ÀPÒKÀLIƁSƐ̀ 18:20 - Bafia Nouveau Testament

²⁰ Wɔ̀ ɗyoo, ù rì lɛ ù sàmsàm ɓi rìɗyaŋ ɗi bàn ìnɛn ì ɗyaŋi, rì mìni ɓɛ̀gherɛ̀n, rì ɓɛ̀kɛ̀nì-fìtom rì ɓɛ̀kpaŋzì-ɓìɓan girig, ɓisuulɛ Bɛ̀ll à rɔ̀ŋi kìɓan kin yɛ̀ɛ à pɔnɔsii yɔ̀.

ÀPÒKÀLIƁSƐ̀ 18:20 ပူးပေါင်းရင်းမြစ်များ

EFÈZYƐŊ 2:20

Ɓì rì kìtoŋ ki ki ri kìyàghɛn yi ɓi kìsay ki ɓɛkɛ̀nì-fìtom, rì ki ɓɛkpaŋzì-ɓìɓan; Yeesus Kiris nyimiɗ a ɓa gɔ̀g ìnɛ ì ɓanɓani ntɔn à naa.

EFÈZYƐŊ 3:5

Bɛ̀ll à rèsìghà ɓi gbàà yi ɓum yi abɛ̀y ɓìɓan ɓi a rìnyam ɓìn yɛ̀ɛ à mɛ rèsi ɓyɔ ɓigomìnɛ lɛ, rì a ɓɛ̀kɛ̀nì-fìtom ɓii ɓɛ ɓɛ ri ɓɛ̀tɛnɛn rì a ɓɛ̀kpaŋzì-ɓìɓan, rì ìtèɗ wu Nghay.

EFÈZYƐŊ 4:11

Nnyɛɛ faghà ɓɛ̀ro ɓɛdɛŋ lɛ ɓɛɛ ɓa ɓɛ̀kɛ̀nì-fìtom, ɓɛ̀ro ɓɛmbog ɓɛ̀kpaŋzì-ɓìɓan, ɓɛmbog ɓɛ̀kalì-Syeesyee à Ɓɔlɛ, ɓɛmbog ɓɛ̀pàstɛɛ̀rì nsoò lɛ ɓɛ̀rèsàg.

2 PYƐƐRI 3:2

lɛ ɓi yiìyìtàg lɛ rì ɓìɓan ɓi ɓɛkpaŋzì-ɓìɓan ɓɛ ɓɛ ri ɓɛ̀tɛnɛn ɓɛ kpaaghà lɛ ɓi ɓiì kìlɛɛ, rì kìdɔ̀gsɛna ki Kan ànɛ à rì Ǹghɛɓsì-ɓum, kɛɛ̀ki ɓɛ̀kɛ̀nì-fìtom ɓin ɓɛ resìghà mìni.

ZYUUDƐ 1:17

Kìɓan kifog mìni ɓum ɓɛm ɓɛ nɗem, yitiina ɓìɓan ɓi ɓɛ̀kɛ̀nì-fìtom ɓɛ Kan wìs Yeesus Kiris ɓɛ kpaaghà mìni lɛ ɓi ri ɓiì ghɛnɛɛ.

ÀPÒKÀLIƁSƐ̀ 12:12

Kìɓan kiǹ kɛɛ̀ki ɗyoo, rì mìni ɓumɓɛ ɓì kɔ̀kɔrii aɗyoo, ɓì ghɛ̀ɛ̀sɛɛ kìnyàànyaa! Nyìighnyìg rì ziinɛ, ɗì rìɓày à kìkòn, ɓisuulɛ Satàn a mɛ sɛn yi a lɔ̀ŋkin, ǹwoghɛn coo bim lɛ à yii lɛ, cààmɛ̀n kii ki mɛ rɔ̀ɓ lɛsàg.

ÀPÒKÀLIƁSƐ̀ 18:6

Kìina nyi yɛ̀ɛ à kìghà mìni, ɓì lèɓ nyi rìkì ɗii gɛ̀n yiɓɛɛ̀ ɓi ɓeŋ ànɛ à fogà mìni mɛ̀rɔ̀g mii miì; càɓina nyi mɛ̀rɔ̀g miì gɛ̀n yiɓɛɛ̀.

ÀPÒKÀLIƁSƐ̀ 6:10

Ɓɛ nyàmgà jɛ̀ɛ̀ aɗyoo lɛ: Wɔ̀ Kan ànɛ ù rì ǹtɛnɛn, ù ki ɓa kɔɔ̀kɔɔ̀ à Bɛ̀ll, ù rì ɓiì ɓooɓoŋ̀zì ɓɛ̀yɔ̀m, ɗì rìrɔ̀ŋ ɗi bwaɓ yis yi ɓumɓɛ ɓi ziinɛ ɓɛ yogsìghà à kpaŋ fin?