အွန်လိုင်း သမ္မာကျမ်းစာ

« အရင်

နောက်တစ်ခု »

MATYOO 9:22 - Bafia Nouveau Testament

²² Yɛ̀ɛ Yeesus à lɔ̀ɔ̀ghrɛ̀ngày, à ghɛn giɓ anɛ̀n, à kpaa lɛ: Iyà kɔ̀ɔ risi, com ki yin, rìgherɛ̀n ɗyɔɔ ɗi wɔɔ̀zii wɔ̀. Fɔɔnnɛ giɓ anɛ̀n à ghàskà kì wɔ̀ni.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

MATYOO 9:22
15 ပူးပေါင်းရင်းမြစ်များ

MATYOO 15:28

Fɔɔnnɛ Yeesus à kpaaghà min giɓ anɛ̀n lɛ: Wɔ̀ giɓ anɛ, rìgherɛ̀n ɗyɔɔ ɗi teghɛɛ lɛɛ̀gwey, nni kɛɛ kilɛn lɔŋ yɛ̀ɛ rìkɔ̀n ɗyɔɔ ɗi ri. Ɓi cààmɛ̀n kɔm̀ kiǹ gɔ̀n yìì i ghàskà kì wɔ̀ni.

အခန်းကိုကြည့်ပါ။

MATYOO 17:18

Nni Yeesus à fwààdɛ̀ngà kìɓeɓtàg ki nghay, ki kpaŋ ɓi mutyàànɛ̀n, à ghàs kì wɔ̀ni lɔŋ wɔɔ foo.

အခန်းကိုကြည့်ပါ။

MATYOO 8:13

Nni Yeesus à kpaaghà min ǹkɔ̀mɛ̀n-ɓɛ̀sujàà ànɛn lɛ: Kɛ̀na, kɛɛ kilɛn lɔŋ yɛ̀ɛ wàa gherɛɛ lɛ ki ri lɛ ki kilɛ̀n. Nni ɓi cààmɛ̀n kɔm̀ kiǹ nnɛ ǹkìì-kìsay a ŋwaànɛ̀n à wɔ̀ngà.

အခန်းကိုကြည့်ပါ။

MATYOO 9:2

Fɔɔnnɛ ɓɛ yughày nyi rì kìsɛkɛ̀rɛ̀ kì nɔ̀nɔŋiyɛn ɓi kon. Yɛ̀ɛ Yeesus à ghɛngà rìgherɛ̀n ɗi ɓɛ ɓaghà rì ɗyɔ, nni à kpaaghà kìsɛkɛ̀rɛ̀ kiǹ lɛ: Man wɛm̀ kɔ̀ɔ risi, com ki yin, ɓìɓe ɓyɔɔ ɓi ti ɓì cenɛn.

အခန်းကိုကြည့်ပါ။

MATYOO 9:29

Fɔɔnnɛ à kòmgà min ɓɔ ɓi mis à kpaa lɛ: Kɛɛ kilɛn lɔŋ yɛ̀ɛ ɓyàa gherɛɛ lɛ ki ri lɛ ki kilɛ̀n.

အခန်းကိုကြည့်ပါ။

MARIKUS 10:52

Yeesus a kpaa min nyi lɛ: Rìgherɛ̀n ɗyɔɔ ɗi ghɛɓsii wɔ̀, kɛ̀na yàà. Ŋwaànɛ̀n à ghàs kì ghɛnɛɛ, à tumɛ̀n rìnɔ̀ɔ̀tì ɗi Yeesus ɓi bee.

အခန်းကိုကြည့်ပါ။

MARIKUS 5:34

Nni Yeesus à kpaaghà nyi lɛ: Iyà, rìgherɛ̀n ɗyɔɔ ɗi ghɛɓsii wɔ̀, kɛ̀na lɛ fyòoog, ù wɔni fìroɓ fyɔɔ yaà.

အခန်းကိုကြည့်ပါ။

LUKAS 17:19

Nni à kpaaghà min ŋwaànɛ̀n lɛ: Pɛ̀sɛn aɗyòò, u kɛǹ, rìgherɛ̀n ɗyɔɔ ɗi ghɛɓsii wɔ̀.

အခန်းကိုကြည့်ပါ။

LUKAS 18:42

Nni Yeesus à kpaaghà min nyi lɛ: Ghɛnɛn tì, rìgherɛ̀n ɗyɔɔ ɗi ghɛɓsii wɔ̀!

အခန်းကိုကြည့်ပါ။

LUKAS 7:50

Wɔ̀lɛ Yeesus à kpaaghà giɓ anɛ̀n lɛ: Rìgherɛ̀n ɗyɔɔ ɗi ghɛɓsii wɔ̀, kɛ̀na lɛ fyòoog.

အခန်းကိုကြည့်ပါ။

LUKAS 8:48

Fɔɔnnɛ Yeesus à kpaaghà min nyi lɛ: Gɔ̀n yɛ̀m! rìgherɛ̀n ɗyɔɔ ɗi ghɛɓsii wɔ̀, kɛ̀na lɛ fyòoog!

အခန်းကိုကြည့်ပါ။

ZYAŊ 4:53

Fɔɔnnɛ seŋi man ànɛ̀n à yitìghà lɛ, cààmɛ̀n kiǹ kɛɛ̀ki Yeesus àa nkpaa nyi lɛ: Man wɔɔ̀ à rì cem. Nni à gherɛ̀ngà Yeesus rì rìmɛɛ ɗii ɗicèm.

အခန်းကိုကြည့်ပါ။

MƐ̀KÌKÌÌ MƐ ƁƐKƐ̀NÌ-FÌTOM 14:9

Nni ŋwos adɛŋ ànɛ ŋwaànɛ̀n à wowòkà di Pol à tòtòg, fɔɔnnɛ Pol à pɛɓsɛ̀ngà nyi, à fiɓì nyi lɛ fyɛɛɛyi à ghɛn lɛ ŋwaànɛ̀n à ɓaghà ɗì ǹtyweeyi lɛ a wɔɔ̀zi nyi.

အခန်းကိုကြည့်ပါ။

MƐ̀KÌKÌÌ MƐ ƁƐKƐ̀NÌ-FÌTOM 16:18

Ɓàlì ì mɛ̀ru ì ghaghìghà lɛɛ̀gwey ŋwutyàà giɓ anɛ̀n à kɛ̀nkɛ̀n lɔŋ asu à kpaakpàà fɔlɔɔ. Fɔɔnnɛ bim ì ɓaghà lɛ ì mɛ naasag Pol, à lɔ̀ɔ̀ghrɛ̀n à kpaa kìɓeɓtàg ki nghay ki ki ɓaghà ɓi giɓ anɛ̀n lɛ: Ɓi ɗii ɗi Yeesus Kiris, ǹtɔɔgh wɔ̀ lɛ, u pɛsɛn ɓi giɓ ànɛ. Nni kìɓeɓtàg ki nghay ki ghàskà kì pɛ̀sɛɛ ɓi gom yɔ̀miɗ inɛ̀n.

အခန်းကိုကြည့်ပါ။

EBIREEGH 4:2

Ɓisuulɛ Syeesyee à Ɓɔlɛ à mɛ kalɛn a lɔ̀ŋkis lɔŋ yɛ̀ɛ à kalɛ̀ngà a lɔ̀ŋkaa. Wɔ̀lɛ jɛ̀ɛ̀ ìnɛ ɓɛ wokà, ì ghɛɓsìghà ɓi com, ɓisuulɛ ɓɛ wokà yɔ̀, ɓɛ̀ kɛɛ̀ teɗ yɔ̀ ri rìgherɛ̀n.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ