RÒMƐŊ 1:14 - Bafia Nouveau Testament

¹⁴ Ɓisuulɛ ǹɗì rì ǹtɛ̀g wulɛ nkɛǹ a ɓum ɓɛ̀cèm, a ɓɛ̀roɓɛ ɓɛ yii cɛɓ rì a ɓɛ̀roɓɛ ɓɛ ka yi ɓi cɛɓ, a ɓɛ̀yiì-ɓìɓan, rì a ɓumɓɛ ɓɛ yii ɓi com.

RÒMƐŊ 1:14 ပူးပေါင်းရင်းမြစ်များ

MATYOO 11:25

Nni ɓi cààmɛ̀n kiǹ, Yeesus à pɛ̀sìghà ɓìtòkì à kpaa lɛ: Tààta, wàànɛ ù lamii lɛ rì ɗyoo rì zi, ǹfaa wɔ̀ ɓìtògsɛ̀n ɓisuulɛ ù nyamgàkà ɓɛ̀yiì-ɓìɓan rì ɓum ɓɛ ɗyomzɛ̀n ɓìɓan ɓi, ù rèsì ɓɔɓti ɓɛsàg ɓyɔ.

LUKAS 10:21

Ɓi cààmɛ̀n kɔm̀ kiǹ, Kìtɛntɛ̀ɛ̀n ki Nghay ki kìghà lɛ Yeesus a wog kìrɔɔ lɛɛ̀gwey, à ki kpaa lɛ: Tààta, wàànɛ ù làmii lɛ, rì ɗyoo rì zi, ǹfaa wɔ̀ ɓìtògsɛ̀n lɛ ù nyamgàkà ɓɛ̀yiì-ɓìɓan, rì ɓum ɓɛ ɗyomzɛ̀n ɓìɓan ɓi; rì tì lɛ, ù kìghà lɛ ɓyɛɛ yilɛn a ɓɔɓti ɓɛsàg. Ɛ̀ɛ̀ Tààta, ǹtògsaagh yɛ̀ɛ ki nɗɔɔ wɔ̀ lɛ kɛɛ kilɛn fɔlɔɔ.

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 28:2

Ɓumɓɛ ɓi kìrìŋ kiǹ ɓɛ ghaɓkà ɓìsi rì geesɛ̀n lɛɛ̀gwey; yɛ̀ɛ bwey ì sɛngà, kìfɛɓ ki ki kìki lɛɛ̀gwey, ɓɛ ghɛŋzɛ̀ngà coo kikaŋì ki ɗuu, ɓɛ reŋì ɓìsi lɛ, ti kɛǹ kì woògh ɓìsiìcèm.

MƐ̀KÌKÌÌ MƐ ƁƐKƐ̀NÌ-FÌTOM 28:4

Yɛ̀ɛ ɓumɓɛ ɓi kìrìŋ ki riɓày kiǹ ɓɛ ghɛngà di nyoo ìnɛ̀n ì fyufyuŋii Pol fɔlɔɔ ɓi càg, nni ɓɛ tumɛ̀ngà rìkpaakpàà lɛ: Ki ri lɔŋ saaɗ lɛ ŋwaànɛ à rì ǹwolì-ɓum. Ɓisuulɛ, rìren ɗi ɓiɓan ɗi Bɛ̀ll ɗi ghɛɛ lɛ, kɛ̀ɛ ɓati ɓi cɛɓ, nsoò yɛ̀ɛ à ghɛɓiì rìwu ɓi rìɓày.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 1:22

Ɓɛ sasànɛ̀n lɛ ɓɛ wom̀zɛɛ, kɔlɛ ɓɛ ri ɓìyèg.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 12:16

Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.

RÒMƐŊ 13:8

Kɛ̀ ɓi ɓa mum rì pon i ki yin lɛ pon anɛ lɛ ɓi kɔnɛn mìni rì mìni; lɛ ŋwaànɛ à keesii romum, à mɛ roozi ɓidɔ̀gsɛna yɛ̀ɛ kɛɛ̀ kɔ̀nkɔ̀n.

RÒMƐŊ 16:19

Ɓi san ànɛ a lɔ̀ŋkin, ɓum ɓɛ̀cèm ɓɛ yii mɛ̀wog mɛ ɓì rì rì mɔ ɓi ɓɛg ànɛ yɛ̀ɛ Kan, ǹɗem wɛ̀m wɛɛ̀ pupuɓ ri mìni, fɔɔnnɛ kɛɛ̀ kɔ̀nkɔn mɛ lɛ ɓi ɓa rì ɗyomzɛ̀n ɓi rìkì ɗi kirɔɔ, ɓì ki ɓa ɓɛtɛnɛn ɓi rìlɛg ɗi kiɓe.

RÒMƐŊ 8:12

Nni fɔɔnnɛ mìni ɓɔɔsoŋ̀, tì rì rì pon, nni wɔ̀lɛ pon anɛ̀n à yin pon anɛ rì mɛ̀mùù lɛ ti ɓa ɓɛ̀tiniyɛn lɛ ti ghɛɓ cɛɓ ki mɛ̀mùù mɛɛ̀ kɔ̀nkɔ̀n.

1 KƆ̀RƐ̀ŊTYƐŊ 14:11

Nni fɔlɔɔ yɛɛ ri min lɛ, i màa rɔ̀ɓ kɛ̀ɛ nwog kitòkì ki ɓɛɛ̀ tòtog mɛ miì, ǹɗì ɓiì ɓaà kìgbɔ̀mgbɔ̀m ɓi mis mɛ ŋwaànɛ a tòtog ri mɛ̀, nyii ɓa girig kìgbɔ̀mgbɔ̀m ɓi mis mɛ̀m.

1 KƆ̀RƐ̀ŊTYƐŊ 14:16

Ɓisuulɛ i u fafa Bɛ̀ll ɓìtògsɛ̀n ɓi nghay wɔ rì wɔ, lannɛ ŋwaà zɛ̀y ànɛ à kɔ̀kɔrii ǹɗaŋ ri ɓumɓɛ ɓɛɛ̀ wowòg à rì lɛ à kpaa lɛ ààmɛ̀n ɓi ɓìtògsɛ̀n ɓi ù faa Bɛ̀ll kɔlɛ à yii ɓi com ki ù kpaa?

1 KƆ̀RƐ̀ŊTYƐŊ 2:13

Nni ɓìsii yin ɓiì kpaakpaa kiɓan ki rì jɛ̀ɛ̀ yi tì teriì ɓi ɗyomzɛ̀n ɗi ɓum; ti kpaakpaa lɔŋ kɔ rì jɛ̀ɛ̀ yi Ǹghay a rèresi ɓisi, tì ki rèresi ɓumɓɛ ɓɛ ri rì Ǹghay ànɛ̀n ɓɛ̀saaɗ ɓɛ ɓi ɓìɓan ɓi ɓi Nghay lɛ tɛntɛ̀ɛ̀n.

1 KƆ̀RƐ̀ŊTYƐŊ 3:18

Mum kɛ̀ɛ pwààrɛn, i ŋwaàdɛŋ ànɛ ɓi mìni a fèfeg lɛ nyii ri rì ɗyomzɛ̀n ɗi ɓi ziinɛ, à ghɛ̀ɛ̀sɛɛ ki ghalì kìyèg lɛ di a ɓa min ɗi ɗyomzɛ̀n.

2 KƆ̀RƐ̀ŊTYƐŊ 10:12

Ɓìsii ghɛɛsii ɓi lɛ ti teɗ ǹɗɛli, nsoò lɛ ti feèghrɛn ɓìsiìɓɔmiɗ ri ɓum ɓɛdɛŋ, ɓɛ ɓɛ ti ɓɛ sɛɛghràg ɓɔmiɗ. Wɔ̀lɛ ɓɛ ri ɓìyèg yɛ̀ɛ ɓɛ ti ɓɛ feèghràg ɓi vèg ìnɛ ɓɔmiɗ ɓɔ yɛɛ rɛsii, ɓɛ ki teɗ ɓɔmiɗ ɓi sìg à vèg ìnɛ ɓum ɓɛ ghɛɛ̀sɛɛ kìfèèghrɛɛ ri yɔ̀.

2 KƆ̀RƐ̀ŊTYƐŊ 11:19

Mìni ɓɛ ɓì rì ɓum ɓɛ ɗyomzɛ̀n, ɓì ti ɓì cenàg lɛ ɓi kɔri rì ɓumɓɛ ɓɛ ri ɓìyèg, kɛ̀ kɛɛ̀ yeesi mini.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.

2 TIMOTE 2:10

Kìɓan kiǹ kɛɛ̀ki nceecenɛ̀n mɛ̀tɔɓ mɛ̀cèm ɓisuu ɓumɓɛ ɓɛ ri ɓɛ̀ɓɔ̀nɛn lɛ di ɓɔ girig ɓɛɛ ɓa rì cɛɓ ki ki ri ɓi Yeesus Kiris bas rì rìkem ɗi fiɗyàɓ fikɔ̀ɔ̀.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.