RÒMƐŊ 11:28 - Bafia Nouveau Testament

²⁸ Ɓi san ànɛ a Syeesyee à Ɓɔlɛ ànɛ ɓɛ ɓengà, Ɓɛ̀yudɛ̀n ɓɛ ri ɓɛ̀bènàbena ɓɛ Bɛ̀ll, fɔlɔɔ à ki ɓa ɓi kìrɔɔ kin, wɔ̀lɛ i tì nɔ̀ɔ̀tii rìɓɔ̀n ɗi Bɛ̀ll à ɓɔ̀ngà ɓɔ, Ɓɛ̀yudɛ̀n ɓɛ ri ɓɛ̀roɓɛ Bɛ̀ll à keesii ɓisuu ɓɛseŋi ɓaa ɓɛ ɓɛsɛ̀ɛ̀.

RÒMƐŊ 11:28 ပူးပေါင်းရင်းမြစ်များ

MATYOO 21:43

Kìɓan kiǹ kɛɛ̀ki ǹkalii mìni lɛ, ɓɛ ri ɓiì pisii kilɔ̀ŋ ki Bɛ̀ll a lɔ̀ŋkin, ɓɛ fa kɔ rì kìlɔ̀ŋ ki ki ri ɓiì wumì ɓìɗùn ɓi ɓi ghɛɛ̀sɛɛ rì kìlɔ̀ŋ ki Bɛ̀ll.

LUKAS 1:54

À ghɛɓsìghà kìlɔ̀ŋ ki Isirayɛl ǹkìì-kìsay wiì kɛ̀ɛ ɗimzɛn lɛ, a resi ǹɗem wu geesɛ̀n,

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 18:6

Yɛ̀ɛ Ɓɛ̀yudɛ̀n ɓɛ ɓeèdɛ̀ngà ɓìɓan ɓi Pol à kpaakpààghà, ɓɛ ki sɛmgi nyi, fɔɔnnɛ à sàɗkà kùrùɓu ànɛ à ɓaghà nyi ɓi ɓìlàà à kpaa ɓɔ lɛ: Ì ɓì ɗyaŋi ŋwos yɛ̀ɛ gɛɛ̀nɛ, di zɛ̀ɗ yiǹ ì mìniìɓɔmiɗ, mɛ̀ ǹ-yiìdi miì rì bɛ̀lɛn. Fɔɔnnɛ à tumɛ̀n ɓigomìnɛ, ǹ-yùu kì kɛ̀ɛ a ɓɛ̀roɓɛ ɓɛ yin Ɓɛ̀yudɛ̀n.

RÒMƐŊ 11:11

Nni ǹtɔɔgh lɛ, Ɓɛ̀yudɛ̀n ɓɛ kɛɓtɛ̀ngà nya lɛ ɓɛɛ kpi kìzog ki isuùcèm? Èe èe, ki yin fɔlɔɔ, wɔ̀lɛ rìkpì ɗi ɓɛ kpighà ɗyɛ̀ɛ mɛ ki lɛ, ɓìlɔ̀ŋ ɓi zɛy ɓyɛ̀ɛ ɓa ɓìkòrɛn, lɛ di Ɓɛ̀yudɛ̀n ɓɛɛ ki yɔ̀ɔ̀tì.

RÒMƐŊ 11:30

Fɛlɛ yɛ̀ɛ mìnii kighà Bɛ̀ll ǹtoòtèɗ ɓi mɛ̀ru mɛ abɛ̀y, ɓigomìnɛ, Bɛ̀ll à mɛ wog mini nyìighnyìg lɛ ǹtoòtèɗ wu Ɓɛ̀yudɛ̀n ɓɛ nkii nyi.

RÒMƐŊ 11:7

Nni la min? Com ki Isirayɛl à kaakààghà, à fɔ̀ngà ɓi kɔ, wɔ̀lɛ ɓɛ̀roɓɛ Bɛ̀ll à ɓɔ̀ngà ɓɛɛ fɔngà com kiŋcèm, ɓɛ̀ro ɓɛm̀bog ɓɔɔ ɗiŋì ɓɛ̀lɔg ɓi ǹɗeèghreŋi wu Bɛ̀ll,

RÒMƐŊ 5:10

Tì ɓaghà ɓɛ̀bènàbena ɓɛ Bɛ̀ll, wɔ̀lɛ à pègsɛ̀ngà paàzì ànɛ lɛ rì ɓìsi rì nyi ɓi rìwu ɗi Man wiì. Nni ɓigomìnɛ yɛ̀ɛ tì ti min lɛ syeesyee rì nyi, cɛɓ ki Man wiì ki ɓiì ghɛɓsii ɓisì.

RÒMƐŊ 9:5

Ɓɛ ri dòò yi ɓɛseŋi ɓis ɓɛ ɓɛsɛ̀ɛ̀mɛn, fɔɔnnɛ Kiris, ɓi rìyalɛ̀n ɗii ɗi ɓi mɛ̀mùù, à rì ɓi boo yàà, nyi ànɛ à teŋmɛɛ à cee ɓyom ɓìcèm, à ki ɓa Bɛ̀ll ànɛ a keŋkem fiɗyàɓ fikɔ̀ɔ̀. Ààmɛ̀n.