ÀPÒKÀLIƁSƐ̀ 18:15 - Bafia Nouveau Testament

¹⁵ Ɓɛ̀kìì-dùne ɓɛ ɓɛ kumgà lɛ bàn ìnɛn, ɓɛ ri rɛlii fìràɓ, lɛ ɓɛɛ̀ ririsi ntɔɓ wu bàn ìnɛn; ɓɛ ri ɓiì rèni, ɓɛ waatɛ̀n ɓìlɛ̀ɓì;

ÀPÒKÀLIƁSƐ̀ 18:15 ပူးပေါင်းရင်းမြစ်များ

MARIKUS 11:17

Nni à rèrèsìghà ɓum di a kpaakpaa lɛ: Ki ri kì kànɛn lɛ: Naa yɛ̀m ì ɓiì ɓaà ɗii lɛ naà-bɔ̀ŋzɛ̀n ɓisuu ɓilɔ̀ŋ ɓìcèm. Kìɓan kifog, mìnii ghaasii yɔ̀ naa ì ɓɛ̀wiiwìì.

MƐ̀KÌKÌÌ MƐ ƁƐKƐ̀NÌ-FÌTOM 16:19

Yɛ̀ɛ ɓɛ̀masà ɓɛ giɓ anɛ̀n ɓɛ ghɛngà lɛ bee yaà ì rìfɔ̀n ìnɛn ì simɓɛɛ, nni ɓɛ ɓangà lɛ, rì Pol rì Silas, ɓɛ kɛǹ ɗì ɓɔ ɓi jàŋ ì ɓɛ̀yɔ̀m ɓi mis mɛ ɓɛyɔ̀mì-ɓìɓan.

ÀPÒKÀLIƁSƐ̀ 18:12

dùne ìnɛ̀n ì rì ɓyom mɛ̀kuu mɛ̀kuu, lɛ rì gol, rì swiɗ à mɔ̀ɔ̀ni, rì gɔ̀g yi ŋwèrim-ŋwèrim, rì tìcaka, rì syeesyee à kìrimitì, rì ɓìlàà ɓi ɓàŋ lɛ pɔŋŋ, rì silig, rì ɓi ɓi ri ɓìɓàŋ lɛ ɓùlùg-ɓùlùg; rì mɛ̀ɓam mɛ ɓite ɓi ɓi kaarɛɛ rì ɓyom ɓìcèm ɓi ɓɛ syaagh rì mam mɛ zòg, rì ɓi ɓɛ soɓi rì ɓìte ɓi syeesyee, rì ɓìcèm ɓi ɓɛ kiì rì rìkuu ɗi swiɗ ɗidɛŋ nsoò lɛ rì bɔŋ nsoò lɛ rì gɔ̀g yi ɗyɔ̀ɔ̀ɗyɔ̀ɔ̀gh;

ÀPÒKÀLIƁSƐ̀ 18:13

ɓìɓaaɓaa ɓi kite ki lɛ kanèlìyee rì ɓyom ɓi nùnnumɛn, rì tìrààre, rì rìkuu ɗi firu ɗi lɛ miìr, rì fìru fi lɛ àŋsaŋ, rì mɛ̀rɔ̀g, rì mɔ̀ɔ, rì fàriǹ ɗì rìkuu ɗi gèŋ ɗi ɓɛɛ̀ kìlag bìrɛs miì, rì ɓɛ̀sanìnya, rì jɔ̀ɔ̀, rì zòm yi kimbɛ̀rɛ̀, rì ɓyalig, rì ɓɛkpàn rì ɓyɛɓ ɓi ɓum.

ÀPÒKÀLIƁSƐ̀ 18:14

Ɓyom ɓìcèm ɓi ǹɗem wɔɔ wu kɔnkɔ̀ngà, ɓi mɛ ràɓsɛn wɔ; ìkum wɔɔ, rì gìn yi ɓyom yi wɔ̀ɔ nɗi rì yɔ, ɓi ti ɓìɗimɛn ɓi san ànɛ a lɔ̀ŋkɔɔ, wàa ki ghɛɛ̀dii gɛ ɓi ɓyɔ.

ÀPÒKÀLIƁSƐ̀ 18:19

Ɓɛ ɗyɛɛɗyɛ̀ɛ̀rɛ̀ngà kùrùɓu ɓi mɛ̀to, di ɓɛɛ̀ rèereèdɛ̀n, ɓɛ waatɛ̀n ɓìlɛ̀ɓì, di ɓɛɛ̀ kuukugsɛ̀n jɛ̀ɛ̀ aɗyoo lɛ: Nyìighnyìg, nyìighnyìg rì coo bàn ìnɛ; ɓum ɓɛ̀cèm ɓɛ ɓɛ ri rì tìtimà ɓi rìɓày à kìkòn, ɓɛ mmɛ kum lɛ ìkum wu ɓi bàn ìnɛn, yɛ̀ɛ ghali ìreɓ ɓi maa hawò bog!

ÀPÒKÀLIƁSƐ̀ 18:3

ɓisuulɛ ɓìlɔ̀ŋ ɓìcèm ɓi nnɔɔ mɛ̀rɔ̀g mɛ cɛɓ kii ki tifin ki ki ri koŋnyoo; rì tì lɛ mɛ̀fòm mɛ ɓi ziinɛ mɛ nkìkii tìsɔ̀mɔ̀g ri nyi, ɓɛ̀kìì-dùne ɓɛ ɓi ziinɛ ɓɛ kum, lɛ coo gɛn à ìkum wiì.