RÒMƐŊ 12:18 - Bafia Nouveau Testament

¹⁸ I bee ì rì lɛ ì ɓa, lèg ànɛ yɛ̀ɛ ìtèɗ win wu ri lɛ wu kpaŋ, ɓì ghɛ̀ɛ̀sɛɛ kì ghɛɓì lɛ fyòoog rì ɓum ɓɛ̀cèm.

RÒMƐŊ 12:18 ပူးပေါင်းရင်းမြစ်များ

MATYOO 5:24

ka càra kìtuwe kɔɔ foo ɓi ŋwɔŋì wu rikùna ɓi ka pègsɛn yi kìɓan ki lɛ rì wɔ̀ rì goni, di fɔɔnnɛ u sugtiì min ki faà rìfa ɗyɔɔ.

MATYOO 5:5

Mààgh rì ɓumɓɛ ɓɛ ri mɛ̀rem lɛ fyòoog, lɛ zi ì ri wooghrɛn ri ɓɔ.

MATYOO 5:9

Mààgh rì ɓumɓɛ ɓɛɛ̀ kìki lɛ, fyòoog a ɓa ɓi nyìinyìm à ɓum, lɛ ɓɛ ri reŋi ɓɔ lɛ ɓɔn ɓɛ Bɛ̀ll.

MARIKUS 9:50

Kìkòn ki ri syeesyee à com. Nni i kìkòn ki mɛ rɔ̀ɓ kɛ̀ kɛɛ̀ yɛ̀ɛ̀ti, ɓɛ ri lɛ ɓɛ yɛɛ̀sì tì kɔ rì cɛ? Ɓaana rì kìkòn ɓi mìniìɓɔmiɗ, ɓì ki kɔ̀ri lɛ fyòoog, ɓi nyìinyìm wìn.

RÒMƐŊ 1:15

Kìɓan kiǹ kɛɛ̀ki ǹɗì rì coo zày ìnɛ lɛ nghagsi girig mìni Syeesyee à Ɓɔlɛ, mìni ɓɛ ɓì rì a Rom.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 14:19

Fɔlɔɔ nnɛ tì ghɛ̀ɛ̀sɛɛ min kikaà lɛ ti ki ɓìɓan ɓi ɓyɛɛ̀ kìki lɛ fyòoog a ɓa, ɓi ki fa ti ɓisi ɓɛ̀sɛ̀ɛ̀ ɓɛ̀cèm ìtèɗ ɓi rìgherɛ̀n.

1 KƆ̀RƐ̀ŊTYƐŊ 7:15

I ŋwaànɛ à yin ngherɛ̀n à kɔ̀ni lɛ a ghasɛn rì ŋwaànɛ ɓɛ ri ɓi rìwɛy ɗì nyi, ɓɛ caɗ nyi à ghasɛ̀n; i ki ghɛnɛɛ fɔlɔɔ, ǹgherɛ̀n à baŋì nsoò lɛ à giɓ, à yiìdi nkàŋɛn ɓi rìwɛy ɗìn; lɛ Bɛ̀ll à reŋìghà ɓìsi lɛ ti ghɛɓ ɓi fyòoog ɓi ɗùm.

2 KƆ̀RƐ̀ŊTYƐŊ 13:11

Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 4:3

ɓì tèètèèsì nyoo lɛ ɓi ɓeŋ rìɓa ɗi kibyɔg kìfog ɗi ɓi mɛ̀ghay rì fyòoog ànɛ à ràri mìni ɓɛ̀sɛ̀ɛ̀ ɓɛ̀cèm.

TÈSÀLÒNÌSYƐŊ 5:13

Terina ɓɔ rì coo nyaasɛ̀n lɛɛ̀gwey rì ǹkɔ̀nɛ̀n ɓisuu kìsay ki ɓɛɛ̀ kìkì. Ghɛbina lɛ fyòoog ɓi nyìinyìm wìn.

2 TIMOTE 2:22

Lɛgha ɓìɓeɓtàg ɓi ɓìɓan ɓi ɓi ti ɓi rɔɔghì ɓɛ̀dɛlì; kaaya saaɗ, rì rìgherɛ̀n, rì ǹkɔ̀nɛ̀n, rì fyòoog ànɛ rì ɓumɓɛ ɓɛ ti ɓɛ regì ɗii ɗi Kan rì nɗem wu tɛnɛn.

EBIREEGH 12:14

Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

1 PYƐƐRI 3:11

à ghɛ̀ɛ̀sɛɛ kì lɔ̀ghii jɛ̀m rì kìɓe, kìrɔɔ kɛɛ̀ki à kìkì, à falɛ̀n ɓi rìkaakàà ɗi fyòoog.