RÒMƐŊ 1:16 - Bafia Nouveau Testament

¹⁶ Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 1:16 ပူးပေါင်းရင်းမြစ်များ

MARIKUS 8:38

Ɓisuulɛ, ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ ɓi gbàà ì ɓum ì gɛɛ̀nɛ, ìnɛ ì rì ɓɛ̀kìì-kìɓe rì ɓɛ̀kìì-tìsɔ̀mɔ̀g, Man à mum à woogh gɛ girig nyi ǹtoòrìɗ, ŋwos anɛ à yùu gɛ ɓi rìkem ɗi Seŋi wìì, ǹɗaŋ ri ɓum ɓii ɓɛ titom ɓɛ ɓɛ ri ɓɛ̀tɛnɛn.

LUKAS 9:26

Ɓisuulɛ ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ, Man à mum à woogh gɛ nyi girig ǹtoòrìɗ yɛ̀ɛ à yùugɛy ɓi rìkem ɗii, rì ɗì Seŋì, rì ɗi ɓumɓɛ titom ɓɛ ɓɛ ri ɓɛ̀tɛnɛn.

ZYAŊ 7:35

Nni Ɓɛ̀yudɛ̀n ɓɛ tɔɔghrɛ̀ngà ɓɔmiɗ lɛ: Fennɛ àrì ɓiì kɛ̀ɛ ɓi ɗi lɛ tyɛ̀ ki ghɛn nyi? A kɛ̀n nya a Ɓɛ̀yudɛ̀n ɓɛ ɓɛ ri ɓɛ̀sààtɛn ɓi bàn yi Gìrɛg, à rèèrèsàg ɓumɓɛ ɓɛ ri Gìrɛg wɔɔ giǹ?

MƐ̀KÌKÌÌ MƐ ƁƐKƐ̀NÌ-FÌTOM 3:26

Mìni yɛɛ ri ɓumɓɛ asu ɓɛ Bɛ̀ll à ɓɔ̀ngà ǹkìì-kìsay wiì ɓisu waa, à rom yì nyi, lɛ a maŋ̀ mìni, di a ki lɛ mum bimiɗ ànɛ ɓi mìni a càɗ ɓìɓeɓtàg ɓii ɓi mɛkìkìì.

RÒMƐŊ 10:17

Fɔlɔɔ nnɛ rìgherɛ̀n ɗi ti ɗi fuughìì ɓi kìɓan ki ŋwaà woogh; nni kìɓan ki ɓɛ ti ɓɛ wokì, ki riì ɓi jɛ̀ɛ̀ ì Kiris.

RÒMƐŊ 15:19

rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.

RÒMƐŊ 15:29

Ǹ-yii lɛ, yɛ̀ɛ ǹɗi yù a lɔ̀ŋkin, ǹɗi yuiy rì ɓɛ̀mààgh ɓɛ̀cèm ɓɛ yɛ̀ɛ Kiris.

RÒMƐŊ 2:9

Rìkɛŋ ɗì mɛ̀riighrikì ɓi ri ɓiì sɛnì ɓi mum bimiɗ ànɛ à ti à kìlàg ɓìɓan ɓi ɓeɓtɛn, à tumɛ̀n lɛ muu Ɓɛ̀yudɛ̀n à kpaŋ lɛ ŋwaànɛ à yin muu Ɓɛ̀yudɛ̀n.

RÒMƐŊ 4:11

Fɔlɔɔ nnɛ ɓɛ faghà nyi kɛ̀rɛ̀n ɓi sìg à kìrèmzɛnà ki lɛ, à rì saaɗ à mum lɛ rìgherɛ̀n, cààmɛ̀n ki à ɓaghà di à ka kɛrɛn ɓi; kìɓan kiǹ kɛɛ̀ki à rì miì seŋi ɓum ɓɛ̀cèm ɓɛ ɓɛ gherɛɛ, nsoò ɓɛ̀roɓɛ ɓɛ yin ɓɛ kɛ̀rɛn, lɛ di ɓɛɛ ɓa lɛ saaɗ ɓi mis mɛ Bɛ̀ll.

1 KƆ̀RƐ̀ŊTYƐŊ 15:2

Syeesyee à Ɓɔlɛ ànɛ̀n innɛ ɓì ki rì ɓiì ghɛɛ̀ cɛɓ lɛ nyi, di ɓì ɓèŋi nyi lɔŋ yɛ̀ɛ ǹghagsìghà mìni nyi, kɛ̀ɛ̀ fɔlɔɔ, di rìgherɛ̀n ɗi ɓì gherɛ̀ngà ɗi ri kɛ̀ɛ̀ ìsu.

1 KƆ̀RƐ̀ŊTYƐŊ 2:2

Lɛ ǹɗengà ɓi nɗem wɛ̀m lɛ màa yi ɓi kiɓan kidɛŋ cààmɛ̀n kìcèm ki ǹɗì a lɔ̀ŋkin, i ki cee ɓi lɛ Yeesus Kiris, ki ki ɓa lɛ Yeesus Kiris ànɛ ɓɛ kpangà ɓi kɔrɔs.

1 KƆ̀RƐ̀ŊTYƐŊ 2:4

Rìrèsàg ɗyɛm̀, rì ɓìɓan ɓi Bɛ̀ll ɓi ǹkpaakpààghà, ɓi ɓaghà ɓi ri ɓɛ̀syeesyee ɓɛ jɛ̀ɛ̀ ɓɛ ɓɛ ti ɓɛ ɓalàg yì ɓi ɗyomzɛ̀n ɗi ɓum, ɗi ki syògi ɓɔ mɛ̀rem, ɓi ɓaghà lɔŋ ɓiɓan ɓi Ǹghay à Bɛ̀ll yɛɛ rerèsìghà saaɗ ànɛ miì, rì ìtèɗ wii.

1 KƆ̀RƐ̀ŊTYƐŊ 9:12

I ɓum ɓɛdɛŋ ɓɛ ri rì ìtèɗ wulɛ ɓɛ ɓoŋɓòŋ ɓìrɔɔ ɓidɛŋ a lɔ̀ŋkin, ɓìsi yaa ghɛ̀ɛ̀sɛɛ lɛ ti ɓiìsɛn kìkìi fɔlɔɔ, kìɓan kifog, ɓìsii tɔkà ɓi kiɓan ki tì ɓaghà rì ìtèɗ wulɛ ti tɔg; ɓìsiì ceecenɛ̀n lɔŋ mɛtɔɓ mɛ̀cèm lɛ tyɛ̀ ki naŋ kiɓan kidɛŋ ki ki ri lɛ ki nyug Syeesyee à Ɓɔlɛ à Kiris.

1 KƆ̀RƐ̀ŊTYƐŊ 9:18

Nni mɛ̀lèɓ mɛm̀ mɛ ri min lɛ cɛ? Mɛ ri kìnyàà ki lɛ nghaàghàgsì Syeesyee à Ɓɔlɛ kɛ̀ɛ̀ mɛ̀lèɓ, kɛ nki tɔg com rì ɓìrɔɔ ɓi Syeesyee à Ɓɔlɛ nyimiɗ a faa mɛ̀ ìtèɗ wulɛ mɓa rì ɓyɔ.

2 KƆ̀RƐ̀ŊTYƐŊ 2:12

Yɛ̀ɛ ǹkpagà a Tirowas lɛ nghagsi Syeesyee à Ɓɔlɛ à Kiris wɔɔ, ki soo ɓaghà lɛ Kan à nɛmgà mɛ̀ bee lɛ syeesyee lɛ nki kìsay kiǹ wɔɔ.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

2 KƆ̀RƐ̀ŊTYƐŊ 9:13

Ɓisuulɛ gɛɓsɛ̀n ìnɛ kìsay kiǹ ki ri rì yɔ̀, ɓum lɛɛ̀gwey ɓɛ ri fa Bɛ̀ll rìkem, ɓi mɛ̀wog mɛ ɓì rì rì mɔ ɓi Syeesyee à Ɓɔlɛ à Kiris ànɛ ɓi làalamɓɛ̀n, rì ɓi rìɓòò ɗin ɗi ɗyɛɛ̀ kìki lɛ, ɓi ɓutɛn rì ɓɔ, ɓì ki ɓùtɛn ɗi ɓum ɓɛ̀cèm.

GÀLAT 1:7

Ɓi saaɗ Syeesyee à Ɓɔlɛ àdɛŋ à yiìdi wɔɔ, kìɓan kifog ɓum ɓɛdɛŋ ɓɛɛ̀ ɓùuɓuùsì mìni, ɓɛ kaakàà lɛ ɓɛɛ ruùsi Syeesyee à Ɓɔlɛ à Kiris.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

TIMOTE 1:11

Ɓìɓan ɓiǹ ɓyɛɛ̀ɓi Syeesyee à Ɓɔlɛ à ǹkeŋkèmì à Bɛ̀ll ànɛ à rì ǹtin wu ɓɛmààgh a rèrèsì. Syeesyee à Ɓɔlɛ ànɛ̀n nnɛ ɓɛ reɓsɛ̀ngà rì mɛ̀.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

2 TIMOTE 1:16

Kan à ghɛ̀ɛ̀sɛɛ kì rèsii ǹɗem wii wu nyìinyìg ɓi naa ì ɓum ì Onezifɔɔr ɓisuulɛ ɓyaàmɛ̀n lɛɛ̀gwey, a fɔɔsag mɛ nɗem, kɛ̀ɛ wog ntoòrìɗ ri naà-zày ìnɛ ǹɗì miì.

2 TIMOTE 1:8

Fɔɔnnɛ kɔ̀ɔ wog ntoòrìɗ lɛ u tɛɛ̀zi kìɓan ki Kan wìs, nsoò lɛ ki màànɛ ǹɗì kìmbùŋ ɓisu wii. Kìɓan kifog ɓi-tèɗ wu Bɛ̀ll, wogha rìkɛŋ ɓisuu Syeesyee à Ɓɔlɛ ǹɗaŋ ri mɛ̀,

EBIREEGH 4:12

Lɛ jɛ̀ɛ̀ ì Bɛ̀ll ì rì cencem, ì ki ɓa ri ìtèɗ, ì poo ì cee gàfàg ìnɛ ì rì ǹghɛliyɛn ɓɛɓɛg ɓɛ̀cèm. Yɛ̀ɛ ɗiɗiŋi mum ɓi nɗem à kpaŋ ɓi jàŋ inɛ cɛɓ ki mum rì nghay wii ɓi rarɛɛ; ì ɗiŋì ì kpaŋ ɓi rìràrɛ̀n ɗi gòga rì ɓɛ̀ɓɔ̀ŋ ɓɛ ɓiwoɓ. Yɛ̀ɛ rèresi nkòo rìkɔ̀n ɗi mum rì mɛ̀yitì mɛ mɛ ri nyi ɓi nɗem, ɓi ri lɛ syeesyee.

1 PYƐƐRI 4:16

wɔ̀lɛ i ki ri lɛ ɓi wowog ntɔɓ ɓi ɗii ɗi lɛ kìristɛ̀n, kɛ̀ ɓi wog ntoòrìɗ, ɓì ghɛ̀ɛ̀sɛɛ lɔŋ ki kemzii Bɛ̀ll ɓisuu ɗii ɗìn.