RÒMƐŊ 11:25 - Bafia Nouveau Testament

²⁵ Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 11:25 ပူးပေါင်းရင်းမြစ်များ

MATYOO 13:11

Yeesus à ɓàg ɓɔ lɛ: Ntòtog ri ɓɔ ɓi dàɗkì lɛ mìniìɓɛ ki ri kì fayɛn lɛ ɓi yi ɓìɓan ɓi ɓi kìlɔ̀ŋ ki aɗyoo ɓi ɓi ri ɓìnyamɛn, wɔ̀lɛ ɓi ɓɛg wàa, ki yin ɓɔ kì fayɛn lɛ ɓɛɛ yi ɓìɓan ɓiǹ.

LUKAS 21:24

Ɓɛ ri ɓɔ ɓiì cuusii ri gàfàg, ɓìlɔ̀ŋ ɓidɛŋ ɓi ɓangì ɓɔ ɓi rìkpàn, ɓumɓɛ ɓɛ yin Ɓɛ̀yudɛ̀n ɓɛ sasàɓ Yorisalɛm rì mɛ̀kòò, à kpaŋ yɛ̀ɛ cààmɛ̀n ki ɓum ɓɛ̀n ki ri ɓiì lèegh.

ZYAŊ 10:16

Ǹɗì tì rì jɔ̀ɔ̀ yidɛŋ yi yi ka yin ɓi kìlaa ki. Ki ghɛɛ̀sɛɛ lɛ nteɗ yì girig yɔ; yi ri ɓiì woògh jɛ̀ɛ̀ yɛ̀m, fɔɔnnɛ kìtuu ki jɔ̀ɔ̀ ki ɓiì ɓaà kìfog, m̀ɓèŋì à ɓa bog.

RÒMƐŊ 1:13

Ɓɔɔsoŋ̀ ǹkɔ̀ni ɓi lɛ ɓi naǹ lɛ, mmɛ ɓeg ɓyààmɛ̀n ɓidɛŋ lɛ n-yu mìni kì ghɛɛ̀ lɛ di kìsay kɛm̀ kɛɛ wum gàɓ ì ɓìɗùn a lɔ̀ŋkin, yɛ̀ɛ ki faghà ɓi ɓìlɔ̀ŋ ɓimbog. Nni à kpaŋ ɓigomìnɛ, bee ì ka ghɛnɛ̀ngà ɓi.

RÒMƐŊ 11:12

I zɛ̀ɗ i Ɓɛ̀yudɛ̀n ì mɛ fa ziinɛ ìkum wu ɓi Nghay, kìzog kaa ki kum̀zì ɓum ɓɛ zɛy ɓi Nghay, ɓɔ̀ɓ yaŋ min ɗi rìrɛlì ɗi ɓɛ ri ɓiì pɛ̀ɛ̀zɛɛ ki rɛlii isuùcèm ɓi gòri ì Bɛ̀ll ɓi ɗùm! Rìrɛlì ɗiǹ ɗi ri fa ɓum ɓɛ̀mààgh lɛɛ̀gwey.

RÒMƐŊ 11:24

Wàànɛ ù yin muu Ɓɛ̀yudɛ̀n, ù rì (fɛlɛ yɛ̀ɛ) ŋwaɓ wu òlìvyee ànɛ ɓi cog, ŋwaɓ wii wɛɛ̀wu ɓɛ reniì, ɓɛ yu kì ɓaatii ɓi ǹɗyèm wu òlìvyee ànɛ ɓɛ ɓɛlà m̀ɓɛ̀lɛn, kìɓan ki lɛ ɓɛɛ ɓaati ŋwaɓ wu kite ɓi ǹɗyèm wu kite kidɛŋ, ki ri ki mum kɛ̀ɛ wog; Ɓɛ̀yudɛ̀n ɓɔ yɛɛ ri myaɓ mɛ òlìvyee à m̀ɓɛ̀lɛn, fɔɔnnɛ ki ri ɓiì pɔ̀ɔ̀zii ki ɓaà lɛ fɛnfɛn lɛ ɓɛɛ pɛɛ̀zi ɓɔ kìɓaatii ɓi ǹɗyèm waa.

RÒMƐŊ 12:16

Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

RÒMƐŊ 9:18

Fɔlɔɔ nnɛ Bɛ̀ll à ti à wokì ŋwaànɛ à kɔ̀ni lɛ a wog nyìighnyìg, à ki tèèsi nɗem wu roànɛ ki kɔni nyi lɛ a teèsi nɗem wiì.

1 KƆ̀RƐ̀ŊTYƐŊ 10:1

Ɓɔɔsoŋ̀, ǹkɔ̀ni ɓi lɛ ɓi rɔɓ kɛ̀ ɓi yi kiɓan ki; ɓɛ̀seŋi ɓis ɓɛ ɓɛsɛ̀ɛ̀ ɓɛ ɓaghà ɓɛ̀sɛ̀ɛ̀ ɓɛ̀cèm ɓi kìkwìɗ a zi, fɔɔnnɛ ɓɛ̀sɛ̀ɛ̀ ɓɛ̀cèm ɓɛ syaàghà rìɓày à m̀ɓàŋ.

1 KƆ̀RƐ̀ŊTYƐŊ 12:1

Ɓɔɔsoŋ̀, ɓi kìɓan ki ki seesee ɓìɓan ɓi Kìtɛntɛ̀ɛ̀n ki Nghay ki ti ki falàg ɓum ìtèɗ wu kìyɛn, mɛ̀ ǹkɔ̀ni ɓi lɛ ɓi rɔɓ lɛ dùŋdùŋ.

1 KƆ̀RƐ̀ŊTYƐŊ 2:7

Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

1 KƆ̀RƐ̀ŊTYƐŊ 4:1

Ɓì ghɛ̀ɛ̀sɛɛ min ɓisi kì seesee yɛ̀ɛ ɓɛ̀kìì-ɓìsay ɓɛ Kiris, ɓɛ ɓɛ ri ɓɛ̀ɓèŋì ɓɛ ɓɛkɔɔ̀kɔɔ̀ ɓɛ ɓiɓan ɓɛ Bɛ̀ll à nyamgà.

EFÈZYƐŊ 1:9

À kpàkàkà ɓìsi dwìɗ i rìkɔ̀n ɗii ɗi a rìnyam, ɓi kìɓan ki nɗem wii wu lokà kì renì lɛ à kìi gɛ ɓi Kiris.

EFÈZYƐŊ 3:9

Lɛ nɗesi ɓi kìtɛɛtɛn yɛ̀ɛ Bɛ̀ll a rooroòzì fèg wìì anɛ a maà ɓa ǹnyamɛn, cààmɛ̀n kìcèm. Bɛ̀ll ànɛ à kìghà ɓyom ɓìcèm, nnyaà nyamnyàm fèg ànɛ̀n nyimiɗ.

EFÈZYƐŊ 4:18

Ɗyomzɛ̀n ɗyaa ɗi ri ɗì sigtɛn birìm, fɔɔnnɛ ɓɛ yin ri gàɓ ɓi cɛɓ ki Bɛ̀ll lɛ kɛ̀ɛ̀ rìyi wàà, rì rìɓa ɗi mɛ̀rem maa mɛ ri mɛ̀ tèrɛn.

2 PYƐƐRI 3:8

Wɔ̀lɛ com ki ɓì ghɛ̀ɛ̀sɛɛ ɓi ki ɗimzɛɛ, mìni ɓum ɓɛm ɓɛ nɗem, ki ri lɛ: Ìru wùfog ɓi mis mɛ Kan wu ri yɛ̀ɛ bèg tɔɔsìm; bèg tɔɔsìm yi ɓa yɛ̀ɛ ìru wùfog.

ÀPÒKÀLIƁSƐ̀ 1:20

Ɓi ɓɛg ànɛ a ɓɛ̀azi ɓɛ a rìnyam ɓɛ ɓi tyɔɛy ti kitaàɓɛ̀ɛ̀ ti wàa ghɛɛ mɛ̀ rì tyɔ ɓi càg ki weèlem, rì ɓìrɛsì ɓi lamɓà ɓi gol taàɓɛ̀ɛ̀, tyɔɛy ti kitaàɓɛ̀ɛ̀ ti ri ɓum ɓɛ titom ɓɛ Ɓiseŋi ɓi kitaàɓɛ̀ɛ̀, ɓìrɛsì ɓi lamɓà ɓi kitaàɓɛ̀ɛ̀ ɓyɔɔ ri Ɓìseŋi ɓi kitaàɓɛ̀ɛ̀ ɓincèm.

ÀPÒKÀLIƁSƐ̀ 10:7

kìɓan kifog ɓi mɛ̀ru mɛ jɛ̀ɛ̀ ì ŋwaà-fìtom a kìtaàɓɛ̀ɛ̀ ì rì ɓiì wooghrɛɛ, di à ti lɛ à tumɛ̀n ɗìrɔŋ ɗi ɗyam, innɛ fèg à Bɛ̀ll ànɛ a ɓalag nyamɛn à ɓiì ronì lɔŋ yɛ̀ɛ à wogsìghà Syeesyee à Ɓɔlɛ ànɛ ɓi fèg ànɛn rì ɓɛ̀kpaŋzì-ɓìɓan ɓɛ ɓɛ ri ɓɛ̀kìì-ɓìsay ɓii.

ÀPÒKÀLIƁSƐ̀ 11:15

Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 7:9

Ajɛ̀m ìnɛn nnɛ ǹghɛngà coo kituu ki ɓum ki mum à ɓaghà ɓi lɛ à ɓày, ɓumɓɛ̀n ɓɛ pɛsàkày ɓi ɓìlɔ̀ŋ ɓìcèm, rì ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm; ɓɛ rɛrɛ̀lìghà asu wu ikɔ̀ɔ̀ wu rilàmì, rì ɓi mis mɛ Man à jɔ̀ɔ̀, ɓɛ waatàg ɓɛ̀kàɓà ɓɛ puɓ, ɓɛ ki ɓa ri maŋ ɓi ɓyàg.