RÒMƐŊ 10:19 - Bafia Nouveau Testament

¹⁹ Nni mɛ̀ ǹtɔɔgh lɛ, Isirayɛl à wokà ɓi nya yɛɛ lɔɔ? Lɛ Moyis yɛɛ loogh kì kpaà lɛ: Mɓiì kìi lɛ yɔ̀ɔ̀tì a ki mìni rì ɓumɓɛ ɓɛ yin bimiɗ à kìlɔ̀ŋ, ǹkì com ki lɛ ɓi wog bim ri kìlɔ̀ŋ ki ki ri kɛ̀ɛ̀ ɗyomzɛ̀n.

RÒMƐŊ 10:19 ပူးပေါင်းရင်းမြစ်များ

RÒMƐŊ 10:18

Nni ǹtɔɔgh lɛ, ɓɛ rɔɓkà nya ɓɛ̀ kɛɛ̀ wog? Ɓɛ ɓaghà ɓi lɛ ɓɛ rɔɓ, jɛ̀ɛ̀ yaa yi wooghrɛ̀ngà zi bimiɗ, ɓìtòkì ɓyaa ɓi kpagì lɛ rì a ɓɛ̀yɔ̀ŋyɔ̀ŋ ɓɛ zi miì.

RÒMƐŊ 11:11

Nni ǹtɔɔgh lɛ, Ɓɛ̀yudɛ̀n ɓɛ kɛɓtɛ̀ngà nya lɛ ɓɛɛ kpi kìzog ki isuùcèm? Èe èe, ki yin fɔlɔɔ, wɔ̀lɛ rìkpì ɗi ɓɛ kpighà ɗyɛ̀ɛ mɛ ki lɛ, ɓìlɔ̀ŋ ɓi zɛy ɓyɛ̀ɛ ɓa ɓìkòrɛn, lɛ di Ɓɛ̀yudɛ̀n ɓɛɛ ki yɔ̀ɔ̀tì.

RÒMƐŊ 11:14

Lɛ i bee yàa rì lɛ ì ɓa, ǹkì lɛ ɓumɓɛ ɓi kìlɔ̀ŋ kɛm̀ ɓɛɛ wog yɔ̀ɔ̀tì, di gàɓ ìdɛŋ yɛ̀ɛ ghɛ̀ɓ.

RÒMƐŊ 3:26

Nni ɓi cààmɛ̀n ki tì ti ki miì Bɛ̀ll a rèresi saaɗ wìì, lɛ a kɔ̀nkɔn lɛ, ɓɛɛ yi lɛ à rì lɛ saaɗ, à ki kì lɛ ɓum ɓɛ̀cèm ɓɛ ɓɛ gherɛɛ Yeesus, ɓɛɛ ɓa lɛ saaɗ ɓi mis mìì.

1 KƆ̀RƐ̀ŊTYƐŊ 1:12

Nkɔ̀nkɔn lɛ nkpaà yɛɛ lɔɔ lɛ, ɓì rì lɛ: Rì wàànɛn miì ù kpaa lɛ: Mɛ̀ ǹɗì ŋwaà Pol; roànɛ lɛ: Mɛ̀ ǹɗì ŋwaà Apolos, roàmbog lɛ: Mɛ̀ ǹɗì ŋwaà Sefas, roàdɛŋ tì lɛ: Mɛ̀ ǹɗì ŋwaà Kiris.

1 KƆ̀RƐ̀ŊTYƐŊ 10:19

Fɔlɔɔ a rèsii nya yɛɛ lɔɔ lɛ nkɔ̀nkɔn lɛ ɓyɛn ɓi ɓɛ funɛɛ ɓi ɓìnùn, nsoò ɓìnùn ɓyɔmiɗ, ɓi ri nya rì bimiɗ à rìɓa àdɛŋ?

1 KƆ̀RƐ̀ŊTYƐŊ 11:22

Ɓì yin gi ri mɛɛ mɛ ɓì rì lɛ ɓì kì lɛ, ɓì ɗi, ɓì nɔ wɔɔ? Gìn kìseŋi ki Bɛ̀ll kɛɛ̀ki ɓi sɛɛsɛɛ̀tì, ɓì ki kɔ̀nkɔn lɛ ɓi woòwògsì ɓumɓɛ ɓɛ ri kɛ̀ɛ̀ com ǹtoòrìɗ? Nni cɛ kɛɛ̀ki nkpaa min mini! Ǹghɛ̀ɛ̀sɛɛ nya lɛ nsɛg mìni? Àg! Mɛ̀ ǹ-yin lɛ ǹsɛg mìni ɓi kìɓan kiǹ.

1 KƆ̀RƐ̀ŊTYƐŊ 12:2

Ɓì yii lɛ, cààmɛ̀n ki ɓì ɓaghà di ɓì ka yi ɓi Bɛ̀ll, ɓɛ syoŋsyòŋgà mìni lɔŋ lɛ duri yaa tani, a ɓìnùn ɓi ɓi yin lɛ ɓi toòghrɛ̀n.

1 KƆ̀RƐ̀ŊTYƐŊ 15:50

Ɓɔɔsoŋ̀, com ki nkpaaghi ki ri lɛ: Ɓyom ɓi lɛ, rì mɛ̀mùù rì bwaɓ, ɓyaa teɗ ɓi gàɓ ɓi kìlɔ̀ŋ ki Bɛ̀ll, fɔɔnnɛ com ki ki ti ki wulàg ki yin lɛ ki ɓa rì gàɓ ɓi rìɓa ɗi lɛ com kɛ̀ kɛɛ̀ wu.

1 KƆ̀RƐ̀ŊTYƐŊ 7:29

Ɓɔɔsoŋ̀, com ki nkɔ̀nkɔn lɛ nkpaà ki ri lɛ, cààmɛ̀n ki ri kìden, à tumɛ̀n ɓigomìnɛ, ɓumɓɛ ɓɛ ri rì ɓɛ̀yiɓ, ɓɛ ghɛɛ̀sɛɛ kì ɓaà yɛ̀ɛ ɓɛ ri kɛ̀ɛ̀ ɓɛ̀yiɓ;

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

1 PYƐƐRI 2:10

mìni ɓɛ ɓì ɓaghà ɓi kìlɔ̀ŋ kii abɛ̀y, mìni yɛɛ ti kìlɔ̀ŋ ki Bɛ̀ll ɓigomìnɛ, mìni ɓɛ Bɛ̀ll àa nti kɛ̀ɛ rèsi ǹɗem wu nyìighnyìg a lɔ̀ŋkin abɛ̀y, ɓigomìnɛ, à mɛ wog mini nyìinyìg.