RÒMƐŊ 12:12 - Bafia Nouveau Testament

¹² Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

RÒMƐŊ 12:12 ပူးပေါင်းရင်းမြစ်များ

MATYOO 5:12

Nyàànyaana, ɓì ki sànsam ɓisuulɛ mɛ̀lèɓ min mɛ aɗyoo mɛ teghɛɛ lɛɛ̀gwey. Fɔlɔɔ nnɛ ɓɛ kighà ɓɛ̀kpaŋzì-ɓìɓan ɓɛ ɓɛ lokà kì yùu rì mìni.

LUKAS 10:20

Kìɓan kifog, kɛ̀ ɓi ɓiisɛn ki nyàànyaa lɛ, ɓìɓeɓtàg ɓi mɛghay ɓyɛɛ̀ ririsi mini, nyàànyaana lɔŋ lɛ mii min mɛ ti mɛ̀ kànɛn ɓi ɗyoo ɓi ɗùm.

LUKAS 21:19

Kìsììrì kin kɛɛ ri ɓiì kìi lɛ ɓi ghɛɓsi ɓyɛɓ ɓin.

LUKAS 8:15

Boo ìnɛ ì kpìghà ɓi zi i m̀fɔmɛn yɛ̀ɛ ri fɛlɛ yɛ̀ɛ ɓɛ̀roɓɛ ɓɛ ti ɓɛ wokì jɛ̀ɛ̀ ì Bɛ̀ll syeesyee à rìwog, ri mɛ̀rem mɛ syeesyee mɛ mɛ ki rì mɛ̀tɛnɛn, ɓɛ ɓeŋ̀ yɔ̀, ɓɛ ki wum ɓiɗùn lɛ kìsììrì kaa.

MƐ̀KÌKÌÌ MƐ ƁƐKƐ̀NÌ-FÌTOM 1:14

Ɓɛ ǹti ɓɛ taŋzàg ɓɔɔ̀cèm lɔŋ nɗem wùfog lɛ ɓɛɛ ɓɔŋzag Bɛ̀ll, ǹɗaŋ ri ɓɛ̀yiɓ, rì Marii à jɛɛ Yeesus, rì ɓɛ̀geni ɓɛ Yeesus.

MƐ̀KÌKÌÌ MƐ ƁƐKƐ̀NÌ-FÌTOM 12:5

Ɓɛ ɓeŋɓèŋgà Pyɛɛri ɓi naà-zày, nsoò fɔlɔɔ ǹɗaŋ wu ɓɛgherɛ̀n wu ɓɔɔɓɔ̀ŋzàg Bɛ̀ll ɓisu wii ri ìtèɗ.

MƐ̀KÌKÌÌ MƐ ƁƐKƐ̀NÌ-FÌTOM 2:42

Ɓɛ siìrɛ̀ngà ɓi rìwowòg ɗi rirèsàg ɗi ɓɛkɛ̀nì-fìtom, rì ɓi cɛɓ ki rigeni, rì ɓi rìcusàg ɗi bìrɛs, rì ɓi bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 6:4

Fɔɔnnɛ ɓìsii ri ɓiì kɛ̀ɛ asu, tì sììrɛ̀n ɓi bɔ̀ŋzɛ̀n, rì ɓi rìghagsì ɗi jɛ̀ɛ̀ ì Bɛ̀ll.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 15:4

Kɔlɛ ɓìɓan ɓìcèm ɓi ɓɛ lokà kìkàni, ɓi kanɛ̀ngà ɓisuulɛ ɓyɛɛ fa ɓìsi ɗyomzɛ̀n, lɛ di ti ɓa rì dyàɓɛn ɓi bee ì rìnìɗ ɗi nɗem, rì rìfɔɔsì ɗi nɗem ɗi mɛ̀kànì mɛ ti mɛ falàg.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 8:25

Wɔ̀lɛ i ti ɗyàaɗyaɓɛ̀n com ki tì ghɛɛ ɓi, tì rì kɔ ɓiì ɓoŋɓoŋi ri kìsììrì.

1 KƆ̀RƐ̀ŊTYƐŊ 13:13

Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

2 KƆ̀RƐ̀ŊTYƐŊ 12:8

Gɛ̀n yiraa nnɛ m̀ɓɔ̀ŋzàkà Kan lɛ a pisi mɛ̀ zɔrì ìnɛn,

FÌLÌPYƐŊ 3:1

Ɓɔɔsoŋ̀, ɓigomìnɛ, ɓì ghɛ̀ɛ̀sɛɛ kì nyàànyaa ɓi Kan ɓiɗùm; ki yeesii ɓi mɛ nsoò lɛsàg lɛ mɓiìti mìni kìkàni ɓiɓan ɓi m̀mɛ ka kàn mini abɛ̀y; rìkì ɗiǹ ɗi ri ɓi kìrɔɔ kin.

FÌLÌPYƐŊ 4:4

Nyàànyaana lɔŋ cààmɛ̀n kìcèm ɓi Kan ɓiɗùm, m̀ɓììtii kìkalii lɛ, nyàànyaana.

KÒLÒSYƐŊ 1:11

Ɓaana rì ìtèɗ, ɓɛ̀ɓɛg ɓɛ̀cèm, ìtèɗ win wu ɓa wu ɓi rìkem ɗii, fɔɔnnɛ ɓì ɓiì ɓaà rì kìsììrì, ɓì ki yi rinìɗ ɗi nɗem lɛ kɔɔ̀kɔɔ̀.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

KÒLÒSYƐŊ 4:2

Sììrɛɛna ɓi bɔ̀ŋzɛ̀n; ɓì ɓa cem miì ɓi rìfafà ɗi Bɛ̀ll ɓìtògsɛ̀n.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 5:8

Wɔ̀lɛ ɓìsi ɓɛ tì rì ɓɔn ɓɛ ɓi cààmɛ̀n à ŋwos, tì ghɛ̀ɛ̀sɛɛ kì ɓèŋɗɛɛ ɓi kìɓan ki mɛrɔ̀g, tì ghɛ̀ɛ̀sɛɛ kì pùrɛɛ rìgherɛ̀n rì ǹkɔ̀nɛ̀n fɛ lɛ yɛ̀ɛ kìlàà ki bɔŋ tì waatɛ̀n girig dyàɓɛn inɛ ɓi gòri yìs fɛlɛ yɛ̀ɛ tàm.

2 TÈSÀLÒNÌSYƐŊ 1:4

Fɔlɔɔ nnɛ ti kaakalɛ̀n Ɓìseŋi ɓi ɓɛgherɛ̀n Bɛ̀ll rìɓa ɗin, ɓisuu kisììrì kin, rì rìgherɛ̀n ɗin ɓi mɛ̀tɔɓ mɛ̀cèm, rì rìkɛŋ ɗìcèm ɗi ɓi wowòg ɓì ki nìniɗ mɛrem.

2 TÈSÀLÒNÌSYƐŊ 3:5

Kan a ki lɛ mɛ̀rem min mɛɛ tiŋi ɓi nkɔ̀nɛ̀n à Bɛ̀ll, rì rìnìɗ ɗi nɗem ɗi Kiris a falàg.

TIMOTE 6:11

Ɓi ɓɛg wɔ̀ɔ̀, wàànɛ ù rì mum à Bɛ̀ll, lɛgha ɓìɓan ɓiǹ, ɓìcèm; u kaà lɛ rì saaɗ, rì rìfalɛ̀n ɗi ɓi rìgherɛ̀n, rì rìgherɛ̀n yɛ̀ɛ Bɛ̀ll, rì ǹkɔ̀nɛ̀n, ɗì rìnìɗ ɗi nɗem, ɗì rìɓa ɗi lɛ tɛ̀tɛ̀rɛ̀ɛ̀.

2 TIMOTE 3:10

Ɓi ɓɛg wɔ̀ɔ̀, ù ghɛngà rìrèsì ɗyɛm̀ lɛ syeesyee, rì rìghɛghɛ̀ɓ ɗyɛm̀, rì ɓɛ̀fèg ɓɛm, ɗì rìgherɛ̀n ɗyɛm̀, ɗì rìnìɗ ɗyɛm̀ ɗi nɗem, rì ǹkɔ̀nɛ̀n wɛ̀m, rì kìsììrì kɛm̀,

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

Kaàtà ànɛ Pol à kàngà TIT 3:7

lɛ di ti ɓa rì gàɓ ɓi dyàɓɛn i cɛɓ ki fiɗyàɓ fikɔ̀ɔ̀, yɛ̀ɛ geesɛ̀n yìì i mɛ kì lɛ ti ɓa lɛ saaɗ ɓi mis miì.

EBIREEGH 10:32

Yitiina lɔŋ cɛɓ ki ɓì ghɛɓkà ɓi mɛ̀ru mɛ ǹtonto mɛ ɓì tekà kìtɛɛtɛn ki Bɛ̀ll; ɓì wokà mɛ̀tɔɓ lɛɛ̀gwey ɓi mɛ̀ru mɛ̀n; wɔ̀lɛ ɓì ki càrɛ̀ngà ɓi ɓi zàà ìnɛn.

EBIREEGH 10:36

Ki ghɛɛ̀sɛɛ lɛ ɓi ɓa rì kìsììrì, di fɔɔnnɛ ɓi roòzi rìkɔ̀n ɗi Bɛ̀ll, ɓì teɗ min com ki à kàkà mìni.

EBIREEGH 12:1

Nni fɔɔnnɛ ɓìsi girig, yɛ̀ɛ tì ti ɓɛ̀rìɓiyɛn ri ǹkun wu ɓɛwusìnɛ̀ɗ yɛ̀ɛ wu, tì ghɛ̀ɛ̀sɛɛ min ki càri com kìcèm ki ki ri ɓìsi ǹtɛ̀g, rì kìɓe ki ki ti kɛ̀ kɛɛ̀ tɔg ɓisi kìlaataagh, tì sììrɛ̀n ɓi mɛ̀ree mɛ ɓɛɛ̀ tɔtɔg ɓisi lɛ ti ghɛŋì.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.

EBIREEGH 6:12

ɓi lèg ànɛ lɛ kɛ̀ ɓi rɛ̀gsi nyoo, ɓi nɔɔ̀ti lɔŋ ikòò wu ɓɛroɓɛ ɓɛ gherɛɛ, ɓɛ ki ɓa ri kìsììrì; ɓɛɛ ti ɓɛ tekì ɓìɓan ɓi Bɛ̀ll à kàkà lɛ rìkì ɗyaa ɗiǹ.

EBIREEGH 6:15

Abiraham à sììrɛ̀ngà ɓi rìɓoŋ ɗi nkàg wiǹ, nni à ki tekà com ki Bɛ̀ll à kàkà nyi.

ZYAG 5:7

Ɓɔɔsoŋ̀ sììriina lɔŋ mɛrem à kpaŋ yɛ̀ɛ Kan à ri sugtiì; ɓì ti ɓì ghɛngì yɛ̀ɛ ǹsalì-dɛm a ti à maasàg nɗem ɓisuu riɓoŋ ɗi bwey yi ǹtonto rì yi siitòn, à kpaŋ yɛ̀ɛ bwey yìn yi ti yi nɔlàg.

1 PYƐƐRI 4:13

Ɓì ghɛ̀ɛ̀sɛɛ lɔŋ lɛ ɓì nyààrɛ̀n lɛ ɓi teteɗ gàɓ ì mɛ̀tɔɓ mɛ Kiris, di fɔɔnnɛ ɓi ɓiì rongii girig rì kìnyàà yɛ̀ɛ rìkem ɗii ɗi ri ɓiì ghɛnɛɛ.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

2 PYƐƐRI 1:6

ɓi rìyi ɗìn aɗyoo, ɓì ɓɔ̀ɓtɛ̀n tì rìnìɗ ɗi nɗem; ɓi rìnìɗ ɗi nɗem ɗìn, ɓì sagtɛ̀ntì kìsììrì; ɓi kìsììrì kiǹ, ɓì foŋdì rìfalɛ̀n ɗi ɓi rìgherɛ̀n;

ÀPÒKÀLIƁSƐ̀ 13:10

I mum à yalɛ̀ngà lɛ à kɛ̀ɛ gɛ rìkpàn, à rì ɓiì kɛ̀ɛ, i ŋwaà woli mum rì gafàg, ɓɛ woli gɛ nyi rì gàfàg. Cààmɛ̀n ki ɓɛ̀gherɛ̀n ɓɛ ghɛɛ̀sɛɛ kì sììrɛɛ, ɓɛ ki ɓa ri ǹtyweeyi kɛɛ̀ki.