ÀPÒKÀLIƁSƐ̀ 14:7 - Bafia Nouveau Testament

⁷ À lààlàmɓɛ̀ngà jɛ̀ɛ̀ aɗyoo lɛ: Risiina Bɛ̀ll, ɓì fa nyi rìkem ɓisuu cààmɛ̀n ki ɓɛyɔ̀m ɓii ki ki kpaŋi; ɓaaghna mɛ̀ɗu ɓi zi ɓi mis mɛ roànɛ à kìghà lɛ rì ɗyoo rì zi, ɗì rìɓày à kìkòn rì ɓɛ̀ǹsim ɓɛ mɛnig ɓɛ̀cèm.

ÀPÒKÀLIƁSƐ̀ 14:7 ပူးပေါင်းရင်းမြစ်များ

MATYOO 25:13

Fɔɔnnɛ ɓì ghɛ̀ɛ̀sɛɛ kì kɔ̀rii cem, lɛ ɓì yii ɓì gòn nsoò cààmɛn.

LUKAS 17:18

Lɔŋ ǹkèn a mum ànɛ yaa yitii, ɓi ɓɔɔ̀cèm, lɛ a sugtiì kì kemzii Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 14:15

Ɓi kìki fɔlɔɔ lɛ la? Ɓìsii ri girig ɓum lɔŋ yɛ̀ɛ mìni. Syeesyee à Ɓɔlɛ ànɛ ti ghaaghagsì mìni à ri lɛ, ɓi caɗ rìɓɔgsì ɗi ɓinùn ɓi zɛy rì zɛy, ɓi lɔɔ̀ghrɛn yɛ̀ɛ Bɛ̀ll ànɛ à rì cencem, ànɛ à kìghà lɛ rì ɗyoo rì zi, rì rìɓày à kìkòn ɗì ɓyom ɓìcèm ɓi ɓi ri miì.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

ÀPÒKÀLIƁSƐ̀ 11:13

Ɓi cààmɛ̀n kɔm̀ kiǹ, zi i nyɛ̀ŋɗɛ̀ngà rì ìtèɗ; kìlànà ki bàn kìfog ki ɓi ɓìlànà ɓi kintɛ̀ɗ ɓi ɓi bàn ìnɛn ki waàrɛ̀n, ɓum ɓɛ̀tɔɔsìm taàɓɛ̀ɛ̀ ɓɛ cuu, ɓi rìnyɛ̀ŋɗɛ̀n ɗi zi i nyɛ̀ŋɗɛ̀ngà ɗiǹ, ɓɛ̀ro ɓɛmbog ɓɛ risì, ɓɛ fa Bɛ̀ll ànɛ aɗyoo rìkem.

ÀPÒKÀLIƁSƐ̀ 11:18

Ɓìlɔ̀ŋ ɓi wokà bim, kìɓan kifog, cààmɛ̀n ki lɛ bim yɔɔ̀ yɛ̀ɛ ghɛnɛn ki yuù, rì ki lɛ u yɔm̀ ɓìloŋ; rì cààmɛ̀n ki lɛ u leɓ ɓɛ̀kìì-ɓìsay ɓɔɔ ɓɛ lɛ ɓɛ̀kpaŋzì-ɓìɓan, rì ɓɛ̀gherɛ̀n rì ɓumɓɛ ɓɛ ti ɓɛ nigì ɗii ɗyɔɔ, lɛ rì ɓɔɓti rì ɓɛ̀sɛ̀ɛ̀mɛn; cààmɛ̀n ki lɛ u cuùsi ɓumɓɛ ɓɛɛ̀ yooyogsì ziinɛ ki kpaŋi.

ÀPÒKÀLIƁSƐ̀ 15:4

Kan ghɛn yɛɛ ri lɛ à rɔ̀ɓ lɛ à risii ɓi ɗii ɗyɔɔ, kɛ̀ɛ ki kemzi ɗyɔ? Ɓisuulɛ, lɔŋ wɔ̀ cɛ̀ncɔɔ yɛɛ ri ǹtɛnɛn. Ɓìlɔ̀ŋ ɓìcèm ɓi ri ɓiì yùu, ɓi ɓag wɔ̀ mɛ̀ɗu asu, lɛ saaɗ wɔ̀ɔ̀ a mɛ rèsɛ̀n.

ÀPÒKÀLIƁSƐ̀ 16:9

nni coo ritɔ̀n ɗi syàn ɗiǹ ɗi ɗigsìghà ɓum, ɓɛ tum rìfengì ɗi ɗii ɗi Bɛ̀ll, ànɛ à làmii mɛ̀tɔɓ mɛ̀n ɓɛ̀ kɛɛ̀ lɔ̀ɔ̀ghrɛn mɛrem lɛ ɓɛɛ fa nyi rìkem.

ÀPÒKÀLIƁSƐ̀ 18:10

Mɛ̀fòm mɛǹ mɛ ri rɛlag yi fìràɓ lɛ mɛɛ̀ ririsi ntɔɓ wu bàn ìnɛn, mɛ kpaakpàà lɛ: Nyìighnyìg, nyìighnyìg ɗì coo bàn ì Baɓilon, bàn ìnɛ ì rì kìtèetèɗ ki bàn; kìɓan kɔɔ ki yɔm̀ɓɛɛ lɔŋ ɓi hawò bog.

ÀPÒKÀLIƁSƐ̀ 18:17

Ɓɛ̀kɔ̀mɛ̀n tìtimà ɓɛ̀cèm, rì ɓɛ̀pusì tìtimà rì ɓum ɓɛ̀cèm ɓɛ ɓɛɛ̀ sasay ɓi tìtimà, rì ɓɛ ɓɛɛ̀ kɛ̀ɛ̀kɛɛ miì, ɓɛ rɛlàkày fìràɓ,

ÀPÒKÀLIƁSƐ̀ 18:19

Ɓɛ ɗyɛɛɗyɛ̀ɛ̀rɛ̀ngà kùrùɓu ɓi mɛ̀to, di ɓɛɛ̀ rèereèdɛ̀n, ɓɛ waatɛ̀n ɓìlɛ̀ɓì, di ɓɛɛ̀ kuukugsɛ̀n jɛ̀ɛ̀ aɗyoo lɛ: Nyìighnyìg, nyìighnyìg rì coo bàn ìnɛ; ɓum ɓɛ̀cèm ɓɛ ɓɛ ri rì tìtimà ɓi rìɓày à kìkòn, ɓɛ mmɛ kum lɛ ìkum wu ɓi bàn ìnɛn, yɛ̀ɛ ghali ìreɓ ɓi maa hawò bog!

ÀPÒKÀLIƁSƐ̀ 19:5

Nni jɛ̀ɛ̀ ì faŋìghày ɓi-kɔ̀ɔ̀ wu rilàmì lɛ: Ɓɔgsiina Bɛ̀ll wìs, mìni ɓɛ̀kìì-ɓìsay ɓii ɓɛ̀cèm, mìni ɓɛ ɓì ti ɓì risàg nyi lɛ rì ɓɔɓti rì ɓɛ̀sɛ̀ɛ̀mɛn.

ÀPÒKÀLIƁSƐ̀ 4:11

Wɔ̀ Kan wìs, Bɛ̀ll wìs, ù ghɛ̀ɛ̀sɛɛ lɛ, ɗì rìkem, rì bɔgsɛ̀n, rì ìtèɗ, ɓisuulɛ wɔ̀ yɛɛ kighà ɓyom ɓìcèm, yɛ̀ɛ ki kɔngà wɔ̀ lɛ ɓyom ɓìn ɓyɛɛ ɓa, nnɛ ɓi kilɛ̀ngà.

ÀPÒKÀLIƁSƐ̀ 4:9

Nni cààmɛ̀n kìcèm ki nyàm yiǹ yi fafàghà roànɛ à kɔ̀kɔrii ɓi-kɔ̀ɔ̀ wu rilàmì, ànɛ à rì cem fiɗyàɓ fikɔ̀ɔ̀ lɛ, rì rìkem, rì bɔgsɛ̀n,

ÀPÒKÀLIƁSƐ̀ 8:10

Nni ŋwaà-fìtom à kìraa à rɔgà ɗyam, coo fyɛy fi kɔsɛ̀n yì aɗyoo, fi roòròò yɛ̀ɛ baɓ; fyɛy fiǹ fi kpighà ɓi gàɓ ì kìraa ìnɛ ɓi ɓɛ̀rìɓày rì mɛ̀syòm mɛ̀cèm mɛ ɓi ziinɛ.