MATYOO 8:4 - Bafia Nouveau Testament

⁴ Ajɛ̀m ìnɛn, Yeesus à kpaa nyi lɛ: Kɔ̀ɔ fèg ki ɓùŋi mum kìɓan ki, kɛ̀na lɔŋ, u resɛn yɛ̀ɛ pìrɛɛtìrɛ̀, u ki fa rifa ɗi Moyis à kpaaghà lɛ ɓɛɛ falag di mum à wɔ̀ni kwiy, di rìkì ɗiǹ ɗyɛɛ resi ɓɔ lɛ, ù mɛ wɔ̀n.

MATYOO 8:4 ပူးပေါင်းရင်းမြစ်များ

MATYOO 10:18

Ɓi rì ɓiì rɛlii mɛkpaà ɓi mis mɛ ɓɛ̀gɔmìnà, rì mɛ mɛfòm ɓisu wɛ̀m lɛ di ɓi ɓa ɓɛ̀tɛɛzì kiɓan kɛm̀ lɛ rì ɓi mis maa rì ɓi mis mɛ ɓɛroɓɛ ɓɛ yii ɓi Bɛ̀ll.

MATYOO 16:20

Nni à rɔ̀gsɛ̀ngà min ɓɛyilàg syeesyee à rìrɔ̀gsɛ̀n lɛ ɓɛ̀ kɛɛ̀ kali ŋwaàdɛŋ lɛ nyii ri Kiris.

MATYOO 17:9

Nni yɛ̀ɛ ɓɛ sɛnsɛ̀ngày dòn, Yeesus à rɔ̀gsɛ̀n ɓɔ lɛ: Kɛ ɓi fèg ki kpaa ŋwaàdɛŋ kìɓan ki ɓì ghɛɛ kìn à kpaŋ lɔŋ yɛ̀ɛ Man à mum à ri ghèmɓɛn yi a ɓìloŋ.

MATYOO 3:15

Yeesus à ɓàg nyi lɛ: Gherɛn lɛ kɛɛ kilɛn fɔlɔɔ ɓigomìnɛ lɛ, tì ghɛ̀ɛ̀sɛɛ lɛ tì roòzì ɓìɓan ɓìcèm ɓi Bɛ̀ll a tɔtɔ̀g. Fɔɔnnɛ Zyaŋ à ki ɓunɛ̀ngà min.

MATYOO 5:17

Kɛ̀ ɓi fèg lɛ ǹ-yùghà lɛ n-yogsi ɓìdɔ̀gsɛna ɓi Bɛ̀ll, nsoò lɛ, rìrèsàg ɗi ɓɛkpaŋzì-ɓìɓan, ǹ-yùghà ɓi lɛ ǹ-yogsì ɓyɔ, ǹ-yùghà lɔŋ lɛ, ǹɗoòzi ɓìɓan ɓi miì.

MATYOO 6:1

Konaaghna lɛ, kìsay ki ɓi kìki Bɛ̀ll kɛ̀ kɛɛ̀ ɓa yɛ̀ɛ ɓi rèeresɛ̀n ɓi mis mɛ ɓum, di ɓì ɓiì ki mɛ̀mi mɛlèɓ yɛ̀ɛ Seŋi wìn anɛ à rì aɗyòò.

MATYOO 9:30

Nni mis maa mɛ ŋwarɛ̀ngà, Yeesus à rɔ̀gsɛ̀n min ɓɔ syeesyee à rìrɔ̀gsɛ̀n à kpaa ɓɔ lɛ: Kɛ̀ ɓi fèg ki kìi lɛ, ŋwaàdɛŋ a yi kìɓan ki.

MARIKUS 13:9

Konaaghna rì mìniìɓɔmiɗ lɛ ɓum ɓɛ ri ɓiì kɛ̀ɛ ri mìni ɓi ɓìkpanà ɓi ɓɛyɔ̀m, ɓɛ ki ɓog mini kìtòn ɓi naa yi bɔ̀ŋzɛ̀n. Ɓì ɓiì rɛlii ɓɛyɔ̀m ɓi mis mɛ ɓɛ̀gɔmìnà rì ɓi mis mɛ mɛfòm, ɓisuu kiɓan kɛm̀ lɛ ɓi resi ɓɔ saaɗ ànɛ miì.

MARIKUS 3:12

Kìɓan kifog Yeesus à ɓààɓàŋzìghà mis lɛɛ̀gwey, à rèrèg ɓyɔ lɛ byɛ̀ kɛ̀ɛ kì lɛ ɓum ɓɛɛ yi nyi.

MARIKUS 5:43

Wɔ̀lɛ Yeesus à rɔ̀gsɛ̀ngà ɓɔ, à siitàg ɓɔ lɛ ɓɛ̀ kɛɛ̀ kali ŋwaàdɛŋ kìɓan kiǹ. À ki kpaa ɓɔ lɛ ɓɛɛ fa ŋwutyàà-giɓ anɛ̀n com kiɗiyɛn.

MARIKUS 6:11

I ɓɛ ɓeni mìni kì ghàɓi jàŋ idɛŋ, nsoò lɛ ɓɛ ɓeni kìwoògh com ki ɓi kpaakpàà, i ɓì ti ɓiì pɛ̀sɛɛ ɓi jàŋ inɛ̀n, ɓì kwìɗ kùrùɓu ànɛ mìni ɓi mɛ̀kòò, rìkì ɗiǹ ɗyɛɛ̀ rèresi ɓumɓɛ̀n zɛ̀ɗ yaà.

MARIKUS 7:36

Yeesus à rɔ̀gsɛ̀ngà ɓɔ lɛ ɓɛ̀ kɛɛ̀ kpaa mum kìɓan kiǹ, kìɓan kifog, ɓɔɔ kikìghà lɛ, di Yeesus a rɔ̀gsɛ̀n ɓɔ fɔlɔɔ, di ɓɔɔ̀ sààti ɓɔlɛ.

MARIKUS 8:30

Yeesus à rɔ̀gsɛ̀ngà ɓɔ syeesyee à rìrɔ̀gsɛ̀n lɛ, ɓɛ̀ kɛɛ̀ kpaa ŋwaàdɛŋ rìkuu ɗi mum ɗi à rì.

MARIKUS 9:9

Nni yɛ̀ɛ ɓɛ sɛnsɛ̀ngày dòn, Yeesus à rɔ̀gsɛ̀n ɓɔ lɛ, ɓɛ̀ kɛɛ̀ kpaa mum com ki ɓaa ghɛɛ̀, à kpaŋ yɛ̀ɛ Man à mum à ri ghèmɓɛn a ɓìloŋ.

LUKAS 17:14

Yɛ̀ɛ Yeesus à ghɛngà ɓɔ, nni à kpaaghà ɓɔ lɛ: Kɛ̀ɛna kì rèsɛɛ ɓi mis mɛ ɓɛpìrɛɛtìrɛ̀ ɓɛgwey. Yɛ̀ɛ ɓɛ kɛɛ̀kɛ̀ngà, nni ɓɛ sigmɛ̀ngà lɛ ɓɛ mɛ wɔ̀n.

LUKAS 21:13

Fɔlɔɔ a rì mìni ɓiì kìi lɛ, ɓi lom̀ kìtɛɛtɛn ɓi kìɓan kɛm̀.

LUKAS 4:41

Ɓìɓeɓtàg ɓi mɛghay ɓi kpaŋkpàŋgà girig ɓum lɛɛ̀gwey ɓi nyoo, di ɓyɛɛ̀ syaasyaàdɛ̀n ɓi kpaakpàà lɛ: Ù rì Man à Bɛ̀ll, wɔ̀lɛ Yeesus kɛ̀ɛ fa ɓyɔ bee ìnɛ lɛ, ɓyɛɛ toòghrɛn, ɓisuulɛ ɓi yighà lɛ nnyɛɛ ri Kiris.

LUKAS 5:14

Fɔɔnnɛ Yeesus à siitàkà nyi lɛ: Kɔɔ ɓùŋ mum kìɓan ki, wɔ̀lɛ, kɛ̀na ki rèsɛɛ yɛ̀ɛ Pìrɛɛtìrɛ̀, u funɛn com ɓisuu zòghɛ̀n yɔ̀ɔ̀, fɛlɛ yɛ̀ɛ Moyis à kàngà, rìkì ɗiǹ ɗyɛɛ resi ɓum ɓɛ̀cèm lɛ ù mɛ wɔ̀n.

LUKAS 8:56

Ɓɛ̀yalì man ànɛ̀n ɓɛ kuuràkà lɛɛ̀gwey, wɔ̀lɛ Yeesus à siitàg ɓɔ lɛ: Ɓɛ̀ kɛɛ̀ kpaa mum kìɓan ki ki kilɛ̀ngà kiǹ.

LUKAS 9:21

Yeesus à siitɛ̀n ɓɔ, à sììràg ɓɔ kì kpaà lɛ, ɓɛ̀ kɛɛ̀ kpaa ɓum lɛ nyii ri Kiris.

ZYAŊ 5:41

Ǹ-yin ɓiì kaakaa rikem a ɓum.

ZYAŊ 7:18

Ŋwaànɛ a kpaakpaa ɓiɓan ɓii ɓi nyimiɗ yɛɛ̀ kaakaa rikem ɗii, wɔ̀lɛ roànɛ a kaakaa rikem ɗi roànɛ à romgày nyi, nnyɛɛ̀ kpaakpaa saaɗ, kɛ̀ɛ ki ɓa ri kìɓan kidɛŋ ki ki ri kìtɛ̀ŋtɛ̀ŋ.

ZYAŊ 8:50

Mɛ̀ n-yin ɓiì kaakaa rikem ɗyɛ̀m, ŋwaàdɛŋ yɛɛ̀ kaakaa ɗyɔ, nnyɛɛ̀ ki yɔ̀myɔm ɓum.