RÒMƐŊ 10:15 - Bafia Nouveau Testament

¹⁵ Nni lannɛ mum à rì ɓiì kɛ̀ɛ ki kpaakpaa di ɓɛ romi ɓi nyi? Fɛlɛ yɛ̀ɛ ki ri kìkànɛn lɛ: Ki rɔɔtɛɛ yɛ̀ɛ mɛ̀nɔ̀ɓɔ̀ lɛ u ghɛǹ ɓumɓɛ ɓɛ riì rì ɓɛ̀syeesyee ɓɛ ɓɛ̀ɓɔlɛ di ɓɛɛ yùyuiy.

RÒMƐŊ 10:15 ပူးပေါင်းရင်းမြစ်များ

MATYOO 9:38

Ɓɔ̀ŋzaaghna min ŋwaànɛ à rì rì mɛ̀saŋ lɛ a rom yì ɓɛ̀kìì-ɓìsay ɓi dɛm yiì ì mɛ̀saŋ.

LUKAS 10:1

Ajɛ̀m ìnɛn, Kan à ɓɔ̀ɔ̀dìghà ɓɛ̀yilàg ɓɛdɛŋ mɛ̀tin mɛraa rì ǹtɛ̀ɗ à log ɓɔ kì romì beèbɛ̀y ɓɛ̀sɛ̀ɛ̀ ɓɛɓɛɛ̀ ɓɛɓɛɛ̀, ɓi bàn rì ɓi jàŋ yicèm yi nyimiɗ à ghɛ̀ɛ̀sɛ̀ngà wɔɔ ki kɛ̀ɛ.

LUKAS 2:10

Kìɓan kifog ŋwaà-fìtom à kpaa ɓɔ lɛ: Kɛ̀ ɓi risì, ǹɗìì mìni rì syeesyee à ɓɔlɛ̀ ànɛ à rì ɓiì faa kìlɔ̀ŋ kìcèm coo kinyàà ɓi mɛ̀rem.

LUKAS 2:14

Rìkem ɗyɛɛ ki Bɛ̀ll ɓi ɗyoo ɓi ɗùm, fyòoog à ɓa rì ɓumɓɛ ɓi ziinɛ ɓɛ Bɛ̀ll à keesii.

LUKAS 8:1

Ajɛ̀m ìnɛn, Yeesus à kɛ̀ɛ̀kɛ̀ɛ̀ghà lɛ rì ɓi bàn rì ɓi ɓìlɔ̀ŋ, di a làalamɓɛ̀n à kakàlì Syeesyee à Ɓɔlɛ à kìlɔ̀ŋ ki Bɛ̀ll. A ɓaghà ǹɗaŋ lɛ rì ɓɛ̀yilàg ɓii ǹtɛ̀ɗ rì ɓɛɓɛɛ̀,

ZYAŊ 20:21

Yeesus à ɓììtì ɓɔ kìkpaà lɛ: Fyòoog a ɓa rì mìni. Fɛlɛ yɛ̀ɛ Tààta à romgày mɛ̀, mɛ̀ ǹɗomi girig mìni.

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

MƐ̀KÌKÌÌ MƐ ƁƐKƐ̀NÌ-FÌTOM 13:26

Ɓɔɔsoŋ̀! Mìni dòò yi Abiraham rì mìni ɓum ɓɛ zɛy ɓɛ ɓì ti ɓì risàg Bɛ̀ll, ɓɔlɛ à cɛɓ ànɛ, à rì ɓisu wis ɓɛsɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 1:15

Kìɓan kiǹ kɛɛ̀ki ǹɗì rì coo zày ìnɛ lɛ nghagsi girig mìni Syeesyee à Ɓɔlɛ, mìni ɓɛ ɓì rì a Rom.

RÒMƐŊ 15:20

Ǹfalɛ̀ngà mɛ̀ɛmiɗ rikem ɗi lɛ nkakali Syeesyee à Ɓɔlɛ lɔŋ ɓi jàŋ yi ɗii di Kiris ɗi ɓaghà di ɗi ka ɓuŋ̀ɗɛn ɓi, lɛ kɛ̀ɛ nki ɓa lɛ ǹtoŋ ɓi jàŋ inɛ ŋwaàdɛŋ à ɓaghà di à mɛ yàghɛn kitoŋ, wɔ̀lɛ lɔŋ yɛ̀ɛ ki ri kìkànɛn lɛ:

EFÈZYƐŊ 2:17

Fɔlɔɔ nnɛ Kiris à yùghà kì ghagsii Syeesyee à Ɓɔlɛ à fyòoog, a lɔ̀ŋkin, mìni ɓɛ ɓì ɓaghà fìràɓ ri Bɛ̀ll rì a Ɓɛ̀yudɛ̀n ɓɛ ɓɛ ɓaghà jàŋbog rì Bɛ̀ll.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

EFÈZYƐŊ 6:15

Terina rìfalɛ̀n ɗi ɓi rìghagsì ɗi Syeesyee à Ɓɔlɛ à fyòoog, ɓì waatɛ̀n ɗyɔ fɛlɛ yɛ̀ɛ gòò.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.