MATYOO 9:35 - Bafia Nouveau Testament

³⁵ Yeesus à kɛ̀ɛ̀kɛ̀ɛ̀ghà lɛ rì ɓi bàn yìcèm rì ɓi ɓɔɔ ɓilɔ̀ŋ ɓɛ̀cèm di a rèresi ɓum ɓìɓan ɓi Bɛ̀ll ɓi naa yaa yi bɔ̀ŋzɛ̀n, à kakàlì Syeesyee à Ɓɔlɛ à kìlɔ̀ŋ ki Bɛ̀ll, à ki wɔ̀ɔwɔɔ̀zì tìròɓ, rì ɓìlɛm mɛ̀kuu mɛ̀cèm.

MATYOO 9:35 ပူးပေါင်းရင်းမြစ်များ

MATYOO 10:1

Nni Yeesus à reŋìghà ɓɛ̀yilàg ɓii ǹtɛ̀ɗ rì ɓɛɓɛɛ̀, à fa ɓɔ ìtèɗ wu ɓɛɛ kiki lɛ, ɓɛ nanàɓ ɓìɓeɓtàg ɓi mɛghay, ɓɛ wɔɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MATYOO 11:1

Yɛ̀ɛ Yeesus à lègsìghà kì siitaagh ɓɛyilàg ɓii ǹtɛ̀ɗ rì ɓɛɓɛɛ̀ ɓìɓan ɓi à ghɛ̀ɛ̀sɛ̀ngà ɓɔ kì siitaagh nni à pɛ̀sɛ̀ngà ɓi jàŋ inɛ̀n, à kɛ̀n kì rèsaagh ɓum, à ki kakali Syeesyee à Ɓɔlɛ ɓi bàn yi wɔɔ.

MATYOO 11:5

Ɓyɛɛ ri lɛ, ɓɛ̀ɗyaŋɗyàŋ ɓɛ ghɛɛ̀ghɛ̀nɛ̀n, ɓɛ̀lɛnlɛm ɓɛ̀ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ pɛɛ̀zɛ̀n kìɓaà lɛ syeesyee ɓi nyoo yàà, ɓɛ̀lɔlɔg ɓɛ woòghwòòghrɛ̀n, ɓìloŋ ɓi gheèghèmɓɛ̀n, Syeesyee à Ɓɔlɛ à ki kaakalɛ̀n a ɓumɓɛ ɓɛ ri nyìighnyìg.

MARIKUS 1:14

Yɛ̀ɛ ɓɛ ɓaghà di ɓɛ mɛ ɓan Zyaŋ, Yeesus à kɛ̀ngà a Galile, à kakàlì Syeesyee à Ɓɔlɛ à Bɛ̀ll.

MARIKUS 6:56

Ɓi jàŋ yicèm yi Yeesus à kpagà à tumɛ̀n lɛ, ɓi ɓìlɔ̀ŋ, rì ɓi bàn nsoò lɛ ɓi jɛ̀m i ɓilɔ̀ŋ, ɓɛ ǹnɔ̀ŋzàg ɓɛ̀roroɓ ɓi jàŋ yi yɛ̀ɛ ɓìyan ɓi tyèè, ɓɛ ɓɔŋzì nyi lɛ, ɓɛ̀roroɓ ɓɛ̀n ɓɛɛ kom̀ lɔŋ nsoò rìkeɓ ɗii ɗi kilàà; fɔɔnnɛ ɓɛ̀sɛ̀ɛ̀ ɓɛ̀cèm ɓɛ ɓɛ komgà nyi ɓɛ wɔngàkà.

MARIKUS 6:6

Yeesus à kuuràkà yɛ̀ɛ ɓumɓɛ̀n ɓɛ ɓaghà fɔlɔɔ ri nyoey, à kɛ̀n asu à rerènì ɓìlɔ̀ŋ ɓi jàŋbog, di a rèeresàg ɓum ɓìɓan ɓi Bɛ̀ll.

LUKAS 13:22

Yeesus à rerènìghà lɛ, rì bàn ɗì jɛ̀m i ɓilɔ̀ŋ, di a rèeresàg ɓum ɓìɓan ɓi Bɛ̀ll, à ki ròroŋi bee inɛ a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.