RÒMƐŊ 12:3 - Bafia Nouveau Testament

³ Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

RÒMƐŊ 12:3 ပူးပေါင်းရင်းမြစ်များ

LUKAS 18:11

Nni Fàrìzyɛŋ à rɛlìghà mɛ̀rey, à ɓɔ̀ɔ̀ɓɔ̀ŋzàg Bɛ̀ll rì ǹɗem, à kakàlì lɛ: Tààta Bɛ̀ll, ǹtògsaagh wɔ̀, ɓisuulɛ, ǹ-yin yɛ̀ɛ ɓum ɓɛm̀bog ɓɛ ɓɛ ri ɓɛ̀wiiwìì, rì ɓɛ̀kìì-kìɓe, rì ɓɛ̀kìì-tìsɔ̀mɔ̀g; nsoò yɛ̀ɛ ǹterì-làmpoŋ̀ ànɛnii.

ZYAŊ 3:34

Ɓisuulɛ, roànɛ Bɛ̀ll à romgày, a kakali ɓiɓan ɓi Bɛ̀ll; lɛ Bɛ̀ll à ti à roòzàg nyi rì Nghay wìì lɛ pisa.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 11:20

Ki ri lɔŋ fɔlɔɔ lɛ ɓɛ rengàkà myaɓ mɛǹ lɛ rìɓa ɗi mɛ ɓaghà kɛ̀ɛ̀ rìgherɛ̀n nni kɔ̀ɔ kaakalɛ̀n, ù ghɛ̀ɛ̀sɛɛ gì kì risii.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 12:16

Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

1 KƆ̀RƐ̀ŊTYƐŊ 3:10

Ɓi lèg à geesɛ̀n ànɛ Bɛ̀ll à kìghà mɛ̀, nnɛ ǹ-yàghɛ̀ngà kìgɔ̀ŋgɔ̀m ki mɛɛ lɔŋ yɛ̀ɛ syeesyee à ǹtoŋì-ɓìtoŋ, nni ŋwaàdɛŋ à yùghà kì toŋì ɓi kìgɔ̀ŋgɔ̀m kiǹ aɗyòò; wɔ̀lɛ mum ǹcèm à ghɛ̀ɛ̀sɛɛ kì kɔ̀rii ɗyomzɛ̀n ɗì rìkuu ɗi kitoŋ ɗi a toŋtoŋ miì.

1 KƆ̀RƐ̀ŊTYƐŊ 7:17

Kìɓan kifog mum ǹcèm a ghɛɓ lɔŋ ɓi nɗɛli wu Bɛ̀ll à fogà nyi miì yɛ̀ɛ à reŋìghà nyi; ǹsiŋdɛn wu nfafa ɓi ɓìseŋi ɓi Kiris ɓìcèm wɛɛ ri lɔɔ.

2 KƆ̀RƐ̀ŊTYƐŊ 10:13

Ɓi ɓɛg ànɛ a lɔ̀ŋkis, tì kɔ̀ni ɓi lɛ ti sɛɛghrɛn tì ceesì ǹɗèè, wɔ̀lɛ ɓìsii ri lɔŋ ɓiì sugtɛɛ ɓi mɛ̀rèè mɛ Bɛ̀ll à rèsàkà ɓìsi, yɛ̀ɛ à faghà ɓìsi ìtèɗ wulɛ ti kpaŋ girig a lɔ̀ŋkin.

2 KƆ̀RƐ̀ŊTYƐŊ 12:13

Kìɓan aɗi kɛɛ rɔɓkà kɛ̀ kɛɛ̀ kìlɛn a lɔ̀ŋkin lèg ànɛ yɛ̀ɛ kɛɛ̀ kìikilɛ̀n ɓi ɓìseŋi ɓi Kiris ɓimbog? I ki cee ɓi nya lɛ kìɓan ki lɛ ǹtɛ̀g wɛm̀ wu syɔngà ɓi mìni ɓi nto! Nni mìnii cenɛɛna mɛ̀ rìkì ɗiǹ lɛ ɗi ri zɛ̀ɗ.

2 KƆ̀RƐ̀ŊTYƐŊ 12:7

Ɓisuulɛ ɓìɓan ɓi Kan à rèsìghà mɛ̀ ɓi ri ɓɛ̀geni ɓiɓan ɓɛ kuukuùghràkɛ̀n. Rì ɓi ɗi lɛ, ɓìɓan ɓiǹ ɓyɛ̀ kɛɛ̀ san mɛ, nnɛ ɓɛ fogà mɛ̀ zɔrì ìdɛŋ ɓi nyoo, ì rì yɛ̀ɛ ŋwaà-fìtom a Satàn, ànɛ à ghɛ̀ɛ̀sɛɛ mɛ̀ kì ɓooɓokì mɛ̀ɓɛn, lɛ di a reg mɛ̀ rìkì ɗi ɓidaŋà.

GÀLAT 6:3

I mum à terɛɛ nyimiɗ lɛ bimiɗ à mum, kɔlɛ à yin com, di à pwààrɛɛ nyimiɗ.

EFÈZYƐŊ 3:2

I ɓì ɓaghà lɛ ɓi wog di ɓɛɛ̀ kakali geesɛ̀n ìnɛ Bɛ̀ll à rèsìghà mɛ̀ lɛ ǹɗoòzi rìyitì ɗi à ɓaghà rì ɗyɔ ɓi san wìn.

EFÈZYƐŊ 3:4

I ɓì ɓàli gàɓ ì ɓìɓan inɛ màa kàni, ɓì rì lɛ ɓì ghɛn lèg ànɛ yɛ̀ɛ ǹ-yii ɓìɓan ɓi a rìnyam ɓi ɓi seesee Kiris.

EFÈZYƐŊ 4:16

Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

FÌLÌPYƐŊ 2:13

Ɓisuulɛ Bɛ̀ll nnyɛɛ kìki kisay ɓi mìni, à fafà mìni lɛ rì ǹɗem, rì ìtèɗ wu kìyen ɓiɓan ɓi ɓi ghɛɛ̀sɛɛ rì syeesyee wìì a ɗyomzɛ̀n.

KÒLÒSYƐŊ 1:29

Kìsay kiǹ kɛɛ̀ki nkìkì, ǹɗùùɗùù rì nghɛɓsɛn wu ìtèɗ wii wu wɛɛ̀ kìki kisay ɓi mɛ̀ rì ìtèɗ.

KÒLÒSYƐŊ 2:13

Mìni ɓɛ ɓì ɓaghà ɓìloŋ abɛ̀y lɛ ɓìɓe ɓin, ɗì rìɓa ɗi ɓì ɓaghà kɛ̀ɛ̀ kìkɛ̀rɛɛ, Bɛ̀ll à mɛ fati mini cɛɓ ǹɗaŋ ɗi Kiris, yɛ̀ɛ à cenɛ̀ngà ɓisi ɓìɓe ɓis ɓìcèm.

TIMOTE 1:14

Fɔɔnnɛ geesɛ̀n ì Kan wìs ì rongà ì sòsòɓ, ɓi mɛ̀ bas ɗì rìgherɛ̀n rì ǹkɔ̀nɛ̀n ànɛ à rì ɓi Yeesus Kiris.

TIMOTE 2:15

Nsoò fɔlɔɔ, à ki rì ɓiì ghɛɛ cɛɓ, lɛ à rì rì ɓɔn, ɗì lɛ à ɓèŋi rìgherɛ̀n, à ghɛɓ ɓi nkɔ̀nɛ̀n, à ɓèŋɗɛ̀n ǹtɛnɛn ɓi nghay, à ki sɛɛ̀dɛn nyimiɗ ɓi zi.

TIMOTE 2:9

Ɓɛ̀yiɓ ɓɛ ghɛɛ̀sɛɛ girig kì waataagh yɛ̀ɛ ki ghɛɛ̀sɛɛ, ɓɛ ɓa rì ntoòrìɗ; ǹwaà waa wɛ̀ kɛɛ̀ yeesɛn, ɓɛ ghɛɛ̀sɛɛ ɓi ki ɓaaghraagh tyòŋ ti ti yeesɛɛ rìɓag, ɓɛ̀ kɛɛ̀ waatɛn mɛrɛ̀ŋ mɛ gol nsoò lɛ mɛ mɛ ri mɛ̀syaghɛn ri ɓyom ɓi ɓi ciɓtaagh kìrɔɔ, nsoò ɓìlàà ɓi ɓi kɛŋi lɛɛ̀gwey.

Kaàtà ànɛ Pol à kàngà TIT 2:12

geesɛ̀n yìì inɛ̀n yɛ̀ɛ rèresi ɓisi lɛ ti roòzɛn cɛɓ ki kɛ̀ɛ̀ rìgherɛ̀n rì ɓìɓeɓtàg ɓi ɓiɓan ɓi ɓyɛɛ̀ kɔ̀ngi ɓum ɓi ziinɛ, tì ghɛɓ ɓi ziinɛ rì ɗyomzɛ̀n, tì ɓa lɛ saaɗ tì ki falɛn ɓi rìgherɛ̀n,

Kaàtà ànɛ Pol à kàngà TIT 2:2

Ù kpaa ɓìtùg ɓi ɓum lɛ ɓyɛ̀ kɛɛ̀ nɔnɔ mɛrɔ̀g lɛɛ̀gwey, ɓɛ ghɛɛ̀sɛɛ kìɓaà rì rìmum, rì ɗyomzɛ̀n, ɓɛ ki ɓa ri ìtèɗ ɓi rìgherɛ̀n, rì ɓi nkɔ̀nɛ̀n, rì ɓi rìɓìɓ ɗi nɗem.

Kaàtà ànɛ Pol à kàngà TIT 2:4

lɛ di ɓɛɛ resag ɓɛ̀yiɓ ɓɛ ɓwɛ̀ɗ yɛ̀ɛ ɓɛɛ keèsi lɛ rì ɓɛ̀yii ɓaa, rì ɓɔn ɓaa,

Kaàtà ànɛ Pol à kàngà TIT 2:6

Rereɓ girig ɓɛ̀dɛlì lɛ ɓɛɛ ɓa rì ɗyomzɛ̀n ɓi ɓìɓan ɓìcèm.

ZYAG 4:6

Wɔ̀lɛ Bɛ̀ll à ti à kìlàg ɓìsi geesɛ̀n ìnɛ ì cee, lɛ ki ri kìkànɛn lɛ: Bɛ̀ll à ti kɛ̀ɛ rɛ̀gti ri ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dii ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

1 PYƐƐRI 4:11

I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

1 PYƐƐRI 5:5

Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

3 ZYAŊ 1:9

Mɛ̀ɛ ǹkàni ɓumɓɛ ɓi kìseŋi ki Kiris maa kaàtà, kìɓan kifog Dyotirɛf ànɛ a ɓiisag ki kɔ̀ni lɛ a ɓa ǹlàmì wàà, à kɔ̀ni ɓi lɛ a wog com ki nkpaakpàà.