RÒMƐŊ 1:30 - Bafia Nouveau Testament

³⁰ rì ɓɛ̀ɓɔlɛ, rì mɛ̀wɔ̀wɔrì, ɓɛ ɓa ɓɛ̀bènàbena ɓɛ Bɛ̀ll, ɓɔ ɓɛ̀kaà-ɓìɓan, ɓɔ rì ɓìdaŋà rì kalɛn, ɓɛ womzɛ̀n ɓi rìkì ɗi kiɓe, ɓɛ ki ɓa ri ntoòtèɗ rì ɓɛ̀yalì ɓaa.

RÒMƐŊ 1:30 ပူးပေါင်းရင်းမြစ်များ

MATYOO 15:4

Lɛ Bɛ̀ll a kalag lɛ: Nyaasi soŋi ɓɛɛ̀ gaa, nni ŋwaànɛ à rì ɓiì cɛ̀mi seŋi nsoò lɛ jɛɛ, à ghɛ̀ɛ̀sɛɛ lɛ ɓɛ wey nyi.

MATYOO 16:21

Ɓi cààmɛ̀n kiǹ innɛ Yeesus à tumɛ̀ngà rìkakàlì ɗi ɓɛyilàg ɓii lɛ: Ki ghɛɛ̀sɛɛ lɛ, a kɛǹ a Yorisalɛm, a ghɛǹ mɛ̀tɔɓ lɛɛ̀gwey, ɓi ɓyàg ɓi ɓɛsɛ̀ɛ̀mɛn ɓɛ kilɔ̀ŋ, rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna. Ɓɛ ri wey nyi, à ki ghèmɓɛn ɓi ŋwos a kìraa.

LUKAS 21:16

Nsoò ɓɛ̀yalì ɓin, nsoò ɓɛ̀geni ɓin, nsoò boo yìn i mum, nsoò ɓɛ̀reŋkàŋ ɓin ɓɛ ri mìni ɓiì kàɓi, ɓɛ ki cuusi kigwey ki ɓi mìni.

ZYAŊ 7:7

Ziinɛ ì yin lɛ ì ɓèèzɛ̀n mìni wɔ̀lɛ mɛ̀ɛnɛ yɛɛ̀ ɓèeɓeèzɛ̀n, lɛ ǹti ǹkalàg lɛ, mɛ̀kìkii mɛ yɔ̀ mɛ rɔɔtɛɛ ɓì.

MƐ̀KÌKÌÌ MƐ ƁƐKƐ̀NÌ-FÌTOM 5:36

lɛ, ki ka finɛn ɓì yɛ̀ɛ ŋwaàdɛŋ lɛ Tedas à peeghày fɛ à yèèghyègsì ɓum lɛ nyii rì bimiɗ à mum à kpaŋ yɛ̀ɛ ɓum ɓɛ nɔɔ̀tìghà nyi nunùg ɓum ɓɛ̀hɔnɗɛ̀ɗ ɓɛnin, nni yɛ̀ɛ ɓɛ wolà ŋwaànɛ̀n ɓum ɓɛ̀cèm ɓɛ ɓɛ nɔɔ̀tìghà nyi ɓɛ sanì, com ki ɓɛ mɛɛ̀ kìghà kɔɔ duŋɛ̀n fɔlɔɔ.

RÒMƐŊ 2:17

Wàànɛ u reeghreŋ̀ɗɛ̀n lɛ muu Ɓɛ̀yudɛ̀n, ù ghɛɛ̀ghɛ̀gmɛ̀n ɓi ɓìdɔ̀gsɛna, ù saàsànɛ̀n lɛ ù rì ɓi rìghan ɗi Bɛ̀ll,

RÒMƐŊ 2:23

Ù kaàkàlɛ̀n lɛ ù rì rì ɓìdɔ̀gsɛna ɓi Bɛ̀ll, kìɓan kifog ù sòòsòòtì Bɛ̀ll ɗì rìkìkì ɗi ɓiɓan ɓi ɓìdɔ̀gsɛna ɓii ɓi gherɛɛ ɓi lɛ ɓɛɛ kilag.

RÒMƐŊ 3:27

Nni kìɓan aɗi kɛɛ̀ki ŋwaà rì lɛ à saàsànɛ̀n miì? Kìɓan ki saasanɛ̀n miì ki yin. Ɓisuucɛ? Ɓisuulɛ ɓɛ yii rìɓèŋ ɗi ɓiɗɔ̀gsɛna? Èe èe, lɔŋ ɓisuu righerɛ̀n.

2 KƆ̀RƐ̀ŊTYƐŊ 10:15

Ɓìsii yin ɓiì sɛɛghsɛɛ̀ghrɛ̀n tì ceesàg ǹɗèè ɓi kìsay ki ɓum ɓɛdɛŋ, kìɓan kifog tì rì rì ǹtyweeyi lɛ rìgherɛ̀n ɗin ɗi ri ɓiì tɔɔ̀, fɔlɔɔ nnɛ tì ɓiì kìi kisay ki ki ri ɓiì ghɛnɛɛ ɓi nyìinyìm wìn ki cee fɔlɔɔ, ɓi mɛ̀rèè mɛ Bɛ̀ll à faghà ɓìsi.

2 KƆ̀RƐ̀ŊTYƐŊ 12:20

Ɓisuulɛ ǹɗì rì mɛ̀riighrikì lɛ yɛ̀ɛ nkpaŋkpaŋ foo, kɛ̀ɛ mɓa lɛ, ǹtanɛ̀n mìni di ɓì yin ɓi nɗɛli wu nkɔ̀nkɔn lɛ ɓi ɓa miì. Nsoò lɛ mìni girig ɓì ghɛn mɛ̀ ɓi rìɓa ɗi ɗyɛ̀ kɛɛ̀ rɔɔ mini; fɔɔnnɛ nɗirisi lɛ: kɛ̀ ɓi ɓa ɓi ɓɛ̀paàzì, rì yɔ̀ɔ̀tì, rì kìnyɛn, rì tìkaŋ ti mɛkɔ̀ɔ̀, rì mɛ̀wɔ̀wɔrì, rì ɓɛ̀ɓɔlɛ, rì kalɛn, rì kìɓùùsì.

2 TÈSÀLÒNÌSYƐŊ 2:4

Ki ri ɗùù ri com kìcèm ki ɓɛɛ̀ ɓɔɔɓɔgsì ɓɛ rerèŋì lɛ bɛ̀ll, ki ràm ki kɛ̀n kì kɔ̀rii ɓi naà-Bɛ̀ll ìnɛ ì ki rì lɛ ì Bɛ̀ll, ki rɛsɛ̀n kɔmiɗ lɛ kɔ yɛɛ ri Bɛ̀ll.

2 TIMOTE 3:2

Ɓisuulɛ ɓum ɓɛ ri ɓa ɓɛ̀wemwèm, ɓɛ̀keesì-mɔ̀ɔ̀ni, ɓɛ ɓa ɓɛ̀daŋàdaŋa, ɓɛ ɓa ɓɛ̀kìì-kalɛn, ɓɛ feèfèngì Bɛ̀ll, ɓɛ kikì ɓɛ̀yalì ɓaa ntoòtèɗ, ɓɛ̀ kɛɛ̀ foŋ kirɔɔ ki ɓum ɓɛ kii ɓɔ, ɓɛ̀ kɛɛ̀ risi ɓyom ɓi ɓi ri kìcèlì.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

ZYAG 3:5

Com kìfog kɛɛ ri rì rìlemàg ɗi ɗi ri maa kìkàɓ ànɛ ɓi nyoo ì mum, kìɓan kifog ɗi ri lɛ ɗi sanɛ̀n lɛ ɗi ti ɗi kilàg ɓɛ̀gɛni-ɓiɓan; ɓì yii lɛ maa syeǹ à ɗuu à ti à ɗigsàg coo ìreɓ.

ZYAG 4:16

Kìɓan kifog mìniì kaakalɛ̀n ɓigomìnɛ ɓi ɓɔɔ ɓidaŋà ɓɛ mìni ɓi mɛ̀rem; rìkuu ɗi kalɛn ɗi fɔlɔɔ ɗi rɔɔtɛɛ ɓì.

2 PYƐƐRI 2:18

Ɓɛ ti ɓɛ kalàg ɓìɓan ɓi ɓidaŋà ɓi ɓi ri kɛ̀ɛ̀ ìsu, ɓɛ ɓaàdɛ̀n ɓi zày ì ɓìɓan ɓi tifin ɓi ɓi mɛ̀mùù lɛ ɓɛɛ yegsi ɓumɓɛ ɓɛ mɛɛ̀ sɔtɛ̀n yi ɓi nyìinyìm à ɓumɓɛ ɓɛɛ̀ ghɛghɛɓ ɓi rìɗim ɓi ɗùm;

ZYUUDƐ 1:16

Ɓumɓɛ̀n ɓɛ ri lɔŋ ɓɛ cɔɔ̀cɔ̀ɓɛ̀n rìɓa ɗyaa, ɓɛ̀ kɛɛ̀ wog kirɔɔ, ɓɛ kikì ɓìɓan lɔŋ yɛ̀ɛ mɛ̀rem maa mɛ feègh, ɓɛ kpaakpàà ɓìɓan ri kalɛn, ɓɛ ɗyɛɓsàg ɓumɓɛ ɓɛɛ̀ sìŋsiŋ kirɔɔ kidɛŋ a lɔ̀ŋkaa.