MATYOO 9:8 - Bafia Nouveau Testament

⁸ Yɛ̀ɛ gwìy ì ɓum ì ghɛngà fɔlɔɔ, ìris wu ɓan yɔ̀, ì ki kemzi Bɛ̀ll lɛ, à mɛ fa ɓum rìkuu ɗi itèɗ yɛ̀ɛ ɗiǹ.

MATYOO 9:8 ပူးပေါင်းရင်းမြစ်များ

MATYOO 12:23

Gwìy inɛ ì ɓaghà wɔɔ ì kuughràkà lɛɛ̀gwey, ì tɔɔtɔ̀ɔ̀ghrɛ̀n lɛ: Ki rì lɛ ki ɓa lɛ à rì, Man à Davit gìn?

MATYOO 15:31

Gwìy ì ɓum ìnɛ̀n ì kuuràkà lɛɛ̀gwey yɛ̀ɛ ɓɛ ghɛngà di ki ti lɛ, ɓɛ̀mùm-mùm ɓɛ totòg, ɓìsɛkɛ̀rɛ̀ ɓi wɔnwɔ̀n ɓɛ̀lɛnlɛm ɓɛ kɛɛ̀kɛ̀ɛ̀ mɛ̀rɛy, ɓɛ̀ɗyaŋɗyàŋ ɓɛ ghɛɛ̀ghɛ̀nɛ̀n. Nni ɓɛ tumɛ̀ngà rìkeèkèmzì ɗi Bɛ̀ll à Isirayɛl.

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

MATYOO 5:16

Fɔlɔɔ nnɛ Kìtɛɛtɛn kin ki ghɛɛ̀sɛɛ kì lòmi ɓi nyìinyìm à ɓum ɓi lèg ànɛ lɛ, i ɓɛ ghɛɛ ɓìɓan ɓi syeesyee, ɓi ɓi kìkì ɓɛ kemzì Tààta wìn anɛ à rì ɓi ɗyoo ɓi ɗùm.

MATYOO 9:7

Fɔɔnnɛ ŋwaànɛ̀n à pɛ̀sɛ̀ngà aɗyoo, à sug a mɛɛ mii.

MARIKUS 2:12

Nni ŋwaànɛ̀n à ghàskà kì pɛ̀sɛɛ aɗyoo, à teɗ kon wiì à kpaŋ, ɓum ɓɛ̀cèm ɓɛ seesèè, kìɓan ki wey ɓɔ yɛ̀ɛ rìtɔŋ; ɓɛ keèkèmzì Bɛ̀ll di ɓɛɛ̀ kpaakpaa lɛ: Tì ka ghɛngà ɓi rikuu ɗi kiɓan yɛ̀ɛ ɗi.

MARIKUS 7:37

Ɓum ɓɛ kuuràkà lɛɛ̀gwey, ɓɛ ki kpaakpaa lɛ: Ɓìɓan ɓìcèm ɓi a kìkì ɓi ri lɛ syeesyee. A kìki lɛ, ɓɛ̀lɔlɔg ɓɛɛ woòghrɛn, ɓɛ̀mùm-mùm ɓɛ toòghrɛ̀n.

LUKAS 13:13

Fɔɔnnɛ à saghìghà min nyi ɓyàg ɓi nyòò, giɓ anɛ̀n à sugtì kì rɛlii lɛsaaɗ lɔŋ a-kɔ̀ɔ̀, à ghagsɛ̀n ɗì rìɓɔgsì ɗi Bɛ̀ll.

LUKAS 17:15

Yɛ̀ɛ kìbog ki ɓi ɓɔ ki ghɛngà lɛ ki mɛ wɔ̀n, ki sugtìghày rì jɛ̀m di kɛɛ ɓɔɔɓɔgsì Bɛ̀ll jɛ̀ɛ̀ aɗyòò.

LUKAS 17:18

Lɔŋ ǹkèn a mum ànɛ yaa yitii, ɓi ɓɔɔ̀cèm, lɛ a sugtiì kì kemzii Bɛ̀ll.

LUKAS 18:43

Ŋwaànɛ̀n à ghàs kì ghɛnɛɛ lɔŋ wɔɔ foo, à ki nɔ̀ɔ̀ti Yeesus di a ɓɔɔɓɔgsì Bɛ̀ll. Yɛ̀ɛ ɓum ɓɛ̀cèm ɓɛ ɓɛ ɓaghà wɔɔ ɓɛ ghɛngà kìɓan kiǹ, ɓɛ tumɛ̀n rìɓɔgsì ɗi Bɛ̀ll.

LUKAS 2:20

Fɔɔnnɛ ɓɛ̀ɓèŋì-jɔ̀ɔ̀ ɓɛ sugtìghà di ɓɛɛ ɓɔɔɓɔgsì Bɛ̀ll, ɓɛ keèkèmzì nyi rì tyem ɓisuulɛ, ɓìɓan ɓìcèm ɓi ŋwaà-fìtom a kpaaghà ɓɔ, ɓi ɓaghà com kìfog rì ɓi ɓɛ ghɛngà.

LUKAS 23:47

Yɛ̀ɛ ǹkɔ̀mɛ̀n-ɓɛ̀sujàà à ghɛngà com ki ki kilɛ̀ngà kiǹ, nni à faghà Bɛ̀ll rìkem, à kpaa lɛ: Ŋwaànɛ àa nɗì lɔŋ saaɗ à mum a tààkaà.

LUKAS 7:16

Ɓum ɓɛ̀cèm ɓɛ ɓɛ ɓaghà wɔɔ, ɓɛ ghɛngà kìɓan kiǹ koŋnyòò. Fɔɔnnɛ ɓɛ keèkèmzìghà Bɛ̀ll ɓɛ kpaakpàà lɛ: Coo ǹkpaŋzì-ɓìɓan a ghɛnɛɛ a lɔ̀ŋkis, rì tì lɛ Bɛ̀ll à yùu kì ghɛɓsii kilɔ̀ŋ kii.

ZYAŊ 15:8

I ɓì wumi ɓìɗùn lɛɛ̀gwey, fɔlɔɔ nnɛ Seŋi wɛ̀m à ɓiì terì rìkem, mìnii ki ɓa ɓɛyilàg ɓɛm.

MƐ̀KÌKÌÌ MƐ ƁƐKƐ̀NÌ-FÌTOM 11:18

Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 21:20

Nni ɓɛ wokà ɓìɓan ɓiǹ, ɓɛ fa Bɛ̀ll rìkem ɓɛ ki kpaa Pol lɛ: Maasoŋ̀, ù ghɛɛ yɛ̀ɛ bàlì ì ɓɛ̀tɔɔsìm ɓɛ Ɓɛ̀yudɛ̀n ɓɛ mɛ gherɛ̀n wɔ̀lɛ, ɓɛ ki rì lɔŋ ɓɛsììrɛn ɓi ɓìdɔ̀gsɛna ɓis.

MƐ̀KÌKÌÌ MƐ ƁƐKƐ̀NÌ-FÌTOM 4:21

Fɔɔnnɛ ɓɛ̀yɔ̀mzì-ɓɔ, ɓɛ sagɛ̀ngà tì ɓɔ, ɓɛ ki caɗ min ɓɔ, di ɓɛ mɛ rɔɓ ɓɛ̀ kɛɛ̀ yi yɛ̀ɛ ɓɛɛ pɔnɔ̀si ɓɔ ɓisuulɛ, kìlɔ̀ŋ kìcèm ki keèkèmzìghà Bɛ̀ll ɓisuu dàm ì kìɓan inɛ̀n.

2 KƆ̀RƐ̀ŊTYƐŊ 9:13

Ɓisuulɛ gɛɓsɛ̀n ìnɛ kìsay kiǹ ki ri rì yɔ̀, ɓum lɛɛ̀gwey ɓɛ ri fa Bɛ̀ll rìkem, ɓi mɛ̀wog mɛ ɓì rì rì mɔ ɓi Syeesyee à Ɓɔlɛ à Kiris ànɛ ɓi làalamɓɛ̀n, rì ɓi rìɓòò ɗin ɗi ɗyɛɛ̀ kìki lɛ, ɓi ɓutɛn rì ɓɔ, ɓì ki ɓùtɛn ɗi ɓum ɓɛ̀cèm.

GÀLAT 1:24

Fɔɔnnɛ ɓumɓɛ̀n ɓɛ keèkèmzìghà Bɛ̀ll ɓisuu kiɓan kɛm̀.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.