ÀPÒKÀLIƁSƐ̀ 14:15 - Bafia Nouveau Testament

¹⁵ Nni ŋwaà-fìtom adɛŋ à kpagày ɓi naà-Bɛ̀ll, à kpaa ŋwaànɛ à ɓaghà ǹkɔ̀kɔriyɛn ɓi kìkwìɗ jɛ̀ɛ̀ aɗyoo lɛ: Pìgha zɛ̀m, u saŋ ɓyom, lɛ cààmɛ̀n à mɛ̀saŋ yɛɛ kpaŋi lɛ̀, ɓisuulɛ ɓyom ɓi ɓi ziinɛ ɓi mɛ tèɗ lɛ Bɛ̀ll a saŋ̀ ɓyɔ.

ÀPÒKÀLIƁSƐ̀ 14:15 ပူးပေါင်းရင်းမြစ်များ

MATYOO 13:30

Càrina lɛ rì gèŋ rì caaɓi kiǹ ɓyɛɛ tɔɔ̀ nɗaŋ, ɓi cààmɛ̀n à mɛ̀saŋ nnɛ ǹɗì ɓiì kalii ɓɛ̀kìì-ɓìsay lɛ, ɓɛɛ ka rùɓi kiɓeɓtàg ki caaɓi kiǹ, ɓɛ kagi kɔ ɓi ɓìɓiŋ lɛ ɓɛɛ tɔn, fɔɔnnɛ ɓɛ taŋzɛ̀n min gèŋ ɓi zarò yɛ̀m.

MATYOO 13:39

Bènàbena anɛ à mìskà kìɓeɓtàg ki boo yɛɛ rì Satàn; mɛ̀saŋ mɛɛ ri rìlèg ɗi zi, ɓɛ̀saŋì-mɛ̀saŋ ɓɛɛ ri ɓum ɓɛ titòm.

MATYOO 23:32

Nni kɛ̀ɛna min asu, ɓi wɔmɓɛn kìsay ki ɓɛ̀seŋi ɓin ɓɛ ghɛlɛ̀ngà.

MARIKUS 4:29

I ɓi mɛ ɓàŋ, ɓɛ tumɛ̀n rìrengì ɗi mɛɗyèm rì zɛ̀m lɛ mɛ̀saŋ mɛ kpaŋi yɛɛ lɔ̀ɔ̀.

TÈSÀLÒNÌSYƐŊ 2:16

Ɓɛ ti ɓɛ rekì ɓìsi lɛ tyɛ̀ ki ghagsi jɛ̀ɛ̀ ì Bɛ̀ll a ɓumɓɛ ɓɛ yin Ɓɛ̀yudɛ̀n lɛ ɓɛɛ ɓa rì cɛɓ. Rìkì ɗiǹ ɗyɛɛ̀ɗi ɓɛɛ̀ kɛ̀nkɛn beèbɛ̀y ɓɛ teètègsì kìɓe kaa cààmɛ̀n kìcèm rì ɗyɔ̀; wɔ̀lɛ rìbaŋì ɗi Bɛ̀ll ɗi mɛ syɔn ɓɔ kìkòmi.

ÀPÒKÀLIƁSƐ̀ 11:19

Nni naà-Bɛ̀ll ìnɛ ì rì ɓi ɗyoo ɓi ɗùm ì ŋwàrɛ̀ngà, fìkɔrɔŋ fii fi riràrɛ̀n fi seèsèèrɛ̀n yì ɓi naa yìì ɓi ɗùm. Fɔɔnnɛ ŋwàaŋwàɗ à tumɛ̀ngà rìŋwàŋwàɗ, ɓyoo gom ɓi jɛ̀ɛ̀ ɓi ghaghààgh, baàbàn ì ɓoɓòg, zi i nyɛ̀ɛ̀nyɛ̀ŋɗɛ̀n, bol ì gɔ̀g ì sùùsùùrɛ̀n.

ÀPÒKÀLIƁSƐ̀ 13:12

Ì kìkìghà kìsay ri ìtèɗ wu rilàmì wu nyàm ì ǹtonto, ɓi mis mɛ nyàm ìncèm ìnɛn. Ì ki kàŋkaŋ zi, ri ɓumɓɛ miì lɛ ɓɛɛ ɓɔgsi nyàm ì ǹtonto ìnɛ ì ɓaghà rì coo beŋ i ǹfin ìnɛ ɓɛ ɓooghà ì wɔ̀n.

ÀPÒKÀLIƁSƐ̀ 14:14

Nni ǹseesèèghà, ǹghɛn kìkwìɗ ki puɓ; ɓi kìkwìɗ kiǹ mum à ɓaghà ǹkɔ̀kɔriyɛn yɛ̀ɛ man à mum, à ɓaghà rì tam à rìkem ɓi nto, ànɛ ɓɛ kiì rì gol, à ki ɓanɓan zɛ̀m i mpooyɛn ɓi càg.

ÀPÒKÀLIƁSƐ̀ 14:16

Fɔɔnnɛ roànɛ à ɓaghà ǹkɔ̀kɔriyɛn ɓi kìkwìɗ à pìkà zɛ̀m, à saŋ ɓyom ɓi ɓi ziinɛ.

ÀPÒKÀLIƁSƐ̀ 14:17

Nni ŋwaà-fìtom adɛŋ à kpagày ɓi naà-Bɛ̀ll ìnɛ aɗyoo, à ɓaghà girig rì zɛ̀m i mpooyɛn ɓi càg;

ÀPÒKÀLIƁSƐ̀ 14:18

fɔɔnnɛ ŋwaà-fìtom adɛŋ ànɛ à làmìghà ɗuu, à kpagày ɓi com ki ɓɛɛ̀ tɔ̀ngi ɓyom miì ɓi rìɓɔgsì ɗi Bɛ̀ll, à kpaa roànɛ à ɓaghà rì zɛ̀m i mpooyɛn ɓi càg jɛ̀ɛ̀ aɗyoo lɛ: Pìgha zɛ̀m yɔɔ̀, u syaŋ ɓìjug ɓi viìnyɛ̀, ɓisuulɛ ɓìɗùn ɓi mɛ ɓàŋ.

ÀPÒKÀLIƁSƐ̀ 15:6

Fɔɔnnɛ ɓum ɓɛ titom ɓɛ kitaàɓɛ̀ɛ̀ ɓɛ ɓɛ ɓanɓàngà kìtaàɓɛ̀ɛ̀ ki mɛtɔɓ, ɓɛ kpagày ɓi na-Bɛ̀ll ìnɛn, ɓɛ ɓaghà ɓɛ̀waatakɛn ɓisyeesyee ɓi ɓilàà ɓi puɓ, ɓi ɓi lonlòmgà ǹlònlomɛn, ɓɛ ŋiràg ɓɛ̀kànɗa ɓɛ gol ɓi ɓìɓon.

ÀPÒKÀLIƁSƐ̀ 16:17

Nni ŋwaà-fìtom a kìtaàɓɛ̀ɛ̀ a sùùrìghà ɓeŋ wìì ɓi bɛ̀ɛ̀bɛ̀ɛ̀. Fɔɔnnɛ coo jɛ̀ɛ̀ ki kpagày ɓi naà-Bɛ̀ll, di ki riì ɓi-kɔ̀ɔ̀ wu rilàmì ki kpaa lɛ: Ki leègh!

ÀPÒKÀLIƁSƐ̀ 6:10

Ɓɛ nyàmgà jɛ̀ɛ̀ aɗyoo lɛ: Wɔ̀ Kan ànɛ ù rì ǹtɛnɛn, ù ki ɓa kɔɔ̀kɔɔ̀ à Bɛ̀ll, ù rì ɓiì ɓooɓoŋ̀zì ɓɛ̀yɔ̀m, ɗì rìrɔ̀ŋ ɗi bwaɓ yis yi ɓumɓɛ ɓi ziinɛ ɓɛ yogsìghà à kpaŋ fin?