀n ìnɛ kìsay kiǹ ki ri rì yɔ̀, ɓum lɛɛ̀gwey ɓɛ ri fa Bɛ̀ll rìkem, ɓi mɛ̀wog mɛ ɓì rì rì mɔ ɓi Syeesyee à Ɓɔlɛ à Kiris ànɛ ɓi làalamɓɛ̀n, rì ɓi rìɓòò ɗin ɗi ɗyɛɛ̀ kìki lɛ, ɓi ɓutɛn rì ɓɔ, ɓì ki ɓùtɛn ɗi ɓum ɓɛ̀cèm.

2 KƆ̀RƐ̀ŊTYƐŊ 9:7

Ki ghɛɛ̀sɛɛ lɛ mum ǹcèm a fa lèg ànɛ yɛ̀ɛ ǹɗem wii wu feègh, kɛ̀ɛ̀ bim, kɛ̀ɛ̀ ǹkàŋɗɛ̀n, ɓisuulɛ Bɛ̀ll à ti à keesàg roànɛ à ti à falàg rì kìnyàà.

EFÈZYƐŊ 6:5

Mìni ɓɛ̀kpàn, kìina ɓɛ̀masà ɓin ɓɛ ɓi mɛ̀mùù mɛ̀wog, ɓì nìgì ɓɔ, ɓì fafà ɓɔ bɔgsɛ̀n, rì syeesyee à nɗem lɔŋ yɛ̀ɛ Kiris innɛ ɓi kìki kisay.

KÒLÒSYƐŊ 3:22

Mìni ɓɛ̀kìì-ɓìsay, kìina ɓɛ̀masà ɓin ɓɛ ɓi mɛ̀mùù mɛ̀wog ɓi ɓìɓan ɓìcèm, kɛ̀ ɓi kì lɔŋ ɓɔ mɛ̀wog cààmɛ̀n ki ɓɛɛ̀ seesee mini kɔ rì kɔ, yɛ̀ɛ ɓɛɛ̀ kali lɛ, ɓum ɓɛɛ̀ɓɛ ɓi kɔ̀nkɔn lɛ ɓi puɓsi ǹɗem, kìɓan kifog kìina ɓɔ mɛ̀wog rì nɗem wu sɛɛghi sɛɛghi ɓisuu bɔgsɛ̀n ìnɛ ɓì rì rì yɔ̀ ɓi san ànɛ yɛ̀ɛ Kan.

TÈSÀLÒNÌSYƐŊ 2:3

Ɓìɓan ɓi Bɛ̀ll ɓi tì kakàlìghà ɓum ɓi rooghày ɓi ǹɗuŋ ɓi rìnàn ǹsoò lɛ ɓi ɓìɓan ɓi tifin, fɔɔnnɛ ɓi ki yin ɗi ǹ-yègsɛ̀n.

TÈSÀLÒNÌSYƐŊ 2:8

Ɓi rìkeesì ɗi tì keesìghà mìni, àa Syeesyee à Ɓɔlɛ à Bɛ̀ll nyi rì nyi innɛ tì ɓaghà lɛ tì kɔ̀n lɛ ti fa mìni, ti ɓaghà lɛ ti fa mìni lɔŋ lɛ rì ɓyɛɓ ɓis miì, lɛ ɓì ɓaghà di ɓì ti ɓum ɓis ɓɛ nɗem lɛ kɔɔ̀kɔɔ̀.

TIMOTE 4:13

À kpaŋ yɛ̀ɛ ǹɗì ɓiì yùu, sììrɛn ɓi rìɓàɓày ɗi ɓiɓan ɓi Bɛ̀ll rì rìrerèɓ ɗi ɓum, ɗì rìrèèrèsàg ɗi ɓɔ.

TIMOTE 5:17

Ɓɛ̀sɛ̀ɛ̀mɛn ɓɛ Kiseŋi ɓɛ ɓɛɛ̀ kɛ̀ɛkɛɛ̀sì ɓìɓan lɛ syeesyee, à ɓiisɛ̀n ɓɛ̀roɓɛ ɓɛɛ̀ teetekì ǹtɔɓ lɛ ɓɛɛ kakali ɓìɓan ɓi Bɛ̀ll ɓɛ ki rèresi ɓyɔ, ɓɛ ghɛɛ̀sɛɛ rì ǹyaasɛ̀n ànɛ à cee à ɓɛ̀ro ɓɛmbog gɛ̀n yiɓɛɛ̀.

TIMOTE 6:18

Kali ɓɔ lɛ, ɓɛɛ kiki kìrɔɔ, ɓɛɛ kum̀ ɓi ɓìsyeesyee ɓi mɛkìkìì, ɓɛ ɓa rì rìɓòò, ɓɛ fafà ɓum ɓyom,

EBIREEGH 10:25

Tyɛ̀ ki lèg rikɛ̀ngì ɗi a mɛ̀taŋzɛn mis yɛ̀ɛ ɓum ɓɛdɛŋ ɓɛ ti ɓɛ kilàg, ti faàfàlɛ̀n lɔŋ ɓìsiìɓɔmiɗ itèɗ, à ɓiisɛ̀n yɛ̀ɛ ɓi seesee lɛ ŋwos a Kan a kɛ̀ɛ̀kɛɛ yi.

EBIREEGH 13:17

Kìina ɓumɓɛ ɓɛɛ̀ kɛ̀ɛkɛɛ̀sì mìni mɛ̀wog ɓì fa ɓɔ bɔgsɛ̀n, ɓisuulɛ ɓɛɛ̀ ɓɔmɓɔm kirɔɔ ki ɓi mɛ̀ghay miǹ, lɛ ɓɛ ri ɓàaghgɛ kìɓan ki miì ɓi mis mɛ Bɛ̀ll; kìina lɛ ɓɛɛ kiki kìsay kiǹ ɗì kìnyàà, àa rì bemeg lɛ fɔlɔɔ àa ghɛɓsi ɓi mini bimiɗ à com.

EBIREEGH 13:22

Ɓɔɔsoŋ̀, ǹtɔɔgh mìni lɛ ɓi niɗ mɛ̀rem, ɓì teɗ ɓìɓan ɓi ɓyɛɛ fa mìni ìtèɗ ɓi mɛ̀rem ɓisuulɛ kaàtà ànɛ ǹkàniì mìni à ràɓi ɓi.

EBIREEGH 13:24

Ɓìtògsàg ɓɛ̀rɛlì asu ɓiǹ, rì ɓɛ̀gherɛ̀n ɓɛ̀cèm; ɓɛ̀roɓɛ a Italii ɓɛ togsaaghi mìni.

EBIREEGH 13:7

Yitiina ɓumɓɛ ɓɛ lokà mìni kì kɛ̀ɛkɛɛ̀sì, ɓɛɛ wogsìghà mìni jɛ̀ɛ̀ ì Bɛ̀ll, ɓì fiɓì rìsyɔn ɗi cɛɓ kaa, ɓì nɔ̀ɔ̀tì ìkòò waa wu righerɛ̀n.