RÒMƐŊ 1:20 - Bafia Nouveau Testament

²⁰ À tumɛ̀n yɛ̀ɛ Bɛ̀ll à kìghà zi, mɛ̀ròŋa mii mɛ ɓum ɓɛ yin lɛ ɓɛ ghɛn lɛ, rì ìtèɗ wii wu wu ri fìɗyàɓ fikɔ̀ɔ̀, rì rìɓa ɗii ɗi àrì Bɛ̀ll, ɓyɛɛ̀ rèeresɛ̀n ɓi ɓyom ɓi à kìghà; fɔlɔɔ nnɛ ɓɛ yin ɗi com ki ɓɛ ri lɛ ɓɛ kpaa ki ki ki lɛ ɓɛɛ cenɛn ɓɔ.

RÒMƐŊ 1:20 ပူးပေါင်းရင်းမြစ်များ

MATYOO 5:45

di fɔlɔɔ nnɛ ɓi ɓa ɓɔn ɓɛ Seŋi wìn anɛ à rì ɓi ɗyoo ɓì ɗùm, lɛ nyii ti à lòmzàg ŋwos wii ɓisuu ɓiɓeɓtàg ɓi ɓum, rì ɓisuu ɓum ɓɛ syeesyee, à ki nɔsag ti bwey ɓisuu ɓumɓɛ ɓɛ ri lɛ saaɗ, rì ɓisuu ɓɛroɓɛ ɓɛ ri ɓìtɛ̀ŋtɛ̀ŋ.

MARIKUS 10:6

Wɔ̀lɛ a rìtumɛ̀n, yɛ̀ɛ Bɛ̀ll à kìghà ɓyom ɓìcèm, à kìghà lɛ, rì baŋì rì giɓ;

ZYAŊ 1:18

Mum à ka ghɛngà ɓi Bɛ̀ll, lɔŋ m̀bobog à Man à Bɛ̀ll ànɛ à rì jàŋbog rì Seŋi yɛɛ kighà lɛ ɓɛɛ yi nyi.

ZYAŊ 15:22

I ǹ-yùghà ɓi, kɛ̀ɛ nki tòòghrɛn ri ɓɔ, di ɓɛ yin lɛ ɓɛ ɓa rì bɛ̀lɛn; nni ɓigomìnɛ, ɓɛ yin ɗi com ki kpaayɛn ɓisuu kiɓe kaa.

MƐ̀KÌKÌÌ MƐ ƁƐKƐ̀NÌ-FÌTOM 17:29

Nni yɛ̀ɛ tì rì lɔɔ boo ì mum ì Bɛ̀ll, tì ghɛ̀ɛ̀sɛɛ ɓi kifèegh lɛ, Bɛ̀ll à rì lɛ à pisɛ̀n gol, nsoò mɔ̀ɔ̀ni, nsoò gɔ̀g yi ɓum ɓɔ yɛɛ soɓi rì ɗyomzɛ̀n ɗyaa.

MƐ̀KÌKÌÌ MƐ ƁƐKƐ̀NÌ-FÌTOM 22:1

Mìni ɓɛ̀geni ɓɛ̀m rì ɓɛ̀seŋi ɓɛ̀m, ɓigomìnɛ ramina mɛ̀reè, ɓi wog com ki ǹɗì lɛ ǹɗèsì mìni.

RÒMƐŊ 1:19

ɓisuulɛ, ɓìɓan ɓi ɓum ɓɛ ri rì ìtèɗ wulɛ ɓɛ yi ɓi ɓɛg ànɛ yɛ̀ɛ Bɛ̀ll, ɓi ri lɛ tɛntɛ̀ɛ̀n ɓi mis maa, lɛ Bɛ̀ll à rèsìghà ɓɔ ɓyɔ lɛ syeesyee.

RÒMƐŊ 16:26

kìɓan kifog nnyɛɛ mɛ rèsɛn ɓigomìnɛ ɓi ɓìɓan ɓi ɓɛ̀kpaŋzì-ɓìɓan ɓɛ kangà, lɔŋ yɛ̀ɛ Bɛ̀ll à fìɗyàɓ fikɔ̀ɔ̀ a tɔkà lɛ kɛɛ kilɛ̀n, fèg ànɛ̀n innɛ ɓɛ mɛ rèsi ɓilɔ̀ŋ ɓìcèm lɛ ɓyɛɛ gherɛn Bɛ̀ll ɓi ki kì nyi mɛ̀wog.

RÒMƐŊ 2:1

Fɔlɔɔ nnɛ wɛ̀ɛmiɗ anɛ u yɔ̀myɔm ɓum, ù yin ɗi com ki kpaayɛn ɓisuulɛ cààmɛ̀n ki u yɔ̀myɔm ɓɛro, kɛɛ̀ki u faafàlɛ̀n wɛ̀ɛmiɗ bɛ̀lɛn, lɛ wàànɛ u yɔ̀myɔm ɓum ù ti ù kìlàg girig ɓìɓan ɓi ɓɔɔ ti ɓɛ kilàg.

RÒMƐŊ 2:15

Ɓi rìkì ɗiǹ, ɓɛ resii yɛɛ lɔɔ lɛ ɓìdɔ̀gsɛna ɓi ri ɓɔ ɓìkànɛn ɓi nɗem; fɔlɔɔ nnɛ ǹɗem waa wu ɓi ɗùm wɛɛ̀ rèresi girig kìɓan kiǹ. Mɛ̀yitì maa mɛ kikì lɛ, ɗi ɗi yii mɛ fa ɓɔ zɔɔ, ɗi ɗi yii, mɛ kamɛ̀n rì ɓɔ.

1 KƆ̀RƐ̀ŊTYƐŊ 1:20

Nni ŋwaà ɗyomzɛ̀n im̀be? Ǹɗèsàg ɓìdɔ̀gsɛna im̀be? Nni ǹkìì-nyoey anɛ ɓi ziinɛ à rì fe? Bɛ̀ll à rèsìghà lɛ ɗyomzɛ̀n ɗi ɓumɓɛ ɓi ziinɛ ɗi ri kìyèg.

KÒLÒSYƐŊ 1:15

À rì kìfèèghrɛnà ki Bɛ̀ll ànɛ ɓum ɓɛ ghɛɛ ɓi, nyi tì Man à ǹtonto ànɛ ɓi ɓyom ɓìcèm ɓi Bɛ̀ll à kìghà.

KÒLÒSYƐŊ 2:9

Ɓisuulɛ rìɓa ɗìcèm ɗi Bɛ̀ll à rì ɗi yughà kì kɔ̀rii ɓi nyoo ì Kiris lɛ kɔɔ̀kɔɔ̀.

TIMOTE 1:17

Roànɛ a maà làlàmì cààmɛ̀n kìcèm ànɛ à yin lɛ à wu, roànɛ ɓum ɓɛ yin lɛ ɓɛ ghɛn, nyi yɛɛ ri m̀bobog à Bɛ̀ll ànɛ à ghɛ̀ɛ̀sɛɛ lɛ rì ǹnyaasɛ̀n, rì rìkem fìɗyàɓ fikɔ̀ɔ̀. Ààmɛ̀n.

TIMOTE 6:16

nyi cɛ̀ncii yɛɛ yin lɛ à wu, à kɔ̀kɔrii ɓi kìtɛɛtɛn ki mum à yin lɛ à kpaŋ wɔɔ, mum à ka ghɛngà ɓi nyi, nnyɛɛ ghɛɛ̀sɛɛ rì ǹnyaasɛ̀n, rì ìtèɗ fiɗyàɓ fikɔ̀ɔ̀. Ààmɛ̀n.

EBIREEGH 11:27

Lɛ rìgherɛ̀n innɛ à pɛ̀sɛ̀ngày a Egiɓtɛn, kɛ̀ɛ risi bim inɛ rìfòm ɗi ɓaghà lɛ ɗi wog, à sììrɛ̀ngà lɔŋ ɓi nɗɛli wii yɛ̀ɛ ɓɛɛ̀ kali lɛ, a seesee Bɛ̀ll ànɛ ɓaà ghɛn ɓi.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.