RÒMƐŊ 12:10 - Bafia Nouveau Testament

¹⁰ Ɓì ghɛ̀ɛ̀sɛɛ kì rèsii, kirɔɔrɛɛ ki ǹkɔ̀nɛ̀n à rìgeni ɓi nyìinyìm wìn; lɛ nnyaasɛ̀n ànɛ à ghɛ̀ɛ̀sɛɛ kì ɓaà, rèsiina bɔgsɛ̀n lɛɛ̀gwey ɓi nyìinyìm wiǹ.

RÒMƐŊ 12:10 ပူးပေါင်းရင်းမြစ်များ

MATYOO 20:26

Ki ghɛɛ̀sɛɛ ɓi ki ɓaà fɔlɔɔ ɓi nyìinyìm wìn, kìɓan kifog, ŋwaànɛ ki kɔni lɛ a ɓa nlàmì ɓi nyìinyìm wìn, à ghɛ̀ɛ̀sɛɛ kì ɓaà ǹkìì-kìsay a ɓɛ̀ro ɓɛmbog.

LUKAS 14:10

Nni kìlag lɛ i mum à reŋii wɔ̀ ɓi kìsɛ̀nɛ̀ ù kɛ̀n kì kɔ̀rii ɓi-kɔ̀ɔ̀ wu ajɛ̀m di fɔlɔɔ nnɛ ŋwaànɛ à reŋii wɔ̀ a ki lɛ, i à yùu yì, à kpaa wɔ̀ lɛ, Ceeya kì kɔ̀rii fɛlɛnii asu. Rìkì ɗiǹ ɗi ri wɔ̀ ɓiì faà rìmum ɓi mis mɛ ɓum ɓɛ̀cèm ɓɛ ɓɛ ri a kìsɛ̀nɛ̀ kiǹ.

ZYAŊ 15:17

Kìɓan ki mɛ̀ ǹsiŋ̀dɛɛ mìni ki ri lɛ, ɓi kɔnɛn mìni rì mìni.

ZYAŊ 17:21

M̀ɓɔ̀ŋzii wɔ̀ lɛ ɓɛɛ ɓa ɓɛ̀ràrɛn kìbyɔg kìfog Tààta, yɛ̀ɛ ù rì ɓi mɛ̀, mɛ̀ ɓi wɔ̀, kìya lɛ ɓɔ girig ɓɛɛ ɓa ɓɛ̀ràren ɓi ɓìsi di fɔɔnnɛ ziinɛ yɛ̀ɛ gherɛn lɛ, wɔ̀ yɛɛ romgày mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 4:32

Ǹɗaŋ wu ɓɛgherɛ̀n wu ɓaghà ǹɗem wùfog, ɓɛ̀fèg ɓɛ̀fog, kɛ̀ɛ̀ ŋwaàdɛŋ ànɛ ɓi ɓɔ ànɛ à ɓaghà lɛ à kalì lɛ ɓyom ɓi à rì ɗì ɓyɔ ɓi ri ɓiŋkii cɛ̀ncii, wɔ̀lɛ ɓyom ɓyaa ɓi ɓaghà ɓisu waa ɓɛsɛ̀ɛ̀ ɓɛ̀cèm.

RÒMƐŊ 13:7

Lèɓkiina mum ǹcèm com ki ki ghɛɛ̀sɛɛ rì nyi, ɓì peeghì làmpoŋ̀ rì ŋwaànɛ a tɔtɔg mini làmpoŋ̀, ɓì peeghì tikis rì ǹtɔɔ̀gh-tikis, ɓì risàg ɓɛ̀roɓɛ ɓì ghɛ̀ɛ̀sɛɛ kì risii, ɓì ki nyaasag ɓɛroɓɛ ɓì ghɛ̀ɛ̀sɛɛ kì nyaasii.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

FÌLÌPYƐŊ 2:3

Kɛ̀ ɓi kì kiɓan kidɛŋ rì ǹɗem wu kalɛn nsoò lɛ ɓisuu rikem ɗi kɛ̀ɛ̀-su. Wɔ̀lɛ sɛɛ̀dɛɛna mìniìɓɔmiɗ ɓi zi, ɓì teɗ ɓum ɓɛmbog fɛlɛ yɛ̀ɛ ɓɛ ceeghii mìni.

KÒLÒSYƐŊ 1:4

Lɛ tìi nwoogh di ɓɛɛ kpaakpaa lɛ, mìnii ri rì ǹtyweeyi ɓi Yeesus Kiris lɛɛ̀gwey, mìnii ki ɓa ri geesɛ̀n ɓi san ànɛ a ɓɛ̀gherɛ̀n ɓɛ̀cèm,

TÈSÀLÒNÌSYƐŊ 4:9

Ki ghɛɓsii ɓi com lɛ ti kaǹ mìni kìɓan ki ǹkɔ̀nɛ̀n à rìgeni, ɓisuulɛ Bɛ̀ll nyimiɗ a rèsàkà mìni kìɓan ki ɓi ǹkɔ̀nɛ̀n ànɛ à ghɛ̀ɛ̀sɛɛ kì ɓaà ɓi nyìinyìm wìn.

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

EBIREEGH 13:1

Sììrɛɛna ɓi nkɔ̀nɛ̀n à rìgeni.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 2:17

Nyaasiina mum bimiɗ, ɓì keesì ɓɛ̀geni ɓin ɓɛ righerɛn, ɓì risì Bɛ̀ll, ɓì nyaasì rìfòm.

1 PYƐƐRI 5:5

Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

2 PYƐƐRI 1:7

ɓi rìfalɛ̀n ɗi ɓi rìgherɛ̀n, ɓì ɓɔ̀ɓtɛ̀ntì kìrɔɔrɛɛ ki ɓi rìgeni; ɓi kìrɔɔrɛɛ ki ɓi rìgeni kìn, ɓì foŋ̀dì ǹkɔ̀nɛ̀n.

1 ZYAŊ 4:11

Mìni ɓum ɓɛm ɓɛ nɗem, i Bɛ̀ll à keesìghà ɓìsi fɔlɔɔ, ɓìsii ghɛɛ̀sɛɛ girig kì ɓaà rì ǹkɔ̀nɛ̀n ɓi nyìinyìm wìs.

1 ZYAŊ 4:20

I mum à kpaa lɛ: Ǹkeesii Bɛ̀ll nni à ɓèèzɛɛ geni, di à rì pwààpwaà, ɓisuulɛ, i mum à keesii ɓi geni ànɛ a seesèè, lannɛ à rì lɛ à keesì Bɛ̀ll ànɛ à ghɛɛ ɓi?