ÀPÒKÀLIƁSƐ̀ 20:4 - Bafia Nouveau Testament

⁴ Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 20:4 ပူးပေါင်းရင်းမြစ်များ

MATYOO 19:28

Yeesus à ɓàg ɓɔ lɛ: Ǹkalii mìni ɓi saaɗ lɛ, yɛɛ Man à mum à kɔ̀rii gɛ ɓi-kɔ̀ɔ̀ wii wu rilàmì wu rikem, ɓi cààmɛ̀n ki ɓyom ɓìcèm ɓi sugtii gɛ ɓɛ̀nyɔɔnyɔn ɓɛ ɓyom, mìni ɓɛ ɓì nɔ̀ɔ̀tìghà mɛ̀, ɓì kɔ̀rii gɛ girig ɓi mɛ̀kɔ̀ɔ̀ mɛ rilàmì ǹtɛ̀ɗ rì mɛɓɛɛ̀, lɛ ɓi yɔm̀ mɛ̀pwìɗ mɛ Isirayɛl ntɛ̀ɗ ɗì mɛɓɛɛ̀.

MATYOO 24:10

Kìɓan kiǹ ki ɓiì kɛ̀ɓtii ɓum lɛɛ̀gwey fiɓàg, ɓɛ tɔɔ̀tɔ̀kɛ̀n ɓɔ rì ɓɔ, ɓɛ ki ɓigti bènà ɓi nyìinyìm wàà.

MARIKUS 6:16

Yɛ̀ɛ Eroodɛ à wokà gɛ mɛ̀kali anɛ̀n bimiɗ, nni à kpaaghà lɛ: Zyaŋ ànɛ mɛ̀ɛ ǹɗeɓsii lɛ ɓɛɛ ren ǹto nnyɛɛ ghemɓɛɛ!

MARIKUS 6:27

Fɔɔnnɛ ɗi ghaskà ki romì sujàà ɗi tɔg lɛ, a yuiy nyi rì nto wu Zyaŋ Bàɓtis.

MARIKUS 9:11

Nni ɓɛ̀yilàg ɓɛ tɔkà Yeesus lɛ: Ɓisuucɛ nnɛ ɓɛ̀rèsàg-ɓìdɔ̀gsɛna ɓɛ ti ɓɛ kpaaghì lɛ, Eli à ka rì ɓiì yùu?

LUKAS 1:17

À ɓiì loògh kisyòŋi Bɛ̀ll bee à ɓa lɛ rì nghay, rì ìtèɗ wu Eli, lɛ a ki lɛ, ɓɛ̀seŋi ɓɛɛ woòghrɛn tì rì ɓɔn ɓaa, ɓɛ̀roɓɛ ɓɛ ri rì ǹtogwey ɓɛ ɓa tì rì ɗyomzɛ̀n ɗi ɓum ɓɛsaaɗ, à ki pègsɛn Kan kìlɔ̀ŋ ki ki ri kìɓùŋɛn lɛ kɛɛ ghaɓ nyi.

LUKAS 14:14

Fɔɔnnɛ ù rì ɓiì ɓaà rì ɓɛ̀mààgh ɓisuulɛ ɓumɓɛ̀n ɓɛ yin ɗi ìtèɗ wulɛ ɓɛ leɓ wɔ̀ rìkì ɗiǹ, fɔɔnnɛ ù teri gɛ mɛ̀lèɓ ŋwosi righèmɓɛ̀n ɗi ɓilòŋ ɗi ɓumɓɛ ɓɛ ri lɛ saaɗ.

LUKAS 22:30

fɔlɔɔ nnɛ ɓì ɓiì kìi lɛ ɓì ɗi, ɓì ki nɔ ɓi kìkpanà kɛm̀ ɓi kìlɔ̀ŋ kɛm̀, ɓì ki kɔ̀ri ɓi mɛ̀kɔ̀ɔ̀ mɛ rilàmì, lɛ ɓi yɔm̀ mɛ̀pwìɗ ǹtɛ̀ɗ rì mɛɓɛɛ̀ mɛ a Isirayɛl.

ZYAŊ 14:19

Cààmɛ̀n lɛsàg ziinɛ yàa ghɛɛ̀di ɓi mɛ, lɔŋ mìni yɛɛ ri mɛ̀ ɓiì seesee ɓisuulɛ ǹɗì cem, nni mìni girig ɓì ɓiì ɓaà rì cɛɓ.

RÒMƐŊ 11:15

Ɓisuulɛ rìkɛ̀n ɗyaa ɗi ɓi nwɔŋì ɗi kighà lɛ ziinɛ yɛ̀ɛ rarɛn tì rì Bɛ̀ll; nni cɛ kɛɛ ri min ɓiì kìlɛɛ di ɓɛ sugtii yì? Fɔlɔɔ a ɓiì ɓaà cɛɓ ki ki yuu ɓisuu ɓilòŋ.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

2 TIMOTE 2:12

I tì sììrɛɛ tyɛ̀ ki càrɛn lɛ mɛ̀tɔɓ, tì rì ɓiì làmii girig nɗaŋ ɗi nyi; I tì roòzɛɛ nyi, nyii roòzɛɛ gɛ girig ɓìsi.

ÀPÒKÀLIƁSƐ̀ 1:2

Zyaŋ ànɛ̀n yɛɛ kalìghà ɓìɓan ɓìcèm ɓi à ghɛngà, fɔɔnnɛ à ghagsìghà jɛ̀ɛ̀ ì Bɛ̀ll rì ɓìɓan ɓi saaɗ ɓi Yeesus Kiris à rèsìghà nyi.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 11:11

Ajɛ̀m ì mɛ̀ru mɛ kiraa rì kìden mɛ̀n, ǹghay àdɛŋ ànɛ à rì nghay à cɛɓ à pɛ̀sɛ̀ngày yɛ̀ɛ Bɛ̀ll, à ɗiŋì ɓi ɓɔ, ɓɛ ki pɛ̀sɛn aɗyoo, ɓɛ rɛlì mɛ̀rɛy, fɔɔnnɛ coo iris wu ɓangà ɓumɓɛ ɓɛ seesèèghà ɓɔ.

ÀPÒKÀLIƁSƐ̀ 11:15

Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 11:3

Fɔɔnnɛ ǹfaa gɛ ɓɛ̀wusìnɛ̀ɗ ɓɛm ɓɛ kiɓɛ̀ɛ̀ ìtèɗ wulɛ ɓɛɛ kpaŋzi ɓìɓan ɓi Bɛ̀ll mɛ̀ru tɔɔsìm ɓɛ̀hɔnɗɛ̀ɗ ɓɛɓɛɛ̀ rì mɛ̀ru mɛ̀tin mɛraa.

ÀPÒKÀLIƁSƐ̀ 11:7

Yɛ̀ɛ ɓɛ ɓaa gɛ di ɓaa lègsi ki rèsii ɓiɓan ɓi ɓɛ yùu gɛ kì rèsii, fɔɔnnɛ nyàm ìnɛ ì kpaŋiì gɛ ɓi rìɓee ɗi rim ì faa gɛ ɓɔ rìbaŋì, ì cee ɓɔ ɓi-tèɗ, ì ki cuusi ɓɔ.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.

ÀPÒKÀLIƁSƐ̀ 14:11

Fìsilì fi ɗuu ɗi ɗyɛɛ̀ ɗiighɗigsì ɓɔ fyɛɛ̀ syoosyoo fiɗyàɓ fikɔ̀ɔ̀. Yɛ̀ɛ ìru yɛ̀ɛ ŋwos, rìfɔɔsɛ̀n ɗyaa ɓa ɓi ɓisuu ɓumɓɛ ɓɛ ɓɔgsìghà lɛ rì nyàm rì kìfèèghrɛnà ki yɔ̀, rì ɓisuu mum bimiɗ ànɛ à tekà kìrèmzɛnà ki ɗii ɗi nyàm ìnɛn.

ÀPÒKÀLIƁSƐ̀ 15:2

Nni ǹghɛngà di ɓumɓɛ ɓɛ yakà lɛ rì nyàm, rì kìfèèghrɛnà ki yɔ̀, rì bàlì ì ɗii ɗi nyàm ìnɛn. Ɓumɓɛ̀n ɓɛ rɛrɛ̀lìghà ɓi com ki kèleŋ̀ŋ̀ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, m̀ɓùtakɛn ɗi ɗuu, ɓɛ ɓanɓàn tìloŋ ti Bɛ̀ll à faghà ɓɔ.

ÀPÒKÀLIƁSƐ̀ 17:8

Nyàm ìnɛ wàa ghɛɛ, ì ɓaghà nni ì yiìdi. Ì rì ɓiì kpaŋìì ɓi coo riɓee ɗi rimɛn, ì kɛ̀n kì ɗyaŋì. Nni ɓumɓɛ ɓi ziinɛ, ɓɛ mii maa mɛ ɓaghà ɓi mɛ kànɛn ɓi kaàtà à cɛɓ, à tumɛ̀n yɛ̀ɛ ziinɛ ì kìlɛ̀ngà, ɓɛ ri kuuràg di ɓɛ ghɛɛ nyàm ìnɛn, ɓisuulɛ ì ɓaghà, nni ì yiìdi, nni ì ki rì ɓiì sugtii yi tì.

ÀPÒKÀLIƁSƐ̀ 2:26

Ŋwaànɛ à ɓiì yagsaagh à ɓèŋ mɛ̀kìkìì mɛ mɛ ti mɛ kɔngì mɛ̀ à kpaŋ a rìsugtɛ̀n innɛ ǹɗì ɓiì faà ìtèɗ wu a lami ɓìlɔ̀ŋ.

ÀPÒKÀLIƁSƐ̀ 20:6

Ɓumɓɛ ɓɛ ri rì gàɓ ɓi rìghèmɓɛ̀n ɗi ɓiloŋ ɗi ǹtonto, ɓɛ ri ɓɛ̀mààghmaagh, ɓɛ ki ɓa ɓɛtɛnɛn; rìwu ɗi kiɓɛ̀ɛ̀ ɗi yiìdi ri ìtèɗ ɓi ɓɔ; ɓɛ ri ɓiì ɓaà ɓɛ̀pìrɛɛtìrɛ̀ ɓɛ Bɛ̀ll rì ɓɛ Kiris, ɓɛ ki làmi nɗaŋ ɗi nyi bèg tɔɔsìm.

ÀPÒKÀLIƁSƐ̀ 22:5

Ìru waa ɓati ɓi, ɓumɓɛ̀n ɓɛ̀ kɛɛ̀ ɓati ri zày ì kìtɛɛtɛn ki lamɓà, nsoò ki ŋwos ɓisuulɛ Kan Bɛ̀ll à rì ɓɔ ɓiì kpeekpeŋzì rì kìtɛɛtɛn kii, fɔɔnnɛ ɓɛ ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.

ÀPÒKÀLIƁSƐ̀ 4:4

Mɛ̀kɔ̀ɔ̀ mɛ rilàmì mɛdɛŋ rìtin ɗì mɛnin mɛ ceŋzɛ̀ngà ìkɔ̀ɔ̀ wu rilàmì wu ǹtonto; ɓìtùg ɓi ɓum rìtin ɗì ɓinin ɓi ɓaghà ɓìkɔ̀kɔriyɛn ɓi mɛ̀kɔ̀ɔ̀ mɛn, ɓi waatɛ̀n ɓìlàà ɓi puɓ, ɓyɔ tì rì ɓɛ̀tàm ɓɛ gol ɓi mɛ̀to.

ÀPÒKÀLIƁSƐ̀ 6:9

Yɛ̀ɛ Man à jɔ̀ɔ̀ à ŋwàɗkà sìtam̀ à kìtaǹ, nni ǹghɛngà mɛ̀ghay mɛ ɓumɓɛ ɓɛ cuusìghà ɓisuu jɛ̀ɛ̀ ì Bɛ̀ll, rì ɓisuu riɓa ɗyaa ɗi ɓɛ resìghà lɛ ɓɛ ri ɓɛ̀wusìnɛ̀ɗ ɓɛ Kiris. Mɛ̀ghay mɛ̀n mɛ ɓaghà ɓi jàŋ inɛ ɓɛ ntɔ̀ngì ɓìtuwe ɓi riɓɔgsì ɗi Bɛ̀ll fɛlɛ yì azi.

ÀPÒKÀLIƁSƐ̀ 7:3

Kɛ̀ ɓi kòm zi lɛ ɓi ki yɔ̀ kiɓe; nsoò rìɓày à kìkòn, nsoò ɓìte, di tì ka legsi ɓi kirèmzaagh mɛsu mɛ ɓɛ̀kìì-ɓìsay ɓɛ Bɛ̀ll wìs ri sìtam̀.