ÀPÒKÀLIƁSƐ̀ 22:5 - Bafia Nouveau Testament

⁵ Ìru waa ɓati ɓi, ɓumɓɛ̀n ɓɛ̀ kɛɛ̀ ɓati ri zày ì kìtɛɛtɛn ki lamɓà, nsoò ki ŋwos ɓisuulɛ Kan Bɛ̀ll à rì ɓɔ ɓiì kpeekpeŋzì rì kìtɛɛtɛn kii, fɔɔnnɛ ɓɛ ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 22:5 ပူးပေါင်းရင်းမြစ်များ

MATYOO 19:28

Yeesus à ɓàg ɓɔ lɛ: Ǹkalii mìni ɓi saaɗ lɛ, yɛɛ Man à mum à kɔ̀rii gɛ ɓi-kɔ̀ɔ̀ wii wu rilàmì wu rikem, ɓi cààmɛ̀n ki ɓyom ɓìcèm ɓi sugtii gɛ ɓɛ̀nyɔɔnyɔn ɓɛ ɓyom, mìni ɓɛ ɓì nɔ̀ɔ̀tìghà mɛ̀, ɓì kɔ̀rii gɛ girig ɓi mɛ̀kɔ̀ɔ̀ mɛ rilàmì ǹtɛ̀ɗ rì mɛɓɛɛ̀, lɛ ɓi yɔm̀ mɛ̀pwìɗ mɛ Isirayɛl ntɛ̀ɗ ɗì mɛɓɛɛ̀.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

MATYOO 25:46

Fɔɔnnɛ ɓumɓɛ̀n ɓɛ teri gɛ deɓ yi fiɗyàɓ fikɔ̀ɔ̀, wɔ̀lɛ ɓum ɓɛ saaɗ ɓɔɔ teɗ cɛɓ ki fiɗyàɓ fikɔ̀ɔ̀.

RÒMƐŊ 5:17

I rìnàn ɗi kibog ki mum ɗi kighà lɛ rìwu ɗyɛɛ̀ ragɛn, lɛ kìbog ki mum kìn, bɔ̀ɓ yaŋ ri ɓumɓɛ ɓɛɛ̀ teki lɛ rì geesɛ̀n yìì inɛ ì tèghɛɛ, rì rìɓòò ɗi ɓi rìren ɗii ɗi ɓiɓan, ɓɛ ri kì lɛ, ɓɛ ghɛɓ, ɓɛ ki làmi lɛ m̀bobog à mum ànɛ lɛ Yeesus Kiris.

2 TIMOTE 2:12

I tì sììrɛɛ tyɛ̀ ki càrɛn lɛ mɛ̀tɔɓ, tì rì ɓiì làmii girig nɗaŋ ɗi nyi; I tì roòzɛɛ nyi, nyii roòzɛɛ gɛ girig ɓìsi.

ÀPÒKÀLIƁSƐ̀ 11:15

Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 18:23

kìtɛɛtɛn ki lamɓà kaa ghɛnɛɛ gɛ tì ɓi foo, ɓɛ ki wogtii gɛ ɓi jɛ̀ɛ̀ ì ǹwɔlì giɓ rì gil foo. Ɓisuulɛ ɓɛ̀kìì-dùne ɓɔɔ ɓɛ ɓaghà ɓìtèetèɗ ɓi ɓi ziinɛ, rì tì lɛ, ù yègsìghà ɓìlɔ̀ŋ ɓìcèm rì mɛ̀ghèy mɔɔ mɛ kifuu,

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 20:6

Ɓumɓɛ ɓɛ ri rì gàɓ ɓi rìghèmɓɛ̀n ɗi ɓiloŋ ɗi ǹtonto, ɓɛ ri ɓɛ̀mààghmaagh, ɓɛ ki ɓa ɓɛtɛnɛn; rìwu ɗi kiɓɛ̀ɛ̀ ɗi yiìdi ri ìtèɗ ɓi ɓɔ; ɓɛ ri ɓiì ɓaà ɓɛ̀pìrɛɛtìrɛ̀ ɓɛ Bɛ̀ll rì ɓɛ Kiris, ɓɛ ki làmi nɗaŋ ɗi nyi bèg tɔɔsìm.

ÀPÒKÀLIƁSƐ̀ 21:11

Kìtɛɛtɛn ki rigwey ɗi Bɛ̀ll ki lonlòmgà ɓi bàn ìnɛn; rìlòm ɗi ì lònlòmgà ɗi ɓaghà yɛ̀ɛ gɔ̀g ì ŋwèrim-ŋwèrim, ɗi ɓa tì yɛ̀ɛ gɔ̀g ìnɛ lɛ zyaspɛ̀ ìnɛ yɛɛ̀ lònlom yɛ̀ɛ kìpɛsà ki ŋwii.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.