RÒMƐŊ 12:6 - Bafia Nouveau Testament

⁶ lèg ànɛ yɛ̀ɛ geesɛ̀n ì Bɛ̀ll ì ghɛnɛ̀ngà a lɔ̀ŋkis, tì ri lɛ rì mum, rì rìkuu ɗi kiɓan ɗi Bɛ̀ll à faghà nyi lɛ a kilag, fɔɔnnɛ roànɛ Bɛ̀ll à faghà ìtèɗ wulɛ a kpaàkpàŋzì ɓìɓan ɓi Bɛ̀ll à rèsii nyi, à ghɛ̀ɛ̀sɛɛ kì kìi kisay kiǹ lɔŋ yɛ̀ɛ ki ghɛɛ̀sɛɛ ɓi rìgherɛ̀n.

RÒMƐŊ 12:6 ပူးပေါင်းရင်းမြစ်များ

MATYOO 23:34

Kìɓan kiǹ kɛɛ̀ki ǹɗì mìni ɓiì romiì lɛ: rì ɓɛ̀kpaŋzì-ɓìɓan, rì ɓum ɓɛ ɗyomzɛ̀n, rì ɓɛ̀yiì-ɓìɓan; ɓì ɓiì kìi lɛ: ɓì wey ɓɛ̀roɓɛ, ɓì ghɛ̀rì ɓɔ ɓi ɓɛ̀kɔrɔs, ɓi ɓog ɓɛ̀ro ɓɛmbog ɓi kìtòn ɓi naa yin yi bɔ̀ŋzɛ̀n, ɓì ki kìki ti ɓɛ̀ro ɓɛmbog ǹtɔɓ lɛ i ɓì pɛ̀sɛɛ ɓi bàn ìnɛ, ɓì cee ɓi ìmbog.

MATYOO 25:22

Fɔɔnnɛ roànɛ ɓɛ faghà tìraŋ̀ tiɓɛɛ̀ à yughày girig, à kpaa lɛ: Masà, ù faghà mɛ̀ tìraŋ̀ tìɓɛɛ̀, nni tidɛŋ ti mɛ̀ɛ n-yaasii tyɛɛ̀ti tiɓɛɛ̀.

LUKAS 11:49

Kìɓan kìn kɛɛ̀ki Bɛ̀ll ànɛ à rì rì ɗyomzɛ̀n à kpaaghà lɛ: Ǹɗì ɓɔ ɓiì romìì lɛ, rì ɓɛ̀kpaŋzì-ɓìɓan, rì ɓɛ̀kɛ̀nì-fìtom; fɔɔnnɛ ɓɛ ri ɓiì kìi lɛ, ɓɛ wey ɓɛ̀roɓɛ, ɓɛ yeesì ɓɛ̀ro ɓɛmbog,

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 15:32

Zyuudɛ ɓɛɛ̀ Silas ɓɛ ɓaghà ɓɛ̀kpaŋzì-ɓìɓan, fɔɔnnɛ ɓɛ tokàkà rì ɓɛ̀geni ɓaa ɓɛǹ lɛɛ̀gwey ɓɛ teèsì ɓɔ nyoo, ɓɛ ki sììrag ɓɔ ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:17

Ɓi mɛ̀ru mɛ siitòn, ǹɗomigɛy Ǹghay wɛ̀m ɓi mum bimiɗ, fɔɔnnɛ ɓɛ̀dɛlì ɓin rì ɓɛ̀gɔ̀n ɓin ɓɛ ɓaà gɛ ɓɛ̀kpaŋzì-ɓìɓan ɓɔn ɓin ɓɛ ghɛnghɛ̀n dàm yi ɓiɓan rì ìtèɗ wu Nghay à Bɛ̀ll, ɓìdɛ̀ndɛm ɓi kikì ɓìtùg ɓin ɓi ɓum.

MƐ̀KÌKÌÌ MƐ ƁƐKƐ̀NÌ-FÌTOM 21:9

À ɓaghà rì ɓɛ̀gɔ̀n ɓɛnin, ɓɛ ɓɛ ɓaghà di ɓɛ ka yi ɓi ɓɛbaŋì, ɓɛ ki ɓa ti ɓɛkpaŋzì-ɓìɓan.

RÒMƐŊ 1:11

Ɓisuulɛ ǹɗì rì coo zày ìnɛ lɛ di màa ghɛɛ mìni, lɛ n-yuy mìni rì rìfa ɗi Kitɛntɛ̀n ki Nghay ridɛŋ ɗi ɗyɛɛ fati mìni ìtèɗ.

RÒMƐŊ 12:3

Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

1 KƆ̀RƐ̀ŊTYƐŊ 12:18

Ɓi saaɗ Bɛ̀ll à fogà kìkàɓ kìcèm ɓi nyoo lɔŋ yɛ̀ɛ ki kɔngà nyi.

1 KƆ̀RƐ̀ŊTYƐŊ 13:2

Nsoò màa rì rì rìfa ɗi Nghay ɗi lɛ nkpaàkpàŋzì ɓìɓan ɓi Bɛ̀ll, màa soo yii dàm yi ɓiɓan yicèm yi a rìnyam, ǹki yi ɓiɓan ɓìcèm, nsoò màa rì kɔm̀ ɗì rìgherɛ̀n ɗi ɗi ri lɛ ɗi pɛsì dòn lɛ yɛ̀ɛ, pɛsɛn jàŋ inɛ ì rì, i ǹ-yin ɗi ǹkɔ̀nɛ̀n, di ǹɗì lɔŋ com ki zɛy.

1 KƆ̀RƐ̀ŊTYƐŊ 14:1

Kaana ǹkɔ̀nɛ̀n; ɓì keesì girig mɛ̀faà mɛ Kitɛntɛ̀ɛ̀n ki Nghay, à ɓiisɛ̀n rìfa ɗi lɛ ɓi kpaàkpàŋzì ɓìɓan ɓi Bɛ̀ll à rèsii mìni.

1 KƆ̀RƐ̀ŊTYƐŊ 14:24

Wɔ̀lɛ i ɓum ɓɛ̀cèm ɓɛɛ̀ kpaakpaŋzì ɓìɓan ɓi Bɛ̀ll, nni nnɛ ŋwaànɛ à yin ngherɛ̀n nsoò lɛ ŋwaànɛ à yùu lɛ a wog à ɗiŋii yì, ɓum ɓɛ̀cèm ɓɛ ri nyi ɓiì tinii lɛ a gherɛn kìɓe kii, ɓɛ̀sɛ̀ɛ̀ ɓɛ̀cèm ɓɛ ɓiì yɔ̀mi nyi.

1 KƆ̀RƐ̀ŊTYƐŊ 14:29

Ɓi ɓɛg ànɛ a ɓɛ̀kpaŋzì-ɓìɓan, ɓɛ̀sɛ̀ɛ̀ ɓɛɓɛɛ̀ nsoò lɛ ɓɛraa ɓɛ ghɛɛ̀sɛɛ kì tòòghrɛɛ, ɓɛ̀ro ɓɛmbog ɓɔɔ fifìɓì ɓìɓan ɓi ɓɛ̀roɓɛ̀n ɓɛɛ̀ kpaakpàà.

1 KƆ̀RƐ̀ŊTYƐŊ 3:5

Cɛ kɛɛ ri min lɛ Apolos? Cɛ kɛɛ ri lɛ Pol? Tì rì lɔŋ ɓɛ̀kìì-ɓìsay ɓɛ ɓɛ kighà lɛ ɓi gherɛn Bɛ̀ll, rìkì ɗi mum ǹcèm ɗi ɓa lɔŋ yɛ̀ɛ Kan à faghà nyi ìtèɗ wulɛ a ki.

1 KƆ̀RƐ̀ŊTYƐŊ 7:7

Ɓi mɛ̀, ǹɗì lɛ ǹkɔ̀n lɛ di ɓum ɓɛ̀cèm ɓaa ɓaa yɛ̀ɛ mɛ̀; nni wɔ̀lɛ mum ncèm à rì rì kìɓan ki Bɛ̀ll à faghà nyi lɛ a kilàg; à fa roànɛ rìkuu ɗi kiɓan ɗi, à fa roàmbog rìkuu ɗi kiɓan ɗidɛŋ.

2 KƆ̀RƐ̀ŊTYƐŊ 8:12

Syeesyee à rìkɔ̀n ànɛ lɛ mum a fa ɓɔgsì à ti à rɔɔghì Bɛ̀ll, lɛ Bɛ̀ll à ti à tekì rìfa ɗìn à seesèè com ki mum à rì rì kɔ, àa ki à yin ɗi kɔ.

EFÈZYƐŊ 3:5

Bɛ̀ll à rèsìghà ɓi gbàà yi ɓum yi abɛ̀y ɓìɓan ɓi a rìnyam ɓìn yɛ̀ɛ à mɛ rèsi ɓyɔ ɓigomìnɛ lɛ, rì a ɓɛ̀kɛ̀nì-fìtom ɓii ɓɛ ɓɛ ri ɓɛ̀tɛnɛn rì a ɓɛ̀kpaŋzì-ɓìɓan, rì ìtèɗ wu Nghay.

EFÈZYƐŊ 4:11

Nnyɛɛ faghà ɓɛ̀ro ɓɛdɛŋ lɛ ɓɛɛ ɓa ɓɛ̀kɛ̀nì-fìtom, ɓɛ̀ro ɓɛmbog ɓɛ̀kpaŋzì-ɓìɓan, ɓɛmbog ɓɛ̀kalì-Syeesyee à Ɓɔlɛ, ɓɛmbog ɓɛ̀pàstɛɛ̀rì nsoò lɛ ɓɛ̀rèsàg.

FÌLÌPYƐŊ 3:15

Ɓìsi ɓɛ̀sɛ̀ɛ̀ ɓɛ̀cèm ɓɛ tì ti ɓɛ̀sɛ̀ɛ̀mɛn ɓi cɛɓ ki ɓi nghay, tì ghɛ̀ɛ̀sɛɛ kìɓaà rì fèg ànɛn; nni i ki kpaŋi lɛ ɓì wooghrɛɛ ɓi jɛ̀ɛ̀ ɓi kìɓan kidɛŋ Bɛ̀ll à rì mìni ɓiì lomi kitɛɛtɛn ɓi kìɓan kiǹ.

TÈSÀLÒNÌSYƐŊ 5:20

Kɛ̀ ɓi sɛɛti ɓiɓan ɓi ɓum ɓɛ kpaŋzii rì ìtèɗ wu Nghay à Bɛ̀ll.

2 PYƐƐRI 1:20

Kìɓan ki asu ki ɓì ghɛ̀ɛ̀sɛɛ kì yiì ki ri lɛ, kɛ̀ɛ̀ kìɓan kidɛŋ ki ɓɛ̀kpaŋzì-ɓìɓan ɓɛ resìghà ki ki ri kìkànɛn, ki mum à rì lɛ à wog azi anɛ miì yɛ̀ɛ nyii kɔni lɛ a wog,